MAZMUR 21:8 - Allah Wene Fano Wene Hupla Inane

⁸ At raja andi nen he Tuhan Lego Mondok welagarek mene andiba nek eberek mondok werek, at ebe re Tuhan nen endawi hundik mondok hilingitunem he ailo lekhogo fanorogo nek werek.

MAZMUR 21:8 ပူးပေါင်းရင်းမြစ်များ

2 SAMUEL 7:1

At kain raja Daud aselei mene nen wene enggin-fenggin oba fouwogeluk hilingiti lagaukwa meneat he, Tuhan nen ma'murogo serogo werek kwelek aiba istana omanogo elok welagaikhe.

MAZMUR 109:20

Tuhan neisena, unggum andi it afuni an noba hikhibet niigik, nen iren an nobaget weak mene hilingitik, hilingiri'lagwi mene andoma inoba feino o.

MAZMUR 16:8

An he Tuhan oba eberek mondok welagi. At ebe an nera'lu mondok were'ma re, an nabolok u lek hak.

MAZMUR 18:1

Afuni nen wuni wulak fuluk inebe seberogo ugu kwelek melalinafu mene faget. Tuhan amingmingengge Daud a'nogo awuni. At Daud ebe it aselei mene fenakwe inom at Saul enggiba nen polokhogo wulifikhesik logolik, wuniba Tuhan fogeratikhe awuni.

MAZMUR 2:9

Haren he, it andi harige tomuk posiemanggen meneba falelogo lakfisigik, Nen iwak kweang meneba hilingik mene hakhogo halokhogo lakfisigik igin o,” iluk ikhe.

MAZMUR 72:9

It afuni o leikwe welagaikharek mene andoma re at a'ma nek sebe ikhi logogun, nen it at inom weim palek mene omanogo re at eiso'ma ineindep awi yagaisogo fogerasi waga logogun.

YESAYA 10:10

O Yerusalem inom Samaria inom oba tugwi kembu werek mene andoma maben hak oba nen, it kerajaan amu meneba tugwi kembu omame hokho mene wurogo fisogo mene andoma mene ogore an nen mabenet fisagain aro.

LUKAS 19:14

Lagu kwelek he, it oe agot omanogo ap andi inabiren he, wene palhukwasik, at ap andi ninoe kain enupogot logogin he, ninabit, iluk yagaisa lano, iluk, yonggo ombo'ne lakfisasukwa.

LUKAS 19:27

A'nogo yagaisasikhesik he: It ap an ninom inaselei mene hangge hilingninabi'logo ikhi logolik: At andi nit ninoe kain enupogot logogin he ninabit, iluk aga mene andi inebe woginarek wesimbik he, an neilhanem yaat inoasubagaigo, iluk yagaisasikhe,” iluk he, at Yesus nen afuni omanogo yagaisasikhe.

1 KORINTUS 15:25

A'nogo fagain andi, at Allah nen Kristus inom weak mene mondogat eisogen alperelogo fisoagen awe a'ma inobagai wesigin andi oan werek kwelek, at Kristus ebe kainat mondok logogin.

WAHYU 19:15

At a'nogo nikhi logolik, afuni inunggulenu lombok mondogat mabenetfisagain mene, karok enggat hokho mene ambelema nen wulabi waga laga higi. A'nogo mabenetfisaluk sige tomuk posiemanggen omame hokho andi hak, at ane omameba afuni fakfisaluk, eisena Allah omame mondok hokho yi mene ti mene hilingisu hagenek a'nogo a'mage lagaluk, wene inoba fugunem anggur enggen amusu keraluogeluk obuluk oba sagalharek andi hak, at eisogen al perelinabigin mene higi.

1 SAMUEL 25:29

Nen, ap ekhe nen neisena hebe hoasugun iluk mukhiugu halok he, neisena hat hebe At Tuhan Allah nen afuni nen inangge onggo hokho mene foukhogo fetaluk welagaikharek a'nogo hak hili waganogo fetharek logogin o. Oba nen he neisena haselei mene re At Tuhan nen yatma huk-hak isigik, it yei epayuk oba inoatarek mene nen yatma hugisigik ikhi logouwago.

1 SAMUEL 31:3

A'nogo inoarik waga logolik at Saul werekwe a'nogo re weim mondok inaninirogo inoarik waga logolik, at Saul ebe tok mondok fanoma watukwama enggin tung isikhe.