MAZMUR 2:6 - Allah Wene Fano Wene Hupla Inane

⁶ Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 2:6 ပူးပေါင်းရင်းမြစ်များ

MAZMUR 45:6

Hat handok enggat werelek kabuk mene andi nen he, it haselei mene omanogo inendawinggen kagaukhogo inoati lagen, nen inunggulenu lombok omanogo re hat heisok eroma nek warogo taik ili'lagwi.

MAZMUR 50:2

O kota Sion mondok fani-fanore'ma omanogo nen, At Allah aselek ombak-bak oba weinam asi weri'lago.

MAZMUR 78:68

We Aren he it afuni inunggulenu Yehuda mene inom, nen Punu Sion At endawi hundik mene a'nogo inom enek wenakhasikhe.

MAZMUR 89:27

A'nogo hilingisogo foumo aren he mel yaganesigin, ”An neisena re Allah Harat logogin o. Hawe a'ma fetnarek mondok logolik, telnafi logogin mene o,” iluk yaganeti logogin.

YESAYA 55:4

Ebe eberogo mene re, at andi An nen melalinafu mene inom sikhe fisogo inap inoe panglima inom logouwageluk hilingfigi, An nomame welagi mene a'nogo it inunggulenu amu mene werekwe andoma fakhogo yagaisikhi logouwageluk hilingiti.

YEHEZKIEL 17:22

Tuhan Lego Mondok welagarek mene a'nogo nen ikhe mene re yi, ”E laik uan meneba nen unggum he An nen paligin o, a'nogo palimbik An nen e enggi asimit ket mene ekhe sombosigin. An nen e enggi andi waganogore tom uan mene ohena oba yinggili'mo wolonghogo liabek meneba andoma yasi lagagin.

DANIEL 2:44

A'nogo meneat he it ap andi raja menlasimbik afuni ferinarek logogun sambul andem he, Allah pogoroba mene andi nen ap ekhe Enupogot mondok-mondok logogin mene menfagain o. A'nogo menfoumo re afuni aren ferinarek were'ma, afuni inunggulenu ekhe nen at mabenet figik, ap raja andi obulu'mo ekhe menlagik, ikhi logogun mondok lego. A'nogo menfoumo logolik, aren ap ekhe raja a'luk afuni ferinarek logogun mene andi mondogat wulil tagalogo legetfisagain o.

ZAKHARIA 8:3

An nebe sugulogo o An Nawi Yerusalem kota mondok horek mene a'nogoba wesimbik andoma logogin o. Nen, o Yerusalem andi re kota tiphogo hilingitu mene iluk inelu mondok logogun, nen Tuhan Omame Mondok Hokho mene Andom andi re Punu mondok Horek mene iluk ikhi logogun.

MATIUS 28:18

A'nogo anggugu kwelek, at Yesus ebe inera'lu wagaikhesik he, mel yagaisasikhe: ”Allah nen he, pogoroba mene inom, kweangma mene inom mondogat he, an eisewerek nobagaikhemo o.

EFESUS 1:22

Allah nen yi mene ti mene pogoroba kweangma welagarek mene mondogat waganogo at Kristus alegat enggiba fesikhe. Nit Allah againafuri mondogat yi awi ti awi welagorek mene ninunggul he at Kristus ebeat kain logouwageluk at wo'nisasikhesik menfesikhe andi.

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

WAHYU 14:1

A'nogo yethigiri'mo nen, ombo'ne yethigi hak he, at Domba Eak a'nogo tom Sion oba mendek were'ma yethigi. Andi re, at ebe inom, it afuni inebe 144.000 nen, at Domba Eak inom, Eisena inom, emberek inenu it andi inebe lombok inelhaba lisu palek were'ma yerisigi.