MAZMUR 22:15 - Allah Wene Fano Wene Hupla Inane

¹⁵ I kweisalhugunem lek agarek hak, nomame mondok lek agik, noak mondogat enggalim oba nen orolhigik lagunem hangge welagik, nendawinggen kwe wam sei nunggunem hakhogo amok le'legenggetunem welagik, hilingiti lagi o.

MAZMUR 22:15 ပူးပေါင်းရင်းမြစ်များ

KEJADIAN 18:27

A'nogo yagatikhemo at Abraham en ekhe hobuk mel yagatikheat: ”Neisena, an yi re, nebe afuni mene yi wene ti wene u lek mene nailo legat wene yi hobuk ekhe inomat yagahesigin yi re, wena'netun o, neisena.

KEJADIAN 3:19

Nen, hat hebe kweang mene fanorogo hilingisogo elalhafi andi nen, kweangma yi mene ti mene awi fulelhi logouwageluk yabu likhak yugulogo, set kwil-kwalhogo hilingiti logombik, hebe wa'lasimbik hambotkwe kweang asigin o,” iluk yagatikhe.

2 SAMUEL 14:14

Nit ninebe mondogat he i kweangma kweisalisaluk nekhengge andogosu lek a'nogo hak hilingi'mo re, ninebe mondogat he wa'lasugun enek, nen Allah nen ogore ap mondogat wa'lagu mene hobuk ineluget fou lek hak. Arigini'mo re noe haren ap longgo i lagaikha mene omanogo nekhengge inambotkwe inaiba wesuageluk ebesin.

AYUB 10:9

An nebe kweang tangge meneba elalogo nobagasigin a'nogo wenggel han! A'nogo hilingisogo nobagasigindik meneat he, yogondak Haren an nekhengge kweang aling higit asuageluk hilingnafi lagen a?

AYUB 19:20

An nagap inom neino inom noak oba to'mo ikhesik, selei mene nen inoasuogoluk ugunem fololekkwe wulifarek andi hak, nebe wa'la'le mene endep neiloak keik welagi o.

AYUB 29:10

Nen ap mondok lego inap oba nen ogore inane endep ekhe ikhi lagaukwa legat.

AYUB 30:16

An enggin-fenggin hikhi lagi mene yi se asu lek hak hilingi'mo re, yogondak he an mondogat wa'lasigin mene horokse'ma hikhi lagi o.

AYUB 34:15

it yi mene ti mene ineluk werek mene a'nogo mondogat wa'laga logolik he, afuni re ambotkwe kweang asu hak.

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

MAZMUR 104:29

It Haren elalinafigin mene andi, Hat helokhe kwani ugunem he, inailo mondok agarek. Nen Haren set it mene andi wanhunem he, inebe mondok wa'lagaikharek. Inebe kweang aling mene nogo nen he, inambotkwe kweang alingat agaikharek.

MAZMUR 30:9

Neisena Tuhan we Hat hoba nek an nen hombuk palhi lagi, nen Hat hobaat an nen kino yagaheti lagi.

MAZMUR 38:10

Tuhan neisena, an namolo anggikhi lagi mene andi re Hat helu mondok welagen o, an noba ou pou hikhi logolik yagaheti lagi mene andi re Hat helokhoma ekhe hinago werek lek.

MAZMUR 69:21

An nebe afuni nen seramet nobagali'lagwi andi faget, nendawinggen warikhi logolik he, nobakheindok palagunem welagi. Nebe inendawit nabuagaluk heraginafi lagi meneat he, we tulemat heraginafirego. Nendawinggen sebeluageluk heraginafirek oba nen he, inebe isigirek mondok legaro.

MAZMUR 69:3

An neisok peikhogo re tonggo fesi mondok lou lakse'ma ma'lima pigiri'mo re, neisok ninghogo fou oba ekhe werek lego. An i mogo mondok agum uan meneba ma'lima pigirik were'ma, i ha'labu waga logolik nebe sebelnafemo welagi o,

AMSAL 17:22

Inendawimo inagaiyekhogo nek werek oba re inebeba ogo fanorogo werek, oba nen inendawinggen heiselherek mene andi re inendawimo waragarek.

YESAYA 53:12

At onggwarek endawinggen nenat, nebe noasuak, iluk anggasikhesik, ebe afuni weak hilingitarek mene ninom misi'mo inenggi wena'ninabuak iluk anggikhe. Aren afuni hokhorogo inaweak hatesik, inaweak legetfisoageluk inobaget samban ili'logo. Andiba re aren hilingite onggo An nen yi afuni ti afuni hokhorogo at enggiba wogetik, at ebe ap kain enu werek hilingisogo figik, igin o,” iluk ikhe isikhe.

RATAPAN 4:4

Inomalik fou mene eilak wogisigi'le'ma inendawi age fulunghugu nen wa'lari'lagwi, yenggerugwi oan mene re inamburu nunggu mene kinori'lagwiba nen ap it wogisugu mene ekhe werek lek.

DANIEL 12:2

Nen, it inanggele'ma nen afuni hokhorogo wa'lagaukwa mene omanogo nekhengge ineluk menlasugun, menlasimbik fenakwe re ineluk mondok-mondok mene a'nogo hikhi logolik logogun, nen fenakwe re anggolo hunarerogo heinet hokho mene wali logolik mondok-mondogat logogun.

MATIUS 27:50

A'nogo isukwama, at Yesus hobuk ane misik oba hokhorogo isikhesik he, arat lebekhogo wa'lagaikhe.

YOHANES 19:28

A'nogo arat hilingitukwasik oba nen, at Yesus endawimo nen he, ”Yi wene ti wene mondogat arat elugun warogo hilingiti,” iluk elu a'nogo nen he, Allah ane lisu palogo fesukwa mene higit asuageluk, ”An i nele,” isikhe.

1 KORINTUS 15:3

Wene an attak wanhigi mene, hit hobuk yagahisasigi andi re, ebe mel anggigi. Nit weak hilingiti lagagu mene faget, at Kristus ninenggi elugun oba wasugun iluk lisu palogo fesukwa higithogoat ebe watukwa andi.