MAZMUR 20:4 - Allah Wene Fano Wene Hupla Inane

⁴ Haren At obaget yi mene ti mene wogeti lagen mene andoma faget ebethikhi logouwak, nen haren wam warogo nolengge noleti lagen mene andomaba agaiyek hikhi logouwak.

MAZMUR 20:4 ပူးပေါင်းရင်းမြစ်များ

2 SAMUEL 24:23

At Arauna nen he mondogat omanogo raja ba wogetikhesik ane ikhi logolik he, ”We hat heisena Tuhan Allah nen he, haren wogeten engge andoma wanuago,” iluk isikhe.

2 TAWARIKH 9:12

A'nogo wogosi wagaukwama re, at Salomo nen a'nogo wogosi wagu halok aren it aren onggo wogisikhi lagaikhe mene omanogo at he ratu awi Syeba mene a'nogo wogetikhesigen he, he andi nen kinotikhe mene a'nogo mondogat wogetikhemo re, he ratu a'nogo agoromi eiso'marogo wagaukwa mene omanogo inom inaiba lagaukwa.

MAZMUR 145:19

Aren he it afuni At oba inailorogo welagaikharek mene inoba re, inendawimo agaiyek mene hilingfisigik, iren inane hombuk palhu mene esanggo holhik, inebe telogo fisigik, ikherek.

MAZMUR 21:2

Tuhan neisena, Harenat raja omamet fikhi lagen andi nen he at agaiyegeri'lago, Haren At alonget fikhi lagen andiba re at mondok foget fakhili'lago.

MAZMUR 37:4

Fano mene helaluk inendawimo inagaiyek agarek andi hak, Allah ebe baat hinendawimo hinagaiyekhogo logoino. A'nogo hilingiti logogun halok, hinendawimo hinamolo anggikhi lagep mene wokhisagain aro.

AMSAL 11:23

Afuni fano hilingitarek mene nen inendawimo anggagarek mene andi re ambisangma fano mene nek hilinglagarek, oba nen afuni ina'mage weak mene nen he wene palharek mene andi nek eberek werek.

MATIUS 21:22

Nen, hit yi mene ti mene Allah kino yagati logolik hinendawinggen at oba eberogoat himbiret fegep halok he, wokhisagain aro,” iluk yagaisasikhe.

YOHANES 11:42

An nen hat kino yagahetunem, nane hesanggo holhi lagen a'nogo, an nelu meneat he, it afuni yoma nen, haren an laknobagai wagagin andi nebe futnobagauwageluk yagaheti o, neisena,” iluk a'nogo isikhesik,

YOHANES 16:23

Huli andi huli arat asi lambik he, hiren wene ekhe an noba heinok wo'neogoin mondok lego. Halok, an nen wene ekhe yagahisak: Hiren yi mene ti mene an nenu hombuk palogo neisena kino yagasugun halok he, aren wokhisagain aro, iluk eberogoat yagahisigi.

HAKIM–HAKIM 13:23

A'nogo yagatikhemo, at agwe nen he, ”Tuhan nen nit ninebe ninoasigiluk logoilepma re, niren at faget fisogosik noleto mene andi wanilep lego. Nen, nit nineilenggen hoageluk hilingitemo hogo andi helo legaro. Nen, yi wene ti wene yaganisikhe andi, yaganiselep legaro,” iluk yagatikhe.

1 SAMUEL 26:19

Neisena an hamingmingengge nen halong anggikhi logolik nane ikhi lagi mene yi holnabin o. Tuhan nen neisena miming hafi logolik, an hamingmingengge yi wasi lan iluk yagahetemo halok he, wam misik warogo nolumo nen he andiba Tuhan anini noba werek mene andi lek hilingisogo fou hak. Oba nen he neisena miming hafe mene andi, aben miming hafemo halok he, it andoma inebe Tuhan nenat homan fisikhi logouwak! Iren a'nogo nek hilingiri'lagwi andiba re, an hamingmingengge kweang Tuhan onggwarek anggweang oba nen wulibi lambik he anggolorogo ningginigin nen iluk o amumu afuni amu mene nen kembu dewa mondok nonggot mene andomaba apne wani laga logogun andi.