MAZMUR 22:19 - Allah Wene Fano Wene Hupla Inane

¹⁹ Iren he an nasu omanogo sumburogo heligik, Nasu pisarek endakwe labeti lagi mene omanogo re, sumburogo helouwogoluk oagengge lakfigik wakfigik aga o.

MAZMUR 22:19 ပူးပေါင်းရင်းမြစ်များ

MAZMUR 10:1

Tuhan neisena, nenahalok Hat hebe nit ninom yathogo welagen, Nen nit ninendawinggen nonghonghogo were'ma Hat hebe hina'laga lagen?

MAZMUR 18:1

Afuni nen wuni wulak fuluk inebe seberogo ugu kwelek melalinafu mene faget. Tuhan amingmingengge Daud a'nogo awuni. At Daud ebe it aselei mene fenakwe inom at Saul enggiba nen polokhogo wulifikhesik logolik, wuniba Tuhan fogeratikhe awuni.

MAZMUR 21:1

Afuni nen wuni wulakfuluk inebe seberogo ugunem melalinafu mene faget, Daud Awuni a'nogo.

MAZMUR 22:11

An nebe ta'lagagi huli nen, an noba hilinglasigin mene andi mondogat he Hat henggiba nek werek. Nagaisa alabutmo welagagi huli nen, an neisena re Harat welagen.

MAZMUR 40:13

An weaget nabugun mene re nenggi wenasu mondok elo'lego, nabel fena-fena walingisi we'luk werek. Nen an nen weak hilingitirek mene andi re, nesi nungguloa'ma andoma endebat hangge meneat he, naweak mondok hokhorogo werego, a'nogo were'ma mu'narek nikho andi. Andi nen he an nen neilenggen ha re elo'lego. An nebe nobakheindok palagarik he, an nen hilingisu re, elo'lek ari'lago andi.

MAZMUR 40:17

It hat fogethafarek mene andoma mondogaren he inendawimo hai higik, inagaiyegetik ugu mondok logouwago. Nen it telninafendek mene andi inagaiyek mene nen he, nineisena Tuhan andi re esin mondok werego iluk ugu mondok logouwago.

MAZMUR 70:5

It afuni Hat foget hafarek mene andoma re, inagaiyegen wonoget fakhikhi logouwak. Nen, it afuni inebe mondogat Haren telninabilebe, iluk inendawimo inamolo werek mene andoma nen hundik-handik ikhi logolik he, ”Ibi eberogo nen At Tuhan andi re lego mondok logouwak!” ikhi logogun.