MAZMUR 18:2 - Allah Wene Fano Wene Hupla Inane

² Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 18:2 ပူးပေါင်းရင်းမြစ်များ

2 SAMUEL 22:3

An nebe welagirek oba leget pa'leget omamerogo waganek mene hangge, Tuhan hebe welagen, An nebe logouwageluk helep tom eil hak he Allah hebeat welagen, nen an fano logouwagaluk Aren sing itarek hangge laberogo fetnarek werego. Nen nailo legengge logouwageluk hundik-handik fetnarek mondok werego.

MAZMUR 116:1

An nen neisena Tuhan oba telnabuageluk ayonggo fugunem, an nane esanggo holherek andi nen he, At oba nendawi hundik welagirego.

MAZMUR 132:17

At Daud en tagomangge mene, o yoma enupogot logouwagaluk, An nen menfagain o. Ap ayonggo fagain mene andi, aren ferinarek logouwageluk An nen omamet fikhi logogin.

MAZMUR 144:2

At andi re an lebetniigik, nebikhit agik ikherek mene, an nagap telogore At awe a'ma kuluk welagirek, At andi re an nebe telnabuageluk he an nen At were'ma laluk welagirek. Aren he afuni inunggulenu ekhe mene-ekhe mene omanogo an na'ma sebelogo fisikherek.

MAZMUR 19:14

An neranhogo weak hilingiti hanogoluk, fanorogo telnafi logoino o. Weak mene nen fa'nobagaluk fetnarek logoinogoluk, wo'narek laga logoino o. A'nogo fetnarek were'ma, tegelek mondok logolik, Hat hane hologo, weak hilingiti'lek logogin o.

MAZMUR 28:1

Tuhan neisena, we Hat hoba nek an nen nane humeti lagi o, Hat he an nebekhit agu mene welagenma re, an nane ikhi lagi mene andi hesanggo holnabin. Nen, Hat hane igi'lek hafe morogo logogin halok he, an he afuni wa'lagunem salinafarek oba omanogo higit logou hago.

MAZMUR 59:11

An neisena Allah obabut fano nen endawit napluk he, an nambit weri'lago, nen Aren he it naselei mene omanogo mabenet fisugunem an neilenggen hoageluk hilingnobagali'lago.

MAZMUR 62:2

An nebe Allah ninom hundik were'ma hambukhogo welagirek. At oba nenat an nagap telek welagirek.

MAZMUR 62:7

At ebe helep tom hakhogo fetnarek welagik, nagap telogo nobagagik, hilingiterek. Nen At ebe o kota leget ninghogo waganogo kwelabek andi higit fetnarek were'ma re, an naloak nalo-halo u re lek hago.

MAZMUR 75:10

Oba nen an enek he At Yakub eisena Allah a'nogo faget enek fageti logogin. Nen At obaget wuni fogoratarek awuni iginafu mondok logogin.

MAZMUR 91:2

Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.

MAZMUR 91:4

Aren he sue nen eak ogolabi a'ma fuluk sebelek welagarek andi hak, hat hebe At a'ma hobagaluk fetharek were'ma, hat hebe fano logogin. Hebe hoasinogo iluk sing itarek andi hak, aren tiphogo nek hilingiterek mene andiba, ma'murogo fetharek logogin o.

KELUARAN 15:2

Tuhan nineisena homame hokho mene a'nogoba, An elele wo'nafen o, Harenat an telnafen. An neisena Allah harat ma, an harat fogethabigin, An nombalagen Allah fogethati lagaukwa hak, An nen hat henu esinet habigin.

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

AMSAL 2:7

Afuni inobabut weak hilingiti'lek fanorogo welagaikharek mene inoba re, leberisigik, a'ma ferinarek welagik, ikherek.

YESAYA 32:2

It inebe lombok he sogoi en inom, sielu nen inom funhugunem hina'laguba hangge agik, athe i liarekwe lagarek agai hakhogo agik, athe o kweang esi le'ma helep hokho mene werekwe andoma nen hinaklagaikharek hak agik, ugun.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

IBRANI 2:13

ekhe inom ap ekhe yagati logolik he: ”An nendawinggen Allah oba himbiret fuluk logogin o,” iluk yagatikhesik he: ”Allah nen againafuri wo'netikhe mene omanogo ninom welago yi han,” iluk yagatikhe.