MAZMUR 22:16 - Allah Wene Fano Wene Hupla Inane

¹⁶ Nalonggop elema re iwak halongorek mene hakhogo mondogat kelok ikhe, namelinggen he nelanglang oba te'me ikhe. Neisena Tuhan an he afuni warek mene hakhogo re, ologoilong engge amboloba nobagegenma welagi o.

MAZMUR 22:16 ပူးပေါင်းရင်းမြစ်များ

MAZMUR 22:1

Afuni nen wuni wulagaisogo inebe seberogo ugu kwelek yagaisugu mene faget, wuni rusa o wei igiluk ugu kwelek agarek awuni a'nogo higithogo: At Daud awuni.

MAZMUR 22:20

A'nogo meneat he, Tuhan neisena, an nebe heraknobagaluk Hat hebe yatma lagun o. An nomame re haren enek wo'neti lagen andi nen he, weak-weak we'luk lebetnabi me o.

MAZMUR 38:11

Nendawimo pong-pongenggeti logolik, nomame mondogat lek aga, neilenggen he mondogat mum agunem welagi.

MAZMUR 59:14

Neisena Allah Hat ha'mage hokho mene a'nogoba it inebe leget fisan o, it inebe mondogat leget fisano o. Andiba re, At Allah nen afuni Israel mene melalinafi logolik werek iluk afuni inebe lombogen inelu asugun o, nen Aren melalinafi logogin mene andi re afuni o kweangma yoma mondogat sagarek werek, iluk inelu asugun o.

MAZMUR 59:6

Neisena Allah Lego Mondok welagen mene, Hebe menla'luk he lebetnabin o, it afuni Israel mene ineisena Allah re Hat welagenma re, Harenat heilenggen isan o. Afuni henarogo hilingitarek mene andoma re hendawirinafi'lek, Hebe heluk asimbik he it afuni inunggulenu lombok andoma wene inoba fuluk unggum wogisan o.

MAZMUR 86:14

Neisena Allah, winik wonok agarek mene omanogo siakhogo wulibi we'luk, an noasugun mene nek hilingiri'lagwi, ap inobaharo werek inap inebe esa logalegengge ekhe nen he Hat a'nogo Hoba inendawinggen wenggel hiigi'legengge nen, an nebe pinggi noasuogeluk hilingiri'lagwi.

YESAYA 53:5

Oba nen he at agap oba oumo aga andoma re nit ninaweak oba, ebe libi'labakhogo wata andoma re nit ninaniniba hilingiti lagagu andi nen. Nit ninagap telasuageluk he at unggum wogota, at agap oumotekwe omanogo nen nit fanot ninabuageluk hilingite andi.

YEREMIA 12:6

Hat he it herugwi hagaila'lak hat werekwe meneba nen ogore inal ngesukum watheaga, iren he hat hebe hoasugun iluk hilingiri'lagwiat. Enggere iren inane amusu tephogo ugun oba nen ogore it inane ugun mene faget eberogo angga fugo,” iluk yaganete.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.

MATIUS 26:57

Heise a'nogo pugulhukwama re, at Yesus ebe fakfesukwasik he, ap Allah eisewerek mene inoe kain Kayafas oba waluk lagaukwa. Lagaukwa re, andoma it ap Allah ane lisu palek eisewerek mene inom, inaluendek inom, andogorek were'ma lagaukwa.

MATIUS 27:35

A'nogo hilingitukwasik he, at ebe eba menfuluk asu nonggolek omanogo, ”Sani asugun,” iluk, oagengge lakfigik, wakfigik, isukwasik he, oagengge inoba agaikhe mene halok sumburogo helasukwa.

MATIUS 7:6

A'nogo yagaisasikhesik he, ekhe mel yagaisasikhe: ”Allah faget fisagarek mene andi mene wogetunem hobuk lagakhogo aigen libilhinabinogo iluk, wogetubo. Nen, hinalilingge fano onggo hokho mene andi, wam wogetunem eisogen wolelenggen tagalogo lakfisanogo iluk, wogetubaro,” iluk yagaisasikhe.

MARKUS 15:24

Yesus ebe arat eba menfesukwasik he, asu nonggolek omanogo inebe lombok, sa hak asigin iluk, oagengge lakfigik, wakfigik, isukwasik, oagengge inoba agaikhe mene halok sumburogo helasukwa.

LUKAS 23:23

eba menfuluk wasuageluk inane hokhorogo ninghogo kino yagatukwama re, it inane omame agaikhe.

LUKAS 23:33

Woginarek he, tom enu Inungguloak palek punuba lagaukwasik, at Yesus eba menfikhi logolik he, ap inebe pire inobabut mondok weak hilingiti lagaukwa mene ekhe enggi ebekwe, nen ekhe enggi harekwe eba menfisaluk inoatukwaat.

YOHANES 19:23

A'nogo yagaisasikhemo, it ap tentara mene nen he, Yesus ebe eba menfesukwasik he, asu nonggolek inebe lombok misiktek-misiktek sumburogo asuogeluk, su ebe 4 oba nen minggilogo fesukwa. Nen, asu endakwe mene kwatukwa mene fuk. Athe, pikhit uan kwatukwa mene laberek welagaikhe mene heluogeluk he,

YOHANES 19:34

A'nogo herakfesukwa meneat he, ap tentara omanogo mene ekhe nen he, Yesus abelenggenma sige taukhogo watikhemo, elelekwe amep inom, i inom, wulibi wagaikhe.

YOHANES 19:37

Nen, ekhe re: ”At ebe sige taukhogo watfuluk ineilenggen logogun,” iluk, isukwama Allah aneba lisu palogo fesukwa mene were'ma higit asuageluk a'nogo hilingitukwa andi.

YOHANES 20:25

A'nogo ebe le'ma a'luk he, it Yesus agoromi fenakwe nen he, mel yagatukwa: ”Tomas nagailak. Nit ninoe Enupogot a'nogo arat nineilenggen hogo,” iluk yagatukwa meneat he, at Tomas nen he, mel yagaisasikhe: ”An nen at enggiba posiemanggen wata mene anggwe neilenggen furogo higi'lek, nen agambut nenggi fakfigi'lek, abelenggenma sige anggwe kwe nenggi turn lakfigi'lek halok he, eberogoat iluk anggagain mondok lego,” iluk yagaisasikhe.

YOHANES 20:27

hobuk at Tomas yagati logolik he, mel yagatikhe: ”Hat hendawimo nen eberogoat iluk hendawinggen noba himbiret figi'lek welagen andi hak logogun. Eberogoat iluk angganogen he, henggi fa'nealuk, nenggiba heilenggen niigik, nabelenggen sige anggwe henggi tum kwelakfigik, imbik he, hendawinggen noba eberogoat himbiret feino o,” iluk yagatikhe.

FILIPI 3:2

It afuni ekhe inobabut mene olo mene obabut hangge andi nen, yi mene ti mene faget weak hilingiti logolik, ”Hinagap hinenggalimo mene palogo lakfisano,” iluk hinendawimo kagali wesinogo iluk hinebe hebelogo logoino o.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.