MAZMUR 18:17 - Allah Wene Fano Wene Hupla Inane

¹⁷ At ebe legoma po'lima nen enggi pelakfei we'luk he, an nebe fagaisogo wo'naferek. I fu lagarek mene agumo nen heiselogo wo'naferek.

MAZMUR 18:17 ပူးပေါင်းရင်းမြစ်များ

2 SAMUEL 22:1

At Daud ebe ap Saul en ogo, aselei mene nen ogo inebe mondogaren wasuogoluk ugunem, nineisena Tuhan nen telogo filik waga lagaikhe andi nen he, Allah fogerati logolik, wuni yi'nogo watikhe:

2 SAMUEL 22:18

Ap an naselei mene inomame mondok hokho mene inenggimo nen inom, it an inabit nabi'lagwi mene inoba nen inom, it inebe inomame hokhorek logolik, an ninom walha elo'lek mene inom andomaba nen, an nili wo'nafikhe.

AYUB 16:9

Allah aniniba an nagap mondok pil-palhogo nobagaikhe. Nen, At a'mageba an eil kwelakniugu werek.

MAZMUR 118:7

At Tuhan he an lebetneageluk an nebikhit welagarek andi nen he, it naselei mene mabenet fisugunem andoma re, neilenggen isagain.

MAZMUR 138:7

An noba enggin mene asi wagunem, Haren enek an neluk logouwageluk henggi pukhogo fetnarek welagen. It naselei mene inanini noba fugunem he, Hat homameba nek an nagap telogo nobagakhi lagen.

MAZMUR 142:6

Tuhan neisena, an nen we Hat hoba nek henu hombuk palhu mondok welagi, Hat hawea'ma nagap telek welagi, an nebe neluk logolik oba ya re Hat hebe ninom logogun andi nek namolo welagi.

MAZMUR 144:7

Hat hebe pogoroba nen henggi sen nobagai we'luk, i fu weri'lagoba nen lugurogo nobagain o. Ap pok mene andoma inomameba nen telogo nobagain o,

MAZMUR 25:19

An naselei mene mondok hokhopokhorogo werek engge yi, heilenggen han? Iren an mondogat li'norogo hilingnabi'lagwingge andi.

MAZMUR 35:10

An nendawinggen nebe mondok abirenggeba nen nane ikhi logolik he, ”Tuhan Hat hinom higirabesu mene re ekhe werek lek!” Harenat, it inomame lek mene re, it inomame werek mene inenggimo nen telogo fisikhi lagen, Nen it inangge lek mene inom, inelagaikhogo werek mene inom he, sebelinarek werek mene omanogo inenggimo nen fikhalogo fisikhi lagen.

MAZMUR 38:19

An nen taganhogo hilingiti mene omanogo faget ebetu logolik nendawi fit lagunem he, an nen naweak omanogo fageti lagi.

MAZMUR 9:13

A'nogo hilingiti logogun andi re, it inoba yi enggin ti enggin hikhi logolik were'ma inom, yi ou ti ou hikhi logolik were'ma inom Aren inoba onggoragi'lek eberek mondok werek andi nen, it afuni ina'mageba hilingitarek mene andoma re Aren unggum wogisikherek.

LUKAS 19:14

Lagu kwelek he, it oe agot omanogo ap andi inabiren he, wene palhukwasik, at ap andi ninoe kain enupogot logogin he, ninabit, iluk yagaisa lano, iluk, yonggo ombo'ne lakfisasukwa.