MAZMUR 18:20 - Allah Wene Fano Wene Hupla Inane

²⁰ Aren an faget endawimo agaiyek anggugunem a'luk he, ap youkhogo were'ma nen ogore, an lologo wulaknobagagik, nagap telogo nobagagik, hilingnaferek.

MAZMUR 18:20 ပူးပေါင်းရင်းမြစ်များ

AYUB 22:30

Haren weak hilingiti'lek welagik, At anggikherek mene nek higithogo hilingitik, ikhi logogin halok he, At Allah nen elok lebethiikhi logogin o,” iluk yagatikhe.

AYUB 36:16

Hat hebe mondok wiik-weakhogo were'ma At Allah nen fikhalogo hobagaikhemo re, hebe fani-fanorogo logolik, hagayo meja talek oba andoma hangge nunggungge mondok hoporogo welaga andi.

MAZMUR 118:5

An noba yi enggin ti enggin hikhi logolik, neisena Tuhan nen, telnabuagaluk ayonggo fugunem, nane esanggo holheresik, an nebe telnaferek.

MAZMUR 18:24

An nen weak hilingitu aple herakfigik, kwanirogo hilingitu aple agaiseratik igirek mene andi re Arogo mondok elurek.

MAZMUR 24:4

It inobabut hilingitarek oba inom, inendawinggen wenggelharek oba inom kwanirek mene hilingiti'legengge werek halok inom, it inaneba hesangge hombuk palogo agarek lek halok inom, it tugwi kembu fogeratarek lek mene halok inom enek he elok kugun.

MAZMUR 26:6

An weak hilingiti lagi lek iluk enegenggerogo re nebe horaluk, wuni Hat fogethafu awuni watik,

MAZMUR 31:9

It afuni naselei mene nen hele warogo wo'narek loageluk oboget niikhi lagen lek, athe an wene yi wene ti wene noba lek engge selekhogo laga logouwageluk hilingnobagakhi lagen.

MAZMUR 58:11

Ap weak mene unggum inoba fugunem he afuni higithogo nek hilingitarek mene re inagaiyek hagarek, nen afuni wene melalek sagalogo hilingitarek mene inamep oba re it andi ineisok sobalharek.

MAZMUR 7:3

Mene singa nen yi mene ti mene nageluk aigen hamborogo li'luk lagunem lebetha re elo'lek agarek a'nogo hak, it afuni nen an a'nogo hilingnabuageluk heraknobagagun o.

MAZMUR 7:8

Andi re it afuni inunggulenu ekhe mene ekhe mene Hat hera'lukwe maserogo werek mene andoma misi'mo kaboget fisaluk he, Hat hebe welagen oba pogoroba andoma hurek logolik he it inebe Hat ha'ma ferinarek logoin o.

AMSAL 11:18

Afuni ina'mage weak mene ambisangma tiphogo helagarek mene andi re alomarogo hangge, oba nen he, sa nen eberogo mene hilingite halok he ambisangma onggo femhogo logogin mene helili'lagwi.

YESAYA 49:4

Oba nen he, An nen ikhi logolik, ”An nen hilingiti lagi mene andoma re alomarogo hangge o, we elalinat an nomame legaphogo fikhi lagi!” igi. Meneat he Tuhan nen an nangge mene logouwageluk nebikhit agik, nen an nobabut hilingiti lagi mene higithogo Allah nen hilingnobagagik ikhere'ma higi, iluk futfigi.

YESAYA 62:11

Tuhan en afuni o kweang wurep-wurep welagaikharek mene andoma inoba yagaisoageluk wene yi'nogo warogo fikhe, ”Afuni Sion werek mene inoba yi'nogo yagaisano, ’Tuhan hinagap teligin mene a'nogo weri'logo a'li hani! It afuni fikhalogo fisasikhe mene omanogo inom seberogo weri'lagwi a'li,’ iluk yagaisani,” ikhe o isikhe.

MATIUS 6:4

Hinagaisogo wogisamo re, hineisena Allah pogoroba mene afuni hinagaisogo hilingitarek mene eilenggen isikherek andi nen onggo wokhisagain o,” iluk yagaisasikhe.

1 KORINTUS 3:8

An awi yatirek mene inom, at i kweisalherek mene inom, nemberek higirat meneat he, ninenggi onggo re, ninebe lombok yabu hilingiti logogun mene higithogoat wo'nisagain o.

IBRANI 7:26

Nit ninendawimo nen he, ”Ap ekhe Allah eisewerek nit faget fano katokhogo yi'nogo kain logolik hilingiti logoilebe,” iluk anggogorek mene, Allah nen ninoe Yesus andiat menfesikhemo werego. At obabut he, weak ekhe hilingiti'lek, fano tegelek mondok were'ma, afuni weak hilingitarek mene inendawimo nen tegelogo pogot abel ponggwe po'lima liakfesikhemo nit faget werego.

1 SAMUEL 24:17

At Daud en wene a'nogo arat yagatikhesik ane palfesikhemo, at Saul en Daud mel yagatikhe: ”Hat andi namlogo Daud hane a?” iluk yagatikhesik he, le agaikhe.