MAZMUR 15:3 - Allah Wene Fano Wene Hupla Inane

³ it inerugi inagaila'lak wene inoba le'maat, ineranen wene inoba fagarek lek mene inom, inerugwi inagaila'lak weagarinafarek lek mene inom, Afuni inom welagaikharek mene inenu weak hilingisogo fisagarek lek mene inom,

MAZMUR 15:3 ပူးပေါင်းရင်းမြစ်များ

AMSAL 22:10

Ap li'norinaferek mene andi mugusogo wulak fisogoin fano, wulak fisogoin halok aren li'norinaferek mene andi inom, minggil-manggalhogo hilingfisikherek mene andi inom, inenu wiik weakhogo fisikherek mene andi inom legasigin.

AMSAL 25:3

I laut elonggoma ma'lima mondok uan hilingik welagarek higit, nen pogot yatma po'lima hilingik werek higit, at raja nen wenggelherek mene andire, ti huli werek iluk ure mondok elo'lek.

YESAYA 56:2

Ap linggene Sabat sambul higithogo hilingitarek mene inom, linggene andi emetfili'lagwi lek mene inom he An nen fanot fisikhi logogin. Ap weak hilingiri'lagwi lek mene re An nen at oba fanorogo hilingfikhi logogin o,” iluk ikhe.

IMAMAT 19:16

Hineisena Tuhan he, Anat andi nen, hit hinobabut hilingisugun oba nen afuni hinom welagep mene ekhe wa'lasinogo iluk, afuni hit mene ineilhanem at ekhe abok weak ilik-ilik wialogo fogoin mondok lego.

MATIUS 7:12

Hit hinendawimo nen, it ekhe nen yi'nogo fano hilingninabilebe, iluk anggikhi lagep andi hagat, hiren it andi a'nogoat hilinginafi logoino o. Wene Allah nen Musa ayonggo fesikhesik komotninafikhe wene andi inom, it Allah nen inayonggo fugunem ane yagaisikhi lagaukwa wene andi inom, lambukhogo esin he, andi aro,” iluk yagaisasikhe.

ROMA 1:30

weinam igik, Allah ebe inabit welagik, inawulagam weak hilingitik, inonggwaregen fogerakhigik, sewirakhigik, weak hilingisuogeluk inambelal weak felalhik, ineisena inagaisa inane holhi'lek hilingitik, agarek andi.

ROMA 12:17

It afuni ekhe nen weak hilinghinafunem he, hiren onggo lagakhogo weak hilinginafi logogubo. Afuni mondogaren ineilenggen hisaluk he: ”It fano hilingiri'lagwi o,” iluk hinabok fano ikhi logouwageluk he, hinendawimo anggalugen fanorogo hilingiti logoino o.

ROMA 13:10

Afuni ekhe inebe inendawinggen hundik logolik he, inebe weagerinafarek lek. Wene Allah nen komotninafikhe wene a'nogo mondogat higithogo hilingisu hak he, afuni ekhe inom nendawi-hendawirogo inendawinggen hundik logogun andi aro.

TITUS 3:2

It Allah againafuri andi nen he, afuni ekhe inabok weak palhi'legat, inane puk weak wenagisigi'legat, it ekhe nen inobabut enegat futfisoageluk afuni mondogat faget inobabut enago liokhogoat hilingiti logouwageluk komorinafi logoinoaro.

YAKOBUS 4:11

Nerugwi nagaila'lak. Hit-hit hinabok pal-pal ikhi logogun fuk. Hinerugwi hinagaila'lak ekhe inabok palhik, wene inoba figik, egep halok he, wene Allah nen komotninafikhe wene a'nogoat weak iluk u hagat ikhi lagep andi. Nen, wene andi weak iluk ikhi lagep halok, wene andi hinesanggo hologo hilingiti lagep fuk. We, hiren he, ”Wene andi weak. Ebe fano re, yi'nogo u hak mene isikhemo,” iluk u hagat ikhi lagep andi.

3 YOHANES 1:11

Nagailage, hebe nendawi. Haren he, it afuni inobabut weak hilingitarek mene andi, inobabut wanhuno. We, it inobabut fano hilingitarek mene halok, inobabut wanhi logoino o. Sa nen obabut fano nek hilingiterek mene andi ebe Allah againafuri meneat he, sa nen obabut weak enek hilingiterek mene halok, aren Allah ebe eilenggen hikherek lek, onggoraro.

1 SAMUEL 24:11

Yogondak he oumo andi nen hat honggwaregen enegat hegen andi. Tuhan nen he noe hat hebe an hamingmingengge nenggiba arat wo'nete o. Nen an hamingmingengge nagoromi ekhe nen he, Wasin, iluk nendawimo kagalha mene re, Wasugun lego, iluk mel yagaisigi: An nen he noe raja Tuhan nenat wenagaisogo menfikhemo re, an nen at ebe wasigin mondok lego, iluk yagaisigi andi.