MAZMUR 19:8 - Allah Wene Fano Wene Hupla Inane

⁸ Nineisena Tuhan nen komotninafikhe wene andi re, higit mondok werek. Wene andi nen inendawinggen agaiyeget fikherek. Tuhan nen wene yi'nogo ti'nogo melalogo fesikhe mene andoma re mondok-mondok logogin mene. Afuni inendawinggen abirengge mene re, wene andi nen inendawimo kagalherek.

MAZMUR 19:8 ပူးပေါင်းရင်းမြစ်များ

2 RAJA-RAJA 17:37

An nawene melalek inom wene yi'nogo hilingiti logoino ti'nogo hilingiti logoino iluk hit hinobaget palhisasigi mene a'nogo inom pukhogo fisogo logolik wene andiba nek tiphogo hilingiti logoino. Hiren kembu ilah alek mene obaget hilingiti logou fuk.

NEHEMIA 8:12

A'nogo yagaisasukwama, it afuni omanogo pugulogo inailokwe lagaukwasik, inamburu ninggik, inagai ninggik, ikhi logolik, it ekhe sumburogo wogisigik, uogeluk inailokwe inam-botkwe lagaukwa. Lagaukwasik, Allah nen wene komorinafikhe wene enu salogo yagaisasukwama inesanggo holhukwasik futfesukwa andi nen he, inendawimo inagaiyek agaukwa.

NEHEMIA 9:13

Hat hebe pogoroba nen tom Sinai ba pi wagagindik, hat honggwarek hagainafuri hane yagaisasigin andi. Yagaisikhi logolik, yi'nogo hilingiti logoino, ti'nogo hilingiti logoino, iluk higithogo komorinafik, hane eberogo mene yagaisigik, isigin mene andi re, oba tipsek logolik hilingiti logogun mene isigin andi.

MAZMUR 111:7

At Tuhan nen hilingiterek mene andoma mondogat he katokhogo nek hilingitik, tiphogo nek hilingitik, ikhirek, At awene melalek andoma re mondok omame hilingi'mo tiphogo nek hilinglagarek.

MAZMUR 119:105

Hat hawene andi re an neisok kwe lagukwe faget esage higit werek, nen an kwe loageluk seleget nafu mene werek.

MAZMUR 119:12

Tuhan neisena an nen Hat fogethafi lagi, Hat hawene melalek menfegen mene andomaba yaganeti logoino.

MAZMUR 119:121

An he wene katokhogo nek hilingitik, eberogo mene nek hilingitik, hilingiti lagi hilingi'mo re, an nebe waganogo it naselei mene inenggiba nobagau fugo.

MAZMUR 119:128

Andiba an he Haren yi'nogo hilingiti logoino iluk yaganisegen mene andoma higithogo hilingiti logolik inobabut kwanirogo hilingiri'lagwi mene andoma re an nen nabiret fisikhi lagi.

MAZMUR 119:130

Nen tindelhunem he, Haren yaganisegendek mene andi nen ninendawimo selegeraterek, afuni futfou elo'lek mene ogore elok futfagarek enek.

MAZMUR 119:14

Afuni nen inangge yi mene ti mene fetaluk welagaikharek higit he, Hat hawene melalek higithogo hilingitu mene andi faget nagaiyek welagi.

MAZMUR 119:143

Enggin-fenggin inom, yi'nogo ti'nogo hilingisu elo'lekhogo inom, noba asi weri'lago, oba nen he Wene Haren menfesigin mene andoma nen an nendawimo nagaiyek mene hilingnobagali'lago.

MAZMUR 119:16

Haren hawene melalek menfegen mene andomaba re an nagaiyek mene hilingnobagali'lago, nen Haren yaganeti lagen mene andoma an nen nonggot asigin lek.

MAZMUR 119:171

Haren wene menfesigin mene omanogo yanggulneti lagen andiba re, an nen Hat hundik-hundik fogethafi lagi.

MAZMUR 119:24

Haren wene yi'nogo hilingiti logoino ti'nogo hilingiti logoino iluk menfesigin mene andi re, an komotnafu mene fesiginmo re, nendawimo nagaiyek mene nek hilingnobagali'lago.

MAZMUR 119:40

Haren wene tekhogo fesigin mene a'nogo nek hologo hilingiti logogin iluk nendawimo omamet figimo re, Haren neluk ket mene wo'nomo.

MAZMUR 119:54

An nebe kweangma eil horogat neluk logolik ya re, aren wene melalek menfesigin mene andoma re an nen wuni Hat fogethafu mene hilingfigi.

MAZMUR 119:80

An nenggali asi nogoluk, Haren wene menfegen mene andiba nen an nen taganhogo hilingiti logogin lego.

MAZMUR 119:92

Hat Hawene melalek andi an nen nagaiyekhogo humuthikhi logoile le'ma nen he, an nebe enggin-fenggin mondok hikhi logoilesik nebe mondogat wa'la'le o.

MAZMUR 12:6

Oba nen At Tuhan nen ikhi logolik, ”Afuni inenggi lek mene enggin-fenggin hilingfisigik, afuni weak-peakhogo welagaikharek mene inom wene palhik, hilingfisugunem, iren ninoba fanorogo nek logoilo ago, iluk anggagarek mene andi, yogondak An nen hilinginabigiluk arat waga lagi o,” ikhe.

