MAZMUR 17:8 - Allah Wene Fano Wene Hupla Inane

⁸ An nebe Hat heilenggen elonggoma mene hakhogo halnafi logoino, neisena. An he it afuni weak hilingitarek mene nen mu'niugunem he Hat hogolabi a'ma kwelaknobagakhi logoin o.

MAZMUR 17:8 ပူးပေါင်းရင်းမြစ်များ

MAZMUR 16:1

Allah neisena, an he Hat hawea'ma kuluk welagimo re, kagalnarek logoin o, neisena.

MAZMUR 36:7

Haren higithogo nek hilingninobagakhi lagen mene andi re tom unggul uan mene wolonghogo liabek andi higit werek, nen Haren hawene melalek werek mene andi re i laut unggut uanhogo yenggelek andi higit werek, afuni inom yi mene ti mene lebeterek mene andoma inom mondogat he Harenat halinafu mandok welagen.

MAZMUR 36:8

Neisena Allah, Haren hendawi hundik hilingninafi lagen mene andi re onggo mondok hokho mene hangge hilingi'mo re, afuni nen Hat hogolabi a'ma hina'lasi kugunem he inagap telek werek.

MAZMUR 57:1

Afuni nen wuni wulakfuluk inebe seberogo ugu kwelek yanggulinafarek mene faget, wuni unggulenu mondogat leget fisa fuk agarek mene andi bene felalek mene, at Daud ebe Saul agaiserogo oumo lagaikhesik isikhe awuni.

MAZMUR 57:2

Neisena Allah hendawit nabin o, an he Hat hawea'ma fetnarek welagen ma re hendawit nabin o, An nebe Hat hogolabi a'ma hinago werek kwelek enek he, o sielu funha wagarek mene a'nogo aloget fikherek.

MAZMUR 61:4

An nebe nalong palogo fetnarek welagen mene re Hat hebeat welagen, nen it naselei mene nen noasuogeluk hilingitunem nendawi hambugengge re Harat welagen.

MAZMUR 61:5

Hat hogolabi a'ma an nebe sebelnarek were'ma re, an nailo legengge nabolok lek logogin nen he, an nebe neluk logolik oba Hat hawi sabu sale'ma andoma kuluk logogin iluk anggikhi lagi o.

MAZMUR 63:7

Haren lebetniikhi lagen andi nen, o hup inukhogo re an nebe nogo igirek oba wengik logolik, menenei ebethikhi logolik he, hoba ebetu mondok welagirego. Hat hogolabi a'ma logolik nendawimo haien he hawuni watu welagirek.

MAZMUR 91:1

It afuni At Lego Mondok welagarek mene a'nogo awe a'ma werek mene inom, At Omame Mondok Hokho mene a'nogo nen sebelinarek were'ma werek mene inomen,

MAZMUR 91:4

Aren he sue nen eak ogolabi a'ma fuluk sebelek welagarek andi hak, hat hebe At a'ma hobagaluk fetharek were'ma, hat hebe fano logogin. Hebe hoasinogo iluk sing itarek andi hak, aren tiphogo nek hilingiterek mene andiba, ma'murogo fetharek logogin o.

AMSAL 7:2

Hit hineluk fano logobagaigen he, an nen komothinafi lagi mene andi, nane hologo hilingiti logoino. An nen komothinafi lagi mene andoma re hinonggwarek hineilenggen alelogo fetaluk welagep andi hakhogo fetaluk logoino.

ZAKHARIA 2:8

Ap sa nen hit hinoasugun iluk hilinghinafu halok he, An nendawinggenma kagaukhogo noasu hagat hilingisugun o,” iluk ikhe. Andiba re, Tuhan Omame Mondok Hokho mene a'nogo nen an mimingnafi logolik wene a'nogo iluk andi it inunggulenu inap Tuhan againafuri telogo helasukwa mene andoma yagaisoageluk mimingnafi logolik,

MATIUS 23:37

At Yesus nen a'nogo yagaisasikhesik he, ekhe mel yagaisasikhe: ”Eigo! Hit afuni o Yerusalem mene yi nendawilage! Hirenat ap Allah ane yagaisagarek mene inebe inoatik, ap Allah nen inayonggo fuluk lakfisa wagarek mene heleben tamuk-tamakhogo inoatik, ikhi lagep andi nendawilage. Sue ayam eagwi ogolabi a'ma andogorogo fisikherek andi hak, an nen hundik-handigat hit o yoma welagep mene mondogat a'nogoat andogorogo hinobagagin iluk anggikhi lagi meneat he, hiren, ”Ninabit,” ikhi lagep andi, nendawilage.

LUKAS 13:34

”Eigo! Hit afuni o Yerusalem mene yi nendawilage! Hiren ap Allah ane yagaisagarek mene inebe inoatik, ap Allah nen inayonggo fuluk hinoba lakfisa wagarek mene heleben tamuk-tamakhogo inoatik, ikhi lagep andi nendawilage! Sue ayam eagwi ogolabi a'ma andogorogo fisikherek andi hak, an hundik-handigat hit o yoma welagep mene mondogat a'nogoat andogorogo hinobagaigeluk anggigirek meneat he, hiren, ninabit, ikhi lagep andi nendawilage!

ULANGAN 32:10

O ekhema lagik, ekhema lagik nugunem, inebe woginafikhe, o leimo afuni inareng le'ma, nugunem woginafikhesik, elele waganogo, ferinarek welagarek, Nen at onggwarek mene lugouwageluk, ferinarek logolik, eilen woginarek nikherek.

RUT 2:12

Hat nit afuni Israel mene nineisena Tuhan Allah nen awe a'ma fetharek logouwagaluk wagen andi nen, Aren he, haren yi mene ti mene faget fano hilingiti lagen mene andi mondogat onggo wokhesigin mene andi helagain higit obaat wokhesuago,” iluk yagatikhe.