MAZMUR 15:2 - Allah Wene Fano Wene Hupla Inane

² It afuni andi inebe re, weak hilingiti'legengge fano nek hilingiti logolik, inendawinggenma higithogo wenggelharek meneba, inane eberogo mene nek agarek mene inom,

MAZMUR 15:2 ပူးပေါင်းရင်းမြစ်များ

MAZMUR 24:4

It inobabut hilingitarek oba inom, inendawinggen wenggelharek oba inom kwanirek mene hilingiti'legengge werek halok inom, it inaneba hesangge hombuk palogo agarek lek halok inom, it tugwi kembu fogeratarek lek mene halok inom enek he elok kugun.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

AMSAL 20:7

Yenggerugwi ineisugwi inobabut fano logolik higithogo hilingitu mene werek halok he inebe fano werek.

AMSAL 28:18

Ap weak ekhe hilingiti'lek logogun mene andi re hobuk inagap telek logogun. Ap ineluk logolik weak enek hilingirik nikharek mene andoma re hobuk pule pugun.

YESAYA 33:15

Hiren ambi hinane ugu mene inom, hilingitu mene inom, eberogo nek hilingitu halok he andiba nen hit hinebe elok hambuget hogoin o. Hiren nit hokhorogo helogoin iluk afuni inenggi lek mene inangge hinomameba telogo hela fuk, nen, uang inenggi a'makwe helugu mene wanhi logou fugat, nen ap inaniniba hilingisugun iluk wene palhu mene inom ap wasugun mene iluk weim abok ugu mene inom andoma hinom hilingisu fugaro.

YESAYA 63:8

A'nogo iginmo re, At nineisena Tuhan nen he mel ikhe: ”It andi eberogoat he An nagainafuri o. It andi re An nagainafuri nendawimo weagasuageluk hilingiri'agwi lek mene,” iluk ikhe. Andiba re At he it inagap telhu mene agaikhe andi,

MIKHA 2:7

Nit afuni Israel mene re Tuhan nen homan ninoba fikhemo welago nogo a? At Tuhan nen a'nogo hilingninabu hak nogo? Lego. At obabut he, afuni inobabut fanorogo hilingitarek mene inoba ane sakhorogo yagaisikherek lek iluk a? Yagaisikherek enego,” iluk yaganeri'lagwi.

LUKAS 1:6

At agwe emberek andi re, nineisena Tuhan nen he, ”Yi'nogo hilingi'no, ti'nogo hilingi'no,” iluk, yaganisigik, komotninafik, isikhe mene a'nogo, mondok higithogoat hilingiti lagaukwama re, at Allah nen he, ”It andi inobabut fano mondok,” iluk, enegat eilenggen isikhi lagaikhe.

KISAH PARA RASUL 10:35

Afuni inunggulenu yi awi ti awi mene at ebe inailo logolik inobabut higithogo hilingitarek mene halok woginaferek enek higi o.

GALATIA 2:14

A'nogo wulifukwama re, an nendawimo nen, ”Wene eberogoat, fano wene yi meneat he, it inobabut he, fano wene yagaisikhi logolik hilingisu mene hilingiri'lagwi lek higi,” iluk, afuni mondogat ineilhanem Petrus wene mel iluk yagatigi: ”Hat hebe Yahudi meneat he, afuni Yahudi mene hilingitarek hak hilingiti'lek, afuni endakwe mene nen hilingitarek hak hilingiti logoligat, it endakwe mene yagaisikhi logolik he, Hit hinobabut afuni Yahudi mene hilingitarek hak, inobabut waganogo hilingiti logoino, iluk ninghogo yagaisikhi lagen andi nenahalok,” iluk, fakhogo wenagetigi.

EFESUS 2:10

Arenat fano hilingisogo ninobagasikhemo welago. Andi re, nit Kristus ninom hundik logolik, yi mene ti mene fano men nek hilingiti logouwageluk, ninobabut ket hunogoat elalninafikhe andi re, ebe Kristus Yesus nenat elalninafikhemo welago.

EFESUS 4:25

Nit mondogat ninebe at Kristus enggi eisok hangge ninom hundik welago andi nen he, ineranen agarek mene andi herakfisaluk he, hinerugwi hinagaila'lak hinom hinane eberogoat mene nek ikhi logoino o.

KOLOSE 3:9

Su attak mene nonggologo lakfisaluk he, hobuk ket mene labetarek hak, hit hinobabut attak hilingiti lagagip mene herakfisaluk, hobuk hinobabut ket mene wanhigip andi nen, hineranhogo wene ikhi logogubo. Hinobabut ket mene andi, Allah nenat elalhinafikhemo andi nen he, at onggwarek obabut hangge hilingla'luk he, ebe mondok furogo hinelu asuageluk, hobugalebat hilinghinabi'logo andi.

IBRANI 11:33

It andi mondogat inendawinggen Allah oba himbirik welagaukwa andiba, it o ekhe inom weim yafi logolik, inogogwi kaindek inenupogot mene sebelfisaluk inawi sebelhi lagaukwa. Inobabut higithogo hilingiti lagaukwama, Allah nen he, ”Hit hobuk fano mene wokhisagain,” iluk abok yagaisasikhe mene andi, ebe wanhi lagaukwaat. Mene olomene hangge singa obabut weak mene andi ambe to'motik,

1 YOHANES 2:29

At Kristus Allah amlogo obabut fano higithogo nek hilingiterek a'nogo hinelu halok he, hit hinendawimo nen he, ”It afuni ekhe inobabut fano higithogo hilingitarek mene inebe lombok Allah againafuri hobuk taginafemo werek,” iluk hinelu asuguno.

1 YOHANES 2:6

Nen, ap sa nen, ”An Allah nemberek hundik welagi,” iluk ikherek halok he, obabut at Kristus hilingiti lagaikhe andi hagat hilingiti logouwago.

1 YOHANES 3:7

Nagainafuri e. It afuni ekhe nen lalhinabinogo iluk hinobabut hebelogo logoino o. Ap sa nen obabut higithogo hilingiterek halok he, at Kristus obabut higithogo hilingiterek andi hagat, hilingitu werego.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.