MAZMUR 13:3

Nen an nendawimo suk-sakhogo logolik, linggene inukhogo nendawinggen heiselhi logolik enek logombik he, ki huli legasigin nogo? Nen, it afuni an naselei mene nen sebelnarek werek kwelek enek he ki huli asigin?

MAZMUR 40:8

Andi nen an nen ikhi logolik he, ”Eberogo an waga lagi, buku yinggilik mene andiba re an nobaget palek werek.

MAZMUR 93:5

Tuhan neisena. Haren yi'nogo hilingiti logoino, ti'nogo hilingiti logoino, iluk komotninafen wene andi etok mondok logolik, eberogo nek aga logogin o, nen Hat hawi horek mene andi yi tahun ti tahun wurik mondok logogin, neisena.

KELUARAN 18:16

Nen, iren minggil-manggal a'luk halok he it inawene pilingisogo tegetnisoageluk nambit waluk weri'lagwiat. Nen, At Allah wene melalek inom, yi'nogo ti'nogo hilingiti logoino iluk inom, werek mene omanogo inomat yagaisikhi lagi,” iluk yagatikhe.

AMSAL 2:6

At Tuhan nenat inendawinggen kagalek mene wogisikherek, nen Arenat afuni inelu agarek mene inom, wenggelharek mene inom wogisikherek.

AMSAL 30:5

At Allah re wene warisikherek mene omanogo tiphogo nek hilingiterek, athe afuni At awea'ma hina'lasi wagaikharek mene andoma inobaget inasing itarek hakhogo kwe palengge higit werek.

AMSAL 6:23

Hagaisa heisena nen yi'nogo ti'nogo iluk yagaheri'lagwi mene andi re, esage ibilhafu mene faget, iren wenakheri'lagwi mene andi re haren fanorogo holfuluk heluk higithogo werek mene faget yagaheri'lagwi.

YESAYA 64:5

Afuni ekhe Hat hendawimo anggegendek mene andi hilingiti logolik, eberogo wene omanogo higithogo hilingitarek mene andi haren woginafendek. A'nogo meneat he, nit attagaren Hat hawe a'ma logogun ninabiren weak hilingiti lagoma re, weagat hilingitunem ha'mage ninoba fegendek andi o.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

YEHEZKIEL 36:27

An nareagun he hit hinendawinggenma hambuget hinafu mene logouwageluk wokhisagain, nen hiren An Nawene melalek higithogo hilingiti logolik, An Nawene yi'nogo ti'nogo hilngiti logoino iluk yagahisasigi mene omanogo hologo higithogo hilingiti logouwageluk An nen hit halogo hinobagagin.

ROMA 3:20

Wene Allah nen komotninafikhe wene andiba re, nit afuni weak hilingitorek mene fagikherek andi nen he, nit mondogaren wene aren komotninafikhe wene andi hologo logolik, at eilhanem higithogo hilingisugun elo'lego. Hologo hilingiti logoumo, aren hobuk ninom hunisogo ninobagau meneat he, elo'lego.

ROMA 7:22

An nendawimo nen he, ”Wene Allah nen komotninafikhe wene andi fano,” iluk anggigirek meneat he,

ROMA 7:7

Andi halok he, niren ninggi'nogo ugun. Wene Allah nen komotninafikhe wene andi weak ugun nogo? Mondok lego. Mene re, wene a'nogo komotninafi'lek logoilepma re, weak hilingitarek andi ninggi'nogo heat, nonggorat logoile o. Allah nen wene komotninafikhe wene andiba ikhi logolik he, ”Afuni ekhe inagarek mene, Namolo e, iluk hinendawimo anggagubo,” iluk igi'lek logoilepma re, afuni ekhe inagarek mene, namolo e, anggigirek andi nonggorat logoile o.

GALATIA 2:19

Mene re, wene Allah nen komotninafikhe wene andi nen nebe warek mene hangge hilingnafikhemo re, an nebe neluk logolik Allah faget hilingiti logoigeluk, wene andi faget warek hak welagi. Andi re, Kristus ebe eba menfuluk watukwa andi nemberegat ninoatukwa andi.

GALATIA 3:21

Halok he, wene Allah nen Abraham, ”Wokhesigin,” iluk, abok yagatikhesigen, hobuk komotninafikhe mene andi re, afuni ekhe inom limamit palharek hak hilinglasigin ugun nogo? Mondok lego. Wene komotninafikhe wene a'nogoba ninelugetninabigeluk wo'niselepma re, wene andibaat wene ninoba mene korogo wokhaluk, Allah ninom hobuk ninambotkwe hunogo ninobagailep andi.

ULANGAN 16:11

Hit hineisena Tuhan Allah elokhoma obalik Aren wenagaisogo fuguba omanogo laluk, hit hinagainafuri inom, hinamingmingengge inom, it afuni Lewi mene inom, afuni hit hinambok mene inom, omalik suarek mene inom, hemi sogwe hit hinawi kota kwe andoma werek mene inom seberogo hinagaiyegeti logoino.

ULANGAN 16:14

A'nogo kabogeti logolik, hit hinagainafuri inom, hinamingmingengge inom, afuni Lewi mene inom, ap pok mene inom, yenggerugwi suarek mene inom, hemi sogwe mene hit hinawi kota ba werek mene inom, seberogo hinagaiyegeti logogun.