MAZMUR 149:4 - Allah Wene Fano Wene Hupla Inane

⁴ At Tuhan nen he againafuri faget endawimo agaiyek anggili'lago, Aren he afuni inendawinggen sebelfakhagarek mene inoba re inenu werek mene hilingfisikherek.

MAZMUR 149:4 ပူးပေါင်းရင်းမြစ်များ

MAZMUR 117:2

At Tuhan nen endawi hundik hilingninaferek mene andi re mondok hokho mene hilingik. Aren tiphogo nek hilingiterek mene andi re mondok-mondok logogin mene. Andi nen he Tuhan enek fogeratu mondok logouwak!

MAZMUR 132:16

Su fano labetfisugunem, enegat isagarek andi hak, An nen it ap imam An nobaget hilingitarek omanogo nomameba telinafunem, An nagainafuri nen he, ineilenggen isaluk inagaiyegen inane a'mit suphogo, wuni wati logogun.

MAZMUR 147:11

We At Tuhan he it afuni At oba inailorogo logolik hilingitarek mene andi inom, nen afuni Aren endawi hundik hilingninabuageluk oba eberek werek mene andi inom, inoba nek he agaiyek mondok werek.

MAZMUR 22:8

Inebe mondogen ineilenggen yetnealuk, endo ya'nafi logolik he, inambisang singgin wa'nafik, inunggul kwani igik, ugu mondok welagaikharego.

MAZMUR 35:27

Afuni nen an ap eberogo mene iluk yaganesigin sambul andi re, ineilenggen neambik inagaiyegen inanggiluk esuak. Iren hundik-hundik ikhi logolik he, ”Eberogo Tuhan andi re mondok andungdang werek mene! Aren he amingmingengge agap telek logouwageluk agaiyek mondok werek!” iluk ikhi logouwago.

MAZMUR 90:17

Tuhan Allah nit neisena. Nit nineabu hilingiti lago mene andoma ambisangma enggen fanorogo nek i'lagunem hikhi logogun nen he, Haren fanot ninobagakhi logoino o, neisena,” iluk Allah ayonggo fesikhe.

AMSAL 11:20

Tuhan nen afuni ina'mage weak mene andi abit inoba fikherek, oba nen afuni ineluk logolik weak hilingiti'lek welagaikharek mene andi re endawi hundik werek.

KIDUNG AGUNG 1:11

Niren hat halilingge emas mene inom, nen hasiong he perak meneba inom pugunhogo hobagakhi lago.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

YEREMIA 32:41

An nen it inoba fanorogo hilingfisugu mene faget nagaiyek welagi hilingi'mo re, it o kweang yiba mondok-mondok logouwageluk An nendawinggen eberogo meneba inom, Nobabut higit oba inom, Nagaiyek welagi meneba inom o yi fanorogo hilingisogo fisagain.

ZEFANYA 3:17

Hit he, hineisena Tuhan Allah Omame Mondok Hokho mene a'nogo nen awe a'ma hinobagaluk fethinarek werek. Hit he At omameba hinomame aga lagep. Hit hinobaget he Tuhan endawimo agaiyege'luk hai hili'lago, At endawi hundik oba re, hit hineluk ket mene logouwageluk hiling-hinobagali'logo.

IBRANI 12:10

Iren he, ”Fano hilingisugun mene yi higi,” iluk elama faget we endebat komorinafarek meneat he, nineisena Allah nek he, at weak hilingiti'lek tegelek welagarek andi hak, nit ninom a'nogoat tegelek logouwageluk komotninaferek.

1 PETRUS 3:4

Athe, hinoba fanorogo re, hinendawinggen faget hinago mene andi wanhi logoino. Andi re, hinobabut mondok logogin mene enago welagik, lioksek welagik, ikhi logoino o. Hinobabut Allah eilhanem a'nogo hilingitunem, at endawimo nen fano mondok anggikherek he andi aro.

1 PETRUS 5:5

Nen, andi hagat he, hit ap alage nagoromi. It ekhe nen Allah aneba mel isukwa: ”Afuni inonggwaregen fogerakhugunem, Allah nen inoasigeluk abit isikherego. Meneat he, inonggwarek inendawinggen sebelek logogun halok, endawirinaferego,” iluk lisu palogo fesukwama werek andi nen, hiren inaluendek inawe a'ma kuluk inane hologo hilingiti logoino o. A'nogo hilingiti logolik hit mondogat he, hinonggwaregen fogerakhigi'lek inawe a'ma logolik, hit ekhe nen it ekhe inamingmingengge welagik, iren hit hinamingmingengge welagik, ikhi logolik lebet-lebet ikhi logoino o.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.