MAZMUR 148:7 - Allah Wene Fano Wene Hupla Inane

⁷ Hit kweangma welagep mene nen inom, hit yi kisu ti kisu i laut yenggele'ma welagep mene enu Naga nen inom, i laut uan yenggelek mene nen inom, mondogaren he At Tuhan enek fogerati logoino.

MAZMUR 148:7 ပူးပေါင်းရင်းမြစ်များ

KEJADIAN 1:21

A'nogo isikhesik, i laut yenggelek a'ma ebe hokhondek mene ekhe hokhorogo elalinafik, yi mene ti mene i a'ma eluk logogin mene ekhe hokhorogo elalinafik, yirue-tirue tarogo nikhi logogin mene hokhorogo elalinafik, isikhe. A'nogo elalinafikhesik, eilenggen hasikhesik he, ”Mondok fano elalogo fisigi higi,” iluk isikhe.

1RAJA-RAJA 13:28

At ebe lagunem en he nabi Yahuda mene a'nogo warek he ebekhalem aremnogo warek were'ma keledai inom singa inom ogo era'lu aremnogo welagaukwaat. Singa andi nen he, keledai a'nogo ogo ap warek a'nogo ogo senggelinafikhesik nasikhe lek.

MAZMUR 104:24

Neisena Tuhan, Haren yi mene ti mene elalhigin mene andoma re Hat hendawinggen wenggelek oba nek elalhigin o, Haren yi mene ti mene elalhigin mene omanogo O kweangma mondogat peterek werek.

YESAYA 27:1

Andi sambul he Tuhan nen enggarok omame mene enggat mondok merengsek mene andi waganogo re no Lewiatan kisu ambolebene pololangerik nikherek mene, mase masengge liaferek mene andi inom, kisu menawe i laut oba werek mene andi inom unggum wogisagain.

YESAYA 43:20

An nen o leimo afuni le'ma andoma i hilingisogo figik, nagainafuri wenaginafigi mene inagai ninggi logouwagaluk elesi wulibisogo wulagisigik, igin andi nen he, wam maro mene nen inom mene olomene nen inom, sue hugubi nen inom, an nobaget fogetnabugun o.