MAZMUR 18:29 - Allah Wene Fano Wene Hupla Inane

²⁹ Tuhan Allah neisena, Haren he an naesage wial nobagakhi lagen, An noba mondok mum were'ma Harenat seleget nobagakhi lagen.

MAZMUR 18:29 ပူးပေါင်းရင်းမြစ်များ

2 SAMUEL 22:30

An nen it naselei mene legetfisoagaluk he, Harenat nomamet fikhi lagen o. An neisena Allah nen lebetniugunem he naselei mene inaleget pa'leget esia'le harogo inoasi kwigirego.

2 SAMUEL 5:25

A'nogo yagatikhemo, at Daud en Allah nen yagatikhe higithogo hilingiti logolik, it ap Filistin mene omanogo o Geba nen inoarik-inoarik, huli o Gezer huli fisa lagaikhe.

AYUB 29:3

Aren he an lebetnafik, an o mumsekwe lagunem Aren selegetnafik, hilingiti laga.

MAZMUR 144:1

Daud en isikhe mene. At Tuhan andi re an nebe awea'ma nobagaluk fetnarek werek mene hilingi'mo re Arenek fogerati logouwok! Aren he weim yafarek mene andoma an yanggulnafik, o pin talogo inoatarek mene andoma an yaganetik, ikherek,

MAZMUR 144:10

Harenat it raja-raja omanogo inoba inalonget fisegendek, nen Hat hamingmingengge Daud ogo fikhalogo wulak fikhi lagenat.

MAZMUR 27:1

At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

1 KORINTUS 15:10

A'nogo igin elo'lek meneat he, Allah obabut fano nen nayonggo fesikhemo yi'nogo agagisik welagi o. Nayonggo fesikhe andi we tulemat fesikhe lek andi nen he, it ekhe mondogat yabu endebat hangge wanhu kwelek, an enek he, hokho hangge wanhi lagi o. Mene re, a'nogo wanhi lagi andi re, an nen wanhi lagi fuk. Allah obabut fano nen nemberegat logolik wili'logo o.

KOLOSE 2:15

At Kristus ebe e andiba wa'laga logolik Iblis agoromi kaindek inomame werek mene inom mabenet fisaluk he, afuni nen selei mene inom weim yafi logolik inomame a'luk, inebe ineluk hele warogo afuni ineilhanem woginarek wagaikharek hak, at Kristus nen sele'ma inenggali watikhe andi.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,

1 SAMUEL 17:49

Lagaikhesik, enggi su elema kwelakfesikhesik helebenggen ekhe wanhikhesik he, suepak a'nogo abuk oba fesikhesik lithasikhesik obokhasikhe re, laga lagaikhesik, Goliat elha tamukhogo helebenggen a'nogo ungguloa'ma kwisikhemo ebe elokhe sogoum kweangma hulambetikhe.

1 SAMUEL 23:2

aren Tuhan heinok wokhikhi logolik he, ”An nen it afuni Filistin mene andi inoasi lagain fano a, lega?” iluk heinok wokhasikhemo, At Tuhan nen onggo yagati logolik he, ”Fano, haren it inoasi laga logolik he it afuni Kehila mene andi telinabi lan o,” iluk yagatikhe.

1 SAMUEL 30:8

Wogosi wagaikhemo at Daud en Tuhan oba heinok wokhikhi logolik he, ”Afuni weagerinafarek mene o yoma pin kwi wagaikha o, andi re an nen muginarek layoga, lega? Nen, an nen it inombo'ne lamo eloga lega?” iluk heinok wokhasikhe. A'nogo heinok wokhasikhemo Tuhan nen onggo yagati logolik he, ”I o, Haren he it muginarek lambik he ap hele warogo woginarek lili'lagwi mene andoma fikhalogo wulak fisa lan o,” iluk yagatikhe.