MAZMUR 147:5 - Allah Wene Fano Wene Hupla Inane

⁵ Nit nineisena Tuhan andi re Mondok Hokho agun logolik elalin hilingiterek mene werek, At endawi wenggelek mene andi re huli warogo fou re elo'lek.

MAZMUR 147:5 ပူးပေါင်းရင်းမြစ်များ

1 TAWARIKH 16:25

At Tuhan andi ebe hokho agun hilingi'mo legeisogo fugu mondok welagaikharek. Afuni nen kembu dewa ba inailo anggagarek andi re maben hak oba nen he At oba re mondok alonghogo ninailo anggikhi logogun.

AYUB 36:5

Allah andi re anggiluk mondok were'ma re, yi wene ti wene mondogat fut fikherek enek, Aren he ap misik ekhe sebelek hak iluk anggikherek mene ekhe werek fuk.

MAZMUR 135:5

Eberogo nen At Tuhan andi re mondok hokho agun werek a'nogo an nelu o, At ebe lego agun were'ma dewa afuni nen fogeratarek mene andoma re sebelek hak werek.

MAZMUR 145:3

At Tuhan andi ebe re mondok lego mene were'ma enu mondok legeisogo fagarek andi nen he, At andungdang werek mene andi re it ekhe nen iliresumo re elo'lek.

MAZMUR 40:5

It afuni ekhe Tuhan hoba himbirik logolik, tugwi kembu fogeratarek lek mene inom, it ekhe leget fakhagarek mene nen inebe telinabuageluk inayonggo fagarek lek mene inom, andoma re, hobuk inendawimo inagaiyek asugun o.

MAZMUR 48:1

It inunggulenu Korah mene inawuni.

MAZMUR 96:4

At Tuhan ebe hokho agun werek andi nen he At enu legeisogo fagarek. Ma re dewa omanogo sebelek hak hilingik kwelek, At enek he hokhorogo inailoti logogun.

MAZMUR 99:2

At Tuhan ebere o Sion oba andoma andungdang hokho agun werek, nen yi afuni ti afuni inunggulenu lombok omanogo inoba nen Arenek he lego mondok werek.

YESAYA 40:28

Tuhan Allah etok mondok welagarek mene a'nogo nen kweang mondogat elalhikhe iluk ugunem, hat honggorengge hesanggo holhi'lek welagen a? At he afe sogou agik, oba lebelek agik ikherek mondok lek, Aren wenggelherek mene andoma re uanhogo wenggelhere'ma re, ap misigen iluk ogo fut foumo re elo'lego.

YEREMIA 10:6

Tuhan Hat he esin mondok welagen, Hat hinom higit mene ekhe werek lek, Hat henu re mondok lego were'ma homame hokho mene welagen.

YEREMIA 10:7

Hat hebe re yi afuni ti afuni inunggulenu hokhorogo inobaget Raja welagen. Ap sa hagen Hat hoba eberogo anggigi'legengge logou hak nogo? Yi afuni ti afuni inanggele'ma andoma inobabut hebelek mene werek oba nen ogo, athe inogogwi raja-raja inungguloak kagalek mene welagaikharek oba nen ogore, Tuhan nineisena Hat hinom he ap iliresu mene ekhe werek lek, we nineisena Hat enek he eberogo esinet hobagaluk legeisogo hobagakhi logou hago.

DANIEL 2:20

A'nogo fogerati logolik yi'nogo isikhe, ”Allah andi re inendawinggen kagalek welagaikharek andi inom, inomame hokho welagaikharek andi inom, ero re At werek, andi nen he Arenek fogeratu mondok logogun!

NAHUM 1:3

Eberogo nenat At Tuhan andi re a'mage weak-weak lagaikherek lek. A'nogo meneat he, o yi awi ti awi At enek sagarek werek andi nen he afuni ekhe nen weak hilingitu halok he Aren unggum inoba fisikherek mene a'nogoba nen ekhe longgo u lek hak. At Tuhan ebe koma kwe lagu halok he, andoma sogoi sielu wiliferek. Nen At eisok sebelhugukwe andoma re, wul age hena higit palogo lagaikherek.

ROMA 11:33

At Allah oba mene hokhorogo welagik, endawimo mondok kagalek welagik, wene mondok elu welagik, ikherek andi nailo e. Aren wene elugun waterek mene, nit afuni ninelu asugun nogo? Aren yi mene ti mene hilingiterek mene niren futfogoin nogo?

WAHYU 15:3

A'nogo logolik, at Musa Allah amingmingengge a'nogo awuni inom, Domba Eak a'nogo awuni inom, emberek inawuni wati logolik mel ikhi lagaikha: ”Allah nineisena, Hat homame hokhoma re, Yi mene ti mene hilingisu hagenek, Elalin mene hokhorogo inailo mene nek hilingitendek. Hat yi afuni ti afuni ineisena Henupogot logolik, Higithogo nek hilinginafendek, Fano nek hilinginafendek, Nineisena.