MAZMUR 2:4 - Allah Wene Fano Wene Hupla Inane

⁴ A'nogo ugunem he, nineisena Tuhan ebe pogoroba at obulu'mo welagarek oba logolik he, inane esanggo holheresik, ”Hiren a'nogo hilingisu hak nogo a?” iluk ina'mage leget fisigik, endo yaginafik ili'lago andi.

MAZMUR 2:4 ပူးပေါင်းရင်းမြစ်များ

2 RAJA-RAJA 19:21

Holhirik he, wene at Sanherib faget mel igi: Afuni o kota Yerusalem mene nen hat Sanherib inane asegen wokhiiki logolik hobaget endo yakhabugun o.

MAZMUR 11:4

Tuhan he awi fanoma horek oba omanogo werek, o Sorga andoma re At ebe hurek werek oba. A'nogo logolik he afuni mondogaren hilingitarek mene omanogo faget eilenggen penetu werek, andi nen he it inobabut yinik-hunik hilingitarek mene andoma mondogat he At elu mondok welagarek.

MAZMUR 115:3

Nineisena Allah ebe pogoroba werego. Logolik he, At endawimo amolo anggikherek mene higithogo nek hilingiterek.

MAZMUR 123:1

Allah awi wuri'mo lagakhi logolik wuni watukwa awuni. Tuhan neisena Hat hebe o pogoroba melalinafi lagen mene a'nogo, an neilenggen Hat hoba liakharek logolik welagi.

MAZMUR 37:13

A'nogo hilingitarek meneat he, At Tuhan nen elugun oba hilinginabigin mene horogat asi waga andi nen he, it inaendo hokhorogo yaginaferek.

MAZMUR 53:5

At Tuhan nen ikhi logolik he, ”Afuni weak enek hilingiri lagwi andoma re inobabut hebeli'lagwi lega? Iren An nagainafuri inangge teligik, An noba nayonggo figi'lek welagik, hilingiri'lagwi andoma ri!” iluk heinok wanherek.

MAZMUR 59:8

Iren he palfigi'lek hundik-handik puliarinafik, ina'ma seramet fisigik, hilingiri'lagwi o. Iren inane agarek mene andoma re karok enggat merenghogo mago mene hak hilingik, iren anggikhi logolik he afuni nen fut ninobagali'lagwi lek iluk anggili'lagwi.

MAZMUR 59:9

Andiba re Tuhan neisena, Haren he it faget endo yaginafi lagen, it inunggulenu lombok andoma re Haren puliat fisikhi lagen.

MAZMUR 68:33

Hit o kerajaan ekhema-ekhema welagep mene nen he, Allah obaget wuniba fogerati logoni, At Tuhan obaget wuni anggup wulagaisogo ikhi logoni.

AMSAL 1:26

Andi nen he hit hobuk mondok weak mene hinoba aga halok, an nen endo yakhinabigin o. Hit hinailo mondok agep halok an nen nanewak wokhisagain aro.

YESAYA 40:22

Walhasikhe mene re kweang abuk-abuk waganek ari ambol oba hurek werego, afuni inebe At elokhoma re migindik-magendek no pulue hangge hilingik. Aren he, pogot ari re su kain hangge talogo fesikhesik, o sabu logogin oba wutarek higit wurogo fesikhe.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YESAYA 66:1

Nineisena Tuhan nen he mel ikhe: ”Pogot andi An nebe hurek welagirek oba o. Nen, kweang he neisok sebelek welagirek oba. Andi nen he, hiren An nawi ninggi'nogo mene ekhe wurogo nobagagun nogo. Nen, An nebe logouwageluk obalik ninggini'mo ekhe nobagagun?