MAZMUR 17:14 - Allah Wene Fano Wene Hupla Inane

¹⁴ It afuni o kweangma yoma inangge kabogetu mondok logolik werek mene andoma inoba nen fikhalogo nobagakhi logoino. Enggin fenggin it afuni andi inoba fisugu mene iluk Haren foukhogo fisegen mene a'nogoba it unggum wogisikhi logoino o. Nen, it inagainafuri inom, inombawi iren taginabugun mene inom ogo a'nogo nek unggum inoba fikhi logoino aro.

MAZMUR 17:14 ပူးပေါင်းရင်းမြစ်များ

AYUB 12:6

Oba nen he, ap hinatarek mene andi re, afuni nen ogo inanggomo pali'lagwi lek, it afuni Allah oba inailo legengge ane oak sagalharek mene omanogo nen it mene inanggembuba inendawinggen tibet fuluk logolik inonggwarek inomameba werek oba nen ogore, inebe mandok fanogo werek.

AYUB 12:9

It inebe mondogat andoma inanggele'ma nen he, Allah nit ninebe elalninafikhe mene iluk anggagarek enek.

AYUB 21:21

Ap ekhe kweangma ineluk wela'luk wa'lasugun halok, Aren at onggwarek eisok erokwe mene faget ninggi'nogoluk inoba eberek logou hak nogo?

AYUB 22:18

Meneat he, At Allah nen it inenggi werek logouwageluk hilingitu kwelegat. Ibi-eberogo nen it ap mondok morue ariginik mene nen eberi'lagwi mene andi re an he futfikhi lagi lek!

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,

MAZMUR 73:12

Afuni inobabut weak mondok hilingitarek mene andi re inangge ekhe inom oba heilarogo hilinglagunem, inafe morogo logolik he, a'nogo hilingitarek andi.

AMSAL 2:4

Andi mene faget he emas heratarek higit heratik, nen inangge onggo hokho mene were'ma mu'luk lagaikharek higit murok lagik, ikhi logoino.

MATIUS 13:44

A'nogo yagaisasikhesik he, ekhe mel yagaisasikhe: ”At Allah nen awe a'ma fisikherek andi ebe re, mel hangge. Fano mene onggo hokho mene yabumo kweangma salek hinago were'ma re, ap ekhe nen herakfuluk he, endawimo agaiyek anggasikhesik he, ambotkwe kweang salogo hinakfuluk aiba lagaikhesik, agarek yi mene ti mene it ekhe inoba onggo palogo waluk, fano mene andi helageluk ambotkwe wagaikhesik yabu andi onggo fesikhe andi hangge aro,” iluk yagaisasikhe.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

LUKAS 16:8

A'nogo hilingitikhe mene andi, at abok oe a'nogo esanggo holhikhesik he, mel isikhe: Egi! Endawinggen mondok kagalek andi nailo e, iluk amingmingengge mene weak hilingiti lagaikhe mene a'nogo fogeratikhe. A'nogo fogeratikhe andi re, it afuni kweangma yoma mene inobabut he, it mene hilingisuogeluk inendawimo mondok kagalek meneat he, it Allah againafuri inendawimo selek hilingisogo fisasikhe mene andi, inobabut he, it hangge lek andi nen he, a'nogo isikhe andi.

YOHANES 15:19

Hit hinebe afuni kweangma mene logoilepma re, it afuni kweangma mene nen he, it he, nit ninagoromi, iluk inendawinggen hundik hilinghinabilep meneat he, hit hinebe it afuni kweangma mene were'ma wenakhinafigisik wokhinafisigi'mo re, hinebe it mene welagep fuk. Andi nen he, inabit mondok hilinghinabi'lagwi o.

YOHANES 17:14

Hat hane a'nogo it arat yagaisigi. Nen, an nebe kweangma mene fuk, andi hak he it ogo kweangma mene legat andi nen he, it afuni kweangma mene nen inabiret ninobagali'lagwi o.

YOHANES 8:23

aren mel yagaisasikhe: ”An nebe re, pogot abel ponggwe mene wagarik welagi o. Menere, hit enek he, abel manggwe yoma mene o. Hinawi ero kweangma yoma aro. Mene re, an nawi ero kweangma yoma lego.

YAKOBUS 5:5

Kweangma yoma hinagarek yi mene ti mene hineilmo werek logolik, hinendawimo hinagaiyekhogo hinalawi engginhogo helikhi lagep andi ri! Wam wasugun higit asi wagunem ebe hokho asuageluk sumburu hokhorogo tatarek andi hak, hit hinebe weagethinabigin mene horok asi wagu kwelegat he, hinonggwaregen hinebe takhikhi lagep andi ri!