MAZMUR 17:2 - Allah Wene Fano Wene Hupla Inane

² Eberogo wene andi re Hat mondogat helure'ma re, an nawene yi faget nili wo'nabin o.

MAZMUR 17:2 ပူးပေါင်းရင်းမြစ်များ

MAZMUR 37:33

A'nogo meneat he At Tuhan nen he it andi inoasuageluk inenggiba fuluk herakfisikhere'lek. Nen, wene inoba fuluk weagarinabuagaluk herakfisikherek lek.

MAZMUR 37:6

Nen hiren tiphogo nek hilingiti logogun mene andi re o selek andi hak hilinghinobagakhi logogin, nen hinobabut kuluk mene hakhogo hilingiti logogun mene andi re o linggene liarek andi hakhogo liathinafi logogin.

YEHEZKIEL 18:25

We it ekhe nen yi'nogo agarek logou hak, ”Tuhan nen hilingiterek mene andi re nonghonghogo hilingiterek iluk agarek. Oba nen he, ap Israel mene yi re hinesanggo fanorogo holini o! An nen hilingiti lagi mene andoma re nafekwe nonghonghogo hilingiti lagi anggikhi lagabe? Hirenek he hinafekwe nonghongsek welagep.

YEHEZKIEL 18:29

Hit ap Israel mene yi sani, hiren ikhi logolik Tuhan nen hilingiri'lago mene andi re nonghonghogo hilingiri'lago ikhi lagep, andi re An nen hilingiti lagi mene andoma re inendawinggen suk-sak u hak mene hilingiti lagi a? Israel mene yoma ri! Lego, hirenek he nonghongsek mene hilingiti lagebo,” ikhe.

YEHEZKIEL 33:17

Oba nen he it inunggulenu andi nen ikhi logolik he, An nen hilingiti mene andoma re, higithogo hilingiri'lago iluk agarek lek! Oba nen it inonggwarek enek he, higithogo hilingiti legengge nen ili'lagwi.

YEHEZKIEL 33:20

A'nogo hilingik kwelek oba nen, it inunggulenu Israel mene nen An nen hilingiti lagi mene faget he higithogo hilingiri'lago lek, iluk agarek. A'nogo agarek oba nen ibi-eberogo nen he An nen it wene inoba figik kotik iren hilingiri'lagwi higithogo hilinginabigin o,” ikhe.

YUDAS 1:24

Hit nineisena Allah omame logolik elok fethinarek logogin mene a'nogo oba lagunem, hineisok peikhogo warigi'lek fanorogo fethinarek logombik he, at ebe fogerari'lagwiba andoma, wene hinoba figi'legat, hinendawimo hinagaiyek anggugu kwelek, at elokhoma hinobagai lagain mene andi, hai wati logouwogo.