MAZMUR 18:14 - Allah Wene Fano Wene Hupla Inane

¹⁴ A'nogo hilingfikheresik he At Tuhan ebe pogoroba po'lima nen, unggunggu aneba sup pololang eterek, At Lego Mondok welagarek mene a'nogo nen ane holherek.

MAZMUR 18:14 ပူးပေါင်းရင်းမြစ်များ

AYUB 37:4

A'nogo hilingfuluk he at ane re houwakhogo hugesi pi weri'lago, henaba andoma nen ane tololang eri'lago, nen ane tololang eri'lagoba anggele'ma andoma nen he, eilabut kulunghogo asinandi palogo wulibi'logo.

AYUB 37:5

At Allah ane miming oba re omame werek mene inom, elalin mene niren futfou elo'lek mene inom, hilingiterek.

AYUB 38:35

Haren eilabut yegelogo lakfei wesuageluk yagatunem, ebe hoba wesimbik he, Noe, wagi, iluk yagahesigin nogo?

AYUB 6:4

At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

MAZMUR 144:6

It haselei mene pugulik-pagalik uageluk Hat hangge eilabut yegelogo lakfei me o, it inebe hesangge pesangge asuageluk handok pisingerisan.

MAZMUR 21:12

Iren at raja awene melalek a'nogo sagalogo fuluk hilingisugun iluk wene lenggalhi logogun halok he, ineranen wene ikhi logogun mene andi re ambisangma fano aga logogin mondok lek.

MAZMUR 29:3

Tuhan ane re i laut agum oba nen ili'logo, Allah andungdang werek mene a'nogo ane re i laut hokho talek mene agum oba andoma nen supuk eri'logo.

MAZMUR 29:7

At Tuhan ane nen he eilabut kulunghogo sebeli wagarek.

MAZMUR 77:17

Nineisena Allah, Hat hebe ineilenggen healuk he i re leigetik, i laut a'ma ma'lima inom mondogat leik waririm etik, ikhi lagaikhe.

MAZMUR 77:18

Unggunggu supuk erik lagunem he, eilabut yegelogo meiso pelabi wagarek, eilabut kulunghogo o unggut-unggut mondogat kwelambakhogo hugesi lagarek.

YESAYA 30:30

Tuhan nen ane mondok omame mene a'nogo holuageluk hilingfoumo re afuni inebe lombogen elalinhogo ugunem holhi logogun, At anini re endu nen o hali ninggerek hak hilingiti logolik he, meiso hokho mene inom, meiso sogenggen es mene inom, sogoi sielu mene inom lakfei wesumo re, mondok elo'lekhogo hilingitunem hogoin.

YOEL 2:11

Nen at agoromi tentara omanogo inendawi wenggelogo iluk enegengge re Tuhan ane unggunggu ane hangge supuk ikherek. At agoromi ane hologo weim yafarek mene re inomame mondok hokho mene logolik, inebe esare inenggi wenasu mondok elo'lek. O Tuhan onggwarek awi wei igin andi re, mondok elalin wesa polan awi wei igin. Inenggi andi sambul andi re afuni nen inailo lekhogo hambuget haluk logou re elo'lek asigin o,” iluk yagaisasigi.

HABAKUK 3:11

Handok pisingethugunem ombak-bak he furung warogo lagik, harigeba fangetunem amulit yabelanget higik, ugunem he, mo inom, tugi inom, lagi'lek aloksek werek andi.

BILANGAN 24:8

Allah nen it o Mesir en woginarek wulibi wagasik, At obabut sapi ai mene maro obabut weak mene hangge logolik, it inebikhit a'luk inaweim yaferego. A'nogo yafi logolik, sumburu haumhogo ninggarek andi hak, afuni at aselei mene mondok legetfisikhi logogin o. Legetfisikhi logolik, it inoak tamuk-tamakhogo falelhik, nen inasikhe obakhe lilibuk-lalabakhogo lakfigik, igin o.

ULANGAN 32:23

An nen yi mene ti mene weak inailo mene, it inoba lakfei wagu mondok logogin, An nandok mondogat, it inoba pisinget isugu mondok logogin.

ULANGAN 32:42

It inamep an nandok ebene, hokhorogo labulasigin, Noasuogoluk agarek mene, nenggarok oba inoasigin, Afuni an naselei mene, tok warek, hele warek, ineluk herakfisigi'lek, mondogat inoasigin, iluk ikhe.

YOSUA 10:10

A'nogo wulifunem he, nineisena Tuhan nen afuni Amori mene inobabut mondok nonghonghogo hilinginafikhemo re, ineilenggen tentara Israel mene yerisasukwasik he inobakhe eintok palagaikhe. A'nogo hilinglagaikhemo, it Israel mene nen afuni inebe mondok hokhorogo o Gibeon nen inoatukwa. A'nogo inoatukwasik, fena ineluk mene re muginarek o tom Bet-Horon alema andoma pelakfisasukwasik, huli yatmaat o Azeka inom, Makeda inom, i ambutmo higit andoma mugisogo pelakfisasukwa.

1 SAMUEL 2:10

Neisena Tuhan, hane pogoroba nen unggunggu aneba pak ugunem haselei mene inailo a'luk oak yaleik-taleik ugunem inebe mondok wolelenggen tagalogo inosigin o. Hat neisena Tuhan nen afuni kweangma mene mondogat wene inoba figik, kotik, igin mene, at ebe kain enupogot asuageluk wendeberogo menfesigin mene andi, omame wogetunem ungguloak uan asigin o,” iluk Allah fogeratikhe.