MAZMUR 18:3 - Allah Wene Fano Wene Hupla Inane

³ At Tuhan andi re, leget pa'leget omamerogo waganek andi hak an nebe awea'ma fetnarek mondok werek. An neisena Allah andi re helep oumo an nebe hinaklaguba higit werek, afuni nen tok peiyengge ma'mut fagarek hak Aren an ma'mut narek werek, nen an nebe nailo lekhogo logouwageluk he Arenat kagalnarek werek.

MAZMUR 18:3 ပူးပေါင်းရင်းမြစ်များ

2 SAMUEL 22:4

An nen nane hokhoba neisena Tuhan enu hombuk paligin obaat hombuk palhi lagi. Arenat an naselei mene inoba nen lologo nobagali'lago.

NEHEMIA 9:5

Samban a'nogo isukwasik, o andi sambul he, ap Lewi mene, Yesua inom, Kadmiel inom, Bani inom, Hasabnea inom, Serebya inom, Hodia inom, Sebanya inom, Petahya inom, it andemen Allah againafuri nen Allah fogerasuagaluk mel isukwa: ”Ninebe menlasimbik he, nineisena TUHAN Allah fogerasuogo. Nineisena TUHAN fogeratu mondok werek mene a'nogo fogerasuok. It ekhe endebat hangge fogerinabugun mene re, At enek he, enu elalin mene yi awi ti awi mondogat lili'lago a'nogo enu seralhu mondok logouwogo,” iluk isukwa.

MAZMUR 144:1

Daud en isikhe mene. At Tuhan andi re an nebe awea'ma nobagaluk fetnarek werek mene hilingi'mo re Arenek fogerati logouwok! Aren he weim yafarek mene andoma an yanggulnafik, o pin talogo inoatarek mene andoma an yaganetik, ikherek,

MAZMUR 145:3

At Tuhan andi ebe re mondok lego mene were'ma enu mondok legeisogo fagarek andi nen he, At andungdang werek mene andi re it ekhe nen iliresumo re elo'lek.

MAZMUR 3:4

Oba nen he Tuhan neisena, we Hat enek he an nalong palnafi lagen mene welagen ma re. Haren an nalonget nobagagik, nendawinggen hambuget nobagagik, ikhi lagen.

MAZMUR 31:4

Eberogo nenat Hat he an nobaget tom helep eil silipnorek mene hak hilingik welagen, nen ero mondok ningsek mene higit welagen! Haren wene watnetigin mene higithogo re, nawene palnobagaluk wo'narek laga logoin.

MAZMUR 48:1

It inunggulenu Korah mene inawuni.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 55:16

Andi nen he, it an naselei mene andoma re inaiba inom, it inanggelekwe inom weak mene nek were'ma re, it afuni an ninom weim palek mene andoma re inebe ineluk oan werek kwelek wa'lagik, nen inebe inelugengge wa'la'luk lagaikharek oba andoma pi lagik, ikhi logouwago.

MAZMUR 62:3

At ebe helep tom hakhogo fe'narek welagik, nagap telogo nobagagik, hilingiterek. Nen At ebe o kota leget ninghogo waganogo kwelabek andi higit fetnarek were'ma re, an naloak nalo-halo u lek hak.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

MAZMUR 71:3

Nen an nebe werek oba re, Hat hebe tom eil silipnorek mene hak hilingik welagen o, an nebe telnabigiluk kagalnarek welagen menere Hat hebeat welagen o. Hat hebe andi re, tom helep mene andi higit ha'ma sebelogo fetnarek logolik kagalnarek welagen mene o.

MAZMUR 76:4

Andoma nen he afuni nen weim yafarek mene omanogo lilibuk-lalabakhogo pot fisikherek. Togengge inom tok peiyengge inom, karok inom, mondogat he wolelenggenhogo fikherek.

MAZMUR 91:15

Aren ane hokhorogo An nayonggo fugu halok he, An nen at ane igin mene onggo yagasigin aro. At weak logolik, ninggi'nogo hilingisu he were'ma, An nen lebetikhi logogin o. An nen at ebe telimbik he, enu werek hilingisogo fagain o.

MAZMUR 91:2

Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.

MAZMUR 96:4

At Tuhan ebe hokho agun werek andi nen he At enu legeisogo fagarek. Ma re dewa omanogo sebelek hak hilingik kwelek, At enek he hokhorogo inailoti logogun.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

LUKAS 1:71

it afuni ekhe ninom weim palek mene inenggimo nen telninafik, it afuni mondogat inabiret fisili'lagwi mene inenggimo nen telogo ninobagagik, hilingisigin o, iluk ikhi lagaukwa a'nogo higithogoat hilinglagaikhe.

KISAH PARA RASUL 2:21

A'nogo hilinglagu kwelek he, hit afuni nen an hineisena Tuhan nenu hombuk palogo nayonggo fogoin mene halok inebe lombok telinabigin o, iluk Yoel en isikhe andi.

WAHYU 4:11

”Nineisena Allah Henupogot, Yi mene ti mene mondogat, Hat hendawimo anggasigindigen elalhigin, Elalogo fesiginmo werek andi, Harat kain homame hokho welagen andi nen, Fogethafik, agaugwethafik, ikhi logogun,” iluk apne waganogo fogerati lagaikha isigi.