MAZMUR 2:12 - Allah Wene Fano Wene Hupla Inane

¹² At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 2:12 ပူးပေါင်းရင်းမြစ်များ

KEJADIAN 41:40

Halok, an nen hat hebe gubernur logouwageluk menhobagagunem afuni mondogat haren, yi'nogo hilingi'no, ti'nogo hilingi'no, iluk yagaisugunem hane hologo hilingiti logogun o. We, an namunek he, hat endebat manggwe maya higit werek kwelek an ponggwe hak logolik, o yoma nenupogot an logogin o,” iluk yagatikhe.

1RAJA-RAJA 19:18

A'nogo meneat he afuni Israel mene inebe 7.000 nen menere, An noba lombokhogo mondok welagaikharek hagat logolik, tugwi kembu Baal andi ineindep awi yagaisogo fogeratik, inambe salugetik, igi'lek mene andi an nen telinabigin o,” iluk yagatikhe.

MAZMUR 1:6

Andi re, At Tuhan he afuni at ane hologo hilingitarek mene andi, at awe a'ma fisaluk ferinarek welagarek. A'nogo meneat he it inobabut weak hilingitarek mene andi, alomat lasugun oba andoma louwogeluk hilingitarego.

MAZMUR 109:20

Tuhan neisena, unggum andi it afuni an noba hikhibet niigik, nen iren an nobaget weak mene hilingitik, hilingiri'lagwi mene andoma inoba feino o.

MAZMUR 2:5

A'nogo ikheresik, Aren it inoba inagut palogo wenagisigik, a'makwe mondok het-periluk youk wulaginafik ikherek.

MAZMUR 2:7

Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.

MAZMUR 31:20

Afuni Hat hane hologo hilingitarek mene inobaget Haren inebe fano logogun mene faget iluk fouget fisikhi lagen mene andi re, mondok oba heilarogo hilingfisanogen iluk, yagaheti lagi o. Afuni Hat hoba lomborogo werek mene faget Haren fano mene nek hilingfisikhi lagen mene andi re, afuni hokhorogo nen ineilenggen hili'lagwi o.

MAZMUR 34:8

It afuni Tuhan ebe inailorogo logolik ane hologo hilingitarek mene re, At agoromi malaikat en kwelaginarek werek, nen it andi weagerinabigiluk ugunem telinaferek.

MAZMUR 34:9

Hiren At Tuhan nen fano hilingiterek mene andoma kwelakhaluk he, obabut palhi logoni. Afuni Tuhan awe a'ma welagaikharek mene re inendawimo inagaiyek hikhi logogun.

MAZMUR 40:4

An nen wuni ket mene wati logolik, wuni nit nineisena Allah a'nogo fogeratu awuniba fogerati logouwageluk, Aren yaganeterek. Afuni mondogaren ineilenggen nealuk inailo a'luk he, inendawinggen Tuhan oba tibet fogoin o.

AMSAL 16:20

Wene hat hoba yagahetu mene andoma fanorogo futfikhi logogin halok he fano mene andoma hat hoba aga logogin. Tuhan oba hendawinggen tibet fuluk logogin halok he hat hebe mondok fanorogo hagaiyekhogo logogin.

YESAYA 30:18

A'nogo hilingitu kwelek oba nen Tuhan nen endawi hundik hilinginaferek mene a'nogo hit hinoba inuk hisagain iluk nenangot hisikhi logolik werek. Hit endawi hundik hilinghinabigiluk fik-fouksek logolik werek. Andi re At Tuhan he ebe Allah tiphogo mondok hilingiterek mene hilingi'mo re, ap At oba inendawinggen tibet fuluk logogun mene re inagaiyekhogo logouwago.

YEREMIA 17:7

Oba nen he ap An noba endawinggen himbirik logolik noba ebetfuluk werek mene re An nen fanotfugu mondok logogin!

HOSEA 13:2

O yogondak ogore, afuni Efrayim mene andi re, Allah ane sagalogo weak hilingituat werek. Iren he, tugwi kembu afuni inendawimo nen wenggelfuluk perak mene agauwak hilingisogo inenggiba wuri'lagwi. A'nogo wutfuluk iren ikhi logolik he: ”Wam, yi mene ti mene tugwi kembu yoma faget warogo nole'ni o,” iluk ugunem, afuni nen he sapi eak alik waganek meneba hai inambe saluk watarek andi re higit nogo a!

ZEFANYA 2:2

hit hinebe owil-owilengge higit oan sawet agik, puk agik, igi'lek logolik he hinobabut hebelini o. O linggene Tuhan nen anini lagali'lago mene andi oan asi wagi'lek werek kwelek inom, nen Tuhan a'mage lagagu werek mene andi hinoba fei wagi'lek werek kwelek inom, wenggel hikhi logoni o.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

ROMA 10:11

Allah aneba lisu palogo fikhi logolik he, mel isukwa: ”Afuni inendawinggen at eba rogo himbiret fogoin mene halok inenggali asugun mondok lego,” iluk lisu palogo fesukwa.

ROMA 9:33

Wene andi faget Allah nen he, mel isikhe: ”An o Sion andoma helep hangge ekhe figi yi hani! helep andiba afuni ineisok a'lip silukhogo waraluk, talorogo laga logogun o. Meneat he, hinebe lombok hinendawinggen at oba himbiret fogoin mene halok hinenggali hogoin mondok lego,” iluk isikhemo lisu palogo fesukwa.

EFESUS 1:12

At ebe fogeratu mondok welagaikharek mene a'nogo, niren fogerati logouwageluk, ninendawinggen omanggum Kristus oba himbiret fesugu mene halok wenagaisogo wo'ninafikhe andi.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

1 PETRUS 2:6

Wene andi faget Allah nen mel isikhe: ”An nen, helep fano mondok mene wenagaisogo o Sion andoma o tik ekhe warogo figi yi hani! Hit afuni hinebe lombok hinendawinggen at oba himbirik logogun halok he, hinenggali hogoin lego,” iluk isikhemo lisu palogo fesukwa andi.

1 SAMUEL 10:1

A'nogo yagatikhemo, kamo isikhemo re, at Samuel en minyak zaitun amusu i oak oba hinago mene wanhikhesik he, Saul unggul oba kweisalogo watfesikhesik, hai ambe saluk wati logolik mel yagatikhe: ”Nineisena Tuhan nen At againafuri inoe raja logouwageluk menhobagaikhe o. Andi nen he, hat At againafuri inoe raja logolik he, afuni it inaselei mene nen ferinarek logoinogo iluk haren ferinarek logogin o. Haren he, Neisena Tuhan nen at againafuri inoe raja logolik ferinarek logouwagaluk eberogoat mennobagaikhemo, iluk enegat asuagaluk yi'nogo hilinglagunem hagain a'naga.