MAZMUR 16:5 - Allah Wene Fano Wene Hupla Inane

⁵ Tuhan Neisena, an nebe re Hat mene welagi. Yi mene ti mene an nelokhoma lek mene re Haren wo'neti lagen, an nebe re Hat henggiba welagi.

MAZMUR 16:5 ပူးပေါင်းရင်းမြစ်များ

MAZMUR 11:6

Afuni weak hilingitarek mene halok he Aren enggin-fenggin ekhe mene-ekhe mene inom, endu oba inom, helebenggen endu meneba inom, nen sogoi aganhan nen nolinaferek meneba inom unggum inoba fikherek.

MAZMUR 116:13

An telnafikhe mene andi faget, an nen neisena Tuhan hai wati logolik, anggur amusu wogosi wesigin.

MAZMUR 119:57

Tuhan neisena we Hat obaget enek an nendawi mene hilingik welagi, Haren yaganeti lagen mene andoma an nen hilingiti logogin iluk wene watheti.

MAZMUR 125:3

Afuni higithogo hilingiri'lagwi mene inanggweang oba andoma re, it kwanirogo hilingiri'lagwi mene inobabut waganogo hilingisinogoluk he andoma it mene ekhe inenuwerek logogun mondok lek.

MAZMUR 132:11

Haren he, Daud yagati logolik, ”Hat hamlogo ap ekhe nen, hobali'mo ferinarek logouwagaluk, enupogot menfoumo logogin o. Hat hagainafuri yi'nogo hilinginabigin, iluk wene wathisasigi mene andi, An noba lomborogo logolik, yi'nogo hilingiti logoino, iluk, komorinafigi mene andi inom, nane hologo hilingiti logogun halok, iren tagomangge mene ap ekhe hat hobali'mo, inenupogot mondok menlarik laga logogun o. Nen wene watheti mene andi, nane oak wanigin lego,” iluk hombuk palogo wene waretigin andi.

MAZMUR 142:5

An nera'lukwe neilenggen furogo kumuthugunem he, an lebetnea mene ekhe werek le'ma hikhi lagi. An nebe telogo nobagagu mene ekhe werek legat, athe an nebe hilingik welagi mene faget kwelakniugu mene ekhe werek legat.

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 23:5

It an naselei mene ineilhanem en he, Haren nahenengge wo'nafi lagen. Haren ap kain mene afuni inambok wagunem hakhogo hilingnafi lagen. Harenat nagai nunggu mene ele sophogo hinagaisogo wo'neti lagen.

MAZMUR 73:26

An nebe inom, nendawinggen inom maben agirek meneat he, an nomame kwela'nafu mene re neisena Allah hebeat welagen o. Yi mene ti mene eise logou hak he, hat hebeat eise mondok-mondok asimbik logogin.

MAZMUR 89:4

Haren ikhi logolik he, mel isigin andi: ”Hit An nagainafuri wenakhinafigi mene, yi'nogo hilinghinabigin o, iluk wene watnisasigin mene andi, Honggwarek henu hombuk palogo, hamingmingengge Daud mel yagatigin.

MAZMUR 9:4

Hat helokhoma nen he, an naselei mene omanogo sugulogo inambotkwe heise lagunem, ineisok tunghogo waraluk inebe wa'lari'lagwi.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

YESAYA 53:12

At onggwarek endawinggen nenat, nebe noasuak, iluk anggasikhesik, ebe afuni weak hilingitarek mene ninom misi'mo inenggi wena'ninabuak iluk anggikhe. Aren afuni hokhorogo inaweak hatesik, inaweak legetfisoageluk inobaget samban ili'logo. Andiba re aren hilingite onggo An nen yi afuni ti afuni hokhorogo at enggiba wogetik, at ebe ap kain enu werek hilingisogo figik, igin o,” iluk ikhe isikhe.

YEREMIA 10:16

Yakub eisena Allah andi re tugwi kembu andoma inom higit he lego, At andi re yi mene ti mene mondogat elalhikhe mene. Nen Enu re Tuhan Omame Mondok Hokho mene andi. Aren he Israel mene At againafuri mene asuageluk wenagaisogo fisasikhe.

RATAPAN 3:24

Tuhan andi re an nonggwarek nangge we misik masik enek engge hilingi'mo re At oba nek nendawimo eberek welagi.

KISAH PARA RASUL 2:32

A'nogo isikhe higithogoat, at Yesus Allah nenat eluget fikhemo, nit ya mondogat nineilenggen hogosik nineluat welago andi.

KISAH PARA RASUL 5:31

Eluget fikhemo werek andi, afuni Israel mene weak hilingiri'lagwi mene andi herakfisaluk inobabut hebelasumo re, Allah nen it weak hilingitarek mene andi sebelogo legetfisageluk, Yesus ebe eluget fikhesik he, at ebe ninoe Enupogot logolik telninafi logouwageluk era'lu enggi ebekwe menfikhemo werek andi.

1 KORINTUS 15:25

A'nogo fagain andi, at Allah nen Kristus inom weak mene mondogat eisogen alperelogo fisoagen awe a'ma inobagai wesigin andi oan werek kwelek, at Kristus ebe kainat mondok logogin.

EFESUS 5:18

Anggur enggen amusu hokhorogo nunggunem andi mene nen hinebe lugulugwi palhi logolik weagethinabinogo nen he, ninggi logogubo. Oba nen, we Allah Areagun andiat hinendawimo peterogo wanino.

ULANGAN 18:2

It ineisena Tuhan nen it inoba wene abok yagaisikhe higithogo, it faget he ineisena Tuhan Allah ebeat eiserogo were'ma re, it inagaila'lak fena inanggweang werek andi hakhogo logogun lek.

ULANGAN 32:9

A'nogo meneat he, afuni Yakub en tagongge mene re, nineisena Tuhan, onggwarek againafuri, logouwagaluk wenaginafikhe.

YOSUA 22:25

Kwelakhani! Aren i Yordan ari nit ninanggele'ma tulem fikhe arire nit inom hit hinunggulenu Ruben mene, Gad mene ninom hulirogo logouwageluk fikhe. Ibi-eberogo nen, hit he Tuhan hinom he ero werek fuk,’ iluk yaganisaga hanogoluk ninendawi fiti logolik wuto. Nen hit hinerembulmo mene nen nit ninerembulmo mene inoba re, Tuhan andi fogerati logoinogo iluk hilingfisaga hanogoluk hilingito.

YOSUA 22:27

athe nit inom hit inom faget enegenggerogo logouwageluk inom, nen nit ninerembul oba hobuk mene faget inom wuto. Nit ogore ibi-eberogo Tuhan oba At Awi Sabumo Ebe weinam asi waguba omanogo, warogo nolhu mene inom, yi mene ti mene obaget fugu mene inom, ninom hundik logogun iluk warogo fugu mene inom fei laluk obaget hilingiti lago anggikhi logouwageluk hilingito. A'nogo hilingiti logogun oba re it hit hinambisangma mene nen he nit ninambisangma meneba ikhi logolik, Tuhan andi re niren tagomangge mene ninom he hundik welago lego,” ikhi logogun.