MAZMUR 15:5 - Allah Wene Fano Wene Hupla Inane

⁵ Uang it ekhe elama faget wogisaluk, ”Amingmingengge ekhe inom seberogo wo'nisani,” iluk agarek lek mene inom, It ekhe weak hilingiti'lek mene inoba it andi wene inoba fouwagaluk onggo palek nenggarek lek mene inom, Afuni inobabut a'nogo hilingitarek mene andi re, hobuk weak inoba agi'lek wurep oba re, fano mondok logogun o, iluk wuni watikhe.

MAZMUR 15:5 ပူးပေါင်းရင်းမြစ်များ

MAZMUR 106:3

It afuni At awene melalek hologo nek hilingitarek mene andoma inom, nen it inobabut oba eberogo mene nek hilingiri'lagwi mene andoma inom en he, inagaiyek hikhi logouwak.

MAZMUR 112:6

Ap fano hilingitarek mene re iren yi'nogo ti'nogo hilingitunem ambisangma ekhe tagan ikhi logogin lek, hundik-handik andoma ap a'nogo oba eberek mondok welagaikharek.

MAZMUR 16:8

An he Tuhan oba eberek mondok welagi. At ebe an nera'lu mondok were'ma re, an nabolok u lek hak.

MAZMUR 55:22

Nen At ane ugunem he ane mondok sakhorek oba afuni inendawinggen wanherek, oba nen endawimo nen he mondok abit logoligen hilingiterek. Wene ane ugunem he ane hafe mene legengge ikherek, oba nen he weim enggat fel-felengge mago mene hakhogo inendawimo yuguli lagarek.

KELUARAN 22:24

Inane holfuluk he, An nanini nen hit weim yabugun oba andoma hinebe pinggi hinoasumo, hit hinagagwi sogwe fisigik, hinagainafuri suarek mene agik, hilinglasugun.

KELUARAN 22:25

Afuni An namlogomi mene inanggele'ma andoma nen hit hina uang, ap inenggi lek mene nen palegengge hinoba logogin halok, hinane agaiyek oba ap yi mene ti mene onggo wili'lago mene nen agarek higit, to'mongge ekhe inom wanin iluk yagaisa fuk.

AMSAL 10:30

Ap inobabut higithogo nek hilingiterek mene re hobuk ineluk fano liokhogo logogun, oba nen he, ap ina'mage weak mene re it inanggweang wogisikheba andoma logogun mondok lek.

AMSAL 12:3

Ap misik ekhe aweak hilingiterek mene a'nogoba femhogo welagarek mene ekhe werek lek, oba nen he ap ekhe eberogo anggikherek mene re taloti'lek abolo'lek logogin.

AMSAL 15:27

Ap sa nen enggi werek asigin iluk eranhogo lalhigik helagain halok he at onggwarek againafuri weagerogo fisagain, ap sa nen uang hinagaisogo wogosugun mene nabit iluk herakfisikhe halok he eluk fano logogin.

YESAYA 33:15

Hiren ambi hinane ugu mene inom, hilingitu mene inom, eberogo nek hilingitu halok he andiba nen hit hinebe elok hambuget hogoin o. Hiren nit hokhorogo helogoin iluk afuni inenggi lek mene inangge hinomameba telogo hela fuk, nen, uang inenggi a'makwe helugu mene wanhi logou fugat, nen ap inaniniba hilingisugun iluk wene palhu mene inom ap wasugun mene iluk weim abok ugu mene inom andoma hinom hilingisu fugaro.

YEHEZKIEL 18:17

Aren inanini mene ekhe hilingiterek lek, athe angge elama faget afuni inoba wogisikhi logolik to'mongge inom wo'nesubagaigen iluk hilingiterek legat. Athe An nen wene melalek werek mene omanogo furogo hilingitik, An nen yi'nogo hilingi'no ti'nogo hilingi'no iluk ikhi lagi mene omanogo hologo hilingitik, ikherek. Abo andi nen hilingiterek mene andi re eisena aweak oba wa'lasigin lek, athe eluk logogin.

