MAZMUR 22:1 - Allah Wene Fano Wene Hupla Inane

¹ Afuni nen wuni wulagaisogo inebe seberogo ugu kwelek yagaisugu mene faget, wuni rusa o wei igiluk ugu kwelek agarek awuni a'nogo higithogo: At Daud awuni.

MAZMUR 22:1 ပူးပေါင်းရင်းမြစ်များ

AYUB 3:24

An namburu na hak he, Eige, iluk heinet watu mondok welagik, i lagu mondok welagarek andi hak, nendawi ane ugu mondok welagik, igirek andi.

MAZMUR 10:1

Tuhan neisena, nenahalok Hat hebe nit ninom yathogo welagen, Nen nit ninendawinggen nonghonghogo were'ma Hat hebe hina'laga lagen?

MAZMUR 16:1

Allah neisena, an he Hat hawea'ma kuluk welagimo re, kagalnarek logoin o, neisena.

MAZMUR 22:11

An nebe ta'lagagi huli nen, an noba hilinglasigin mene andi mondogat he Hat henggiba nek werek. Nagaisa alabutmo welagagi huli nen, an neisena re Harat welagen.

MAZMUR 22:16

Nalonggop elema re iwak halongorek mene hakhogo mondogat kelok ikhe, namelinggen he nelanglang oba te'me ikhe. Neisena Tuhan an he afuni warek mene hakhogo re, ologoilong engge amboloba nobagegenma welagi o.

MAZMUR 26:9

An he it afuni weak hilingiri'lagwi mene ninom ambine noasu fuk, nen it afuni inenggi nen inamep wulagaisogo inoatarek mene andoma ninom nareagun wo'nabu fuk.

MAZMUR 37:28

At Tuhan nen he fano hilingitarek mene inom, katokhogo hilingitarek mene inom endawi hundik anggikherek. Afuni At oba tiphogo nek hilingitu welagaikharek mene re hesanggema obogerisikherek lek. Aren mondok-mondok andoma awe a'ma fisaluk ferinarek mondok werek, oba nen he, ap weak hilingitarek mene nen tagomangge mene re mondogat wathigik lakfisagain.

MAZMUR 38:8

Nebene aganhan engge nen he agesabu fulunghogo re, noba selek ekhe werek lek.

MAZMUR 71:11

Iren ikhi logolik,” At ebe Allah nen oboget hikhemo werek hilingi'mo re, ap amu mene nen ekhe at agap telugun lek enggere, niren murok lambik senfei louwogen we'ni o,” iluk ili'lagwi andi.

YESAYA 46:13

Telinabigin sambul andi re An nen horogabesi wesigin o, Inagap telinabigin iluk An nen wogisigi mene andi re higilogo fei lagain lek. An nenat o Yerusalem andi telogo figik, Israel oba legeisogo fouwageluk hilingfigik, igin o,” iluk ikhe isikhe.

YESAYA 59:11

Nit he ninailo nek a'luk ninendawimo heiselhunem welago o, niren higithogo hilingitarek mene herati lagoba nen were'ma hikhi lago lek, ninagap telhu mene faget eberek welagoba nen we tulemat hilingiti lago.

IMAMAT 2:6

Roti fei wagu mene a'nogo kut-kut hilingfuluk he zaitun amusu a'nogo pelak fikhi logogun.

MATIUS 27:46

Mum werek kwelek, jam 3 arat asi lagaikhemo re, at Yesus nen, Eisena Allah yagati logolik, nit ninaneba re, ”Allah Neisena! Allah Neisena! An nenahalok heraknobagegen,” iluk u hak it inaneba ”Eli eli lama sabakhtani,” iluk ane hokhorogoat yagatikhe.

MARKUS 15:34

Mum werek kwelek, jam 3 arat asi lagaikhemo re, at Yesus nen Allah mel yagatikhe. Nit ninaneba re, ”Neisena Allah! Neisena Allah! An nenahalok heraknobagegen,” iluk u hak, it inaneba re, ”Eloi! Eloi! Lama Sabakhtani!” iluk ane hokhorogoat yagatikhe.

LUKAS 22:44

Endawinggen ago watfesikhe mene re, endawimo mondok weak logolik hobuk samban engginhogo ugunem, likhak mep hangge mene tephigik kweangma ting-tung pisikhe.]

LUKAS 24:44

Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk,

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

1 SAMUEL 12:22

At nineisena Tuhan onggwaregen he, It An nonggwarek nagainafuri asuagaluk woginafi, iluk onggwarek enu hombuk palogo isikhemo re, hit herakhinobagagin mondok lego.