YEHEZKIEL 18:27

Oba nen he, ap weak hilingitarek mene nen, weak mene hilingiti'lek logolik, fano hilingitu mene erora'luk hilingirik lagu halok, at ebe agap telek logogin.

YEHEZKIEL 18:8

Aren he angge afuni inoba hobuk nekhengge wogosugun nen iluk wogisikhi logolik he to'mongge ekhe inom wogisikherek lek, athe inanini meneba hilingitarek mene andoma abitsek logolik ap wene palhunem andoma re aren wene higithogo nek tegeterek.

YEHEZKIEL 22:12

It fena ekhe re ap wasuageluk onggo palinafunem inoatu mene agik, muli inamep nunggu mene agik, nen afuni it inunggulenu mene inoba sebelogo fisikhi logolik welagik, hilingitu mene werek. It inebe mondogaren An inonggot agaikha. An Tuhan Lego Mondok welagirek mene a'nogo nane mondogat igi.

MIKHA 7:3

It inebe mondogaren he weak hilingitu mene faget enek inobabut mondok hibil-hebelhogo hilingitu welagaikharek. It ap ineabu legoma welaikharek mene nen inom, nen it hakim wene tegetarek mene nen inom ogore, wene tegesuogeluk he onggo tak wo'nisani iluk kinotarek. Nen, it ap inogogwi kaindegen ogore, it inendawimo anggagarek mene nek hilingisuageluk miminginafarek. A'nogo nek hilingiti logolik it inebe mondogarenat hilingirik lagaikharek andi.

MATIUS 26:15

”An nen Yesus andi wokhisigi halok he, hiren onggo nena mene wo'nesugun anggegep,” iluk yagaisasikhemo, it ap omanogo nen he, ”Onggo uang perak mene 30 nen wokhesugun o,” iluk yagatukwasik he, wogetukwa.

YOHANES 13:17

An nen wene yagahisigi andi hinelu asimbik hilingiti logogun halok he, hinendwimo hinagaiyek hikhi logogun o.

ULANGAN 16:19

A'nogo menfisamo, iren we inendawimo nen anggaluk enek wene tegetik, fena fikhit inebepikhit aga logolik fena fikhit weaget fisigik hilingiti logogun lek. Afuni nen inenggi a'makwe helaluk nenggarek mene andi re ineilenggen puget fisagare'ma re, ap inendawinggen wenggelek mene inom, wene higithogo agarek mene inom oba nen ogo re, a'nogo heluguba wene heirogo palhi'legengge inenggi a'makwe helikhi logogun andi elo'lek.

ULANGAN 23:21

Nen hiren, hineisena Tuhan Allah eilhanem yi'nogo hilingisigin iluk wene ware'luk halok he, yi'nogo nen, athe ti'nogo nen, iluk sugulhi logou fuk. At hineisena Tuhan Allah re hiren wene waresugun mene andi onggoragi'lek eberek mondok logogin. Nen hit higithogo hilingisugun lek andi nen weak hilingisugun andi.

1 SAMUEL 12:3

Yogondak he, hit hinelokhoma mendek welagi yi! Enggere an nen weak ekhe hilingiti halok he, nineisena Tuhan eilhanem inom, ap hinoe raja Aren wenagaisogo wokhisikhe mene inom ineilhanem, yi'nogo hilingite iluk wene noba feni o. An nen hit hinanggo sapi inom, keledai inom, nenggi abisak wanhi mene ekhe werek nogo? Neranen wene ekhe lalhinafik, mep lagik-lagokhogo ekhe hilinghinafik, wene pilingiti logolik, an it werekwe asuagaluk, uang onggo wo'netunem ekhe wanhik, igirek mene ekhe werek nogo? Ekhe a'nogo hilingitimo halok, ambotkwe wogisagen he, yagane'ni o,” iluk yagaisasikhe.