MAZMUR 147:2 - Allah Wene Fano Wene Hupla Inane

² At Tuhan nenat o Yerusalem andi ambotkwe wusigin, afuni hele warogo huginabi lagaikha mene omanogo Arenat woginarek inambotkwe fisa wesigin.

MAZMUR 147:2 ပူးပေါင်းရင်းမြစ်များ

NEHEMIA 6:15

Leget pak mene a'nogo wilik lagu kwelek enek he inenggi wenagaisogo 52 huli nen wanhugusik he tanggal 25 tugi niren wenati lago mene enu Elul andiba nek he mondok kobokhogo wanhugu.

NEHEMIA 6:16

A'nogo wanhugumo re it ap inunggulenu inap horok-horokwe andoma welagaukwa mene nen, a'nogo hilingito mene a'nogo faget holhukwasik he, ”Leget andi re Allah nen leberinafu kwelek wanha,” iluk, it mondogaren inelu agama re, it inenggali aga.

NEHEMIA 7:4

O Yerusalem andi re kota hokho meneba nen he afuni andoma werek mene re endebat welagaukwa, nen o wurik ogore endebenggeat wurik welagaikhe.

MAZMUR 51:18

Hat he, wam warogo wokhesu re habit andi nen he, an nen Hat faget wam warogo nolhesigin mene ogore, Haren habirat andi.

YESAYA 14:32

Ap Filistin inaben yonggongge lakfisa wesugun mene andoma inoba re niren onggo ninggi'nogo yagaisogoin nogo? Niren yagaisikhi logolik Tuhan en o Sion a'nogo re mondogat wute o, nen At againafuri enggin-fenggin hugu welagaikharek mene re o andi elonggoma inagap telek logogun o, iluk yagaisogoin o.

YESAYA 27:13

Inenggi andi sambul he afuni Israel mene re o Asyur inom Mesir inom huginabi lagaikha mene omanogo sugulogo inambotkwe wesuageluk trombet ane hokho meneba futhogoin. It wesimbik he o Yerusalem punu horek mene a'nogoba ineindep awi yagaisogo Tuhan fogerasi wesugun.

YESAYA 56:8

Tuhan Lego Mondok logolik, Israel mene huginabi lagaukwama nen sugulogo woginarek wagaikhe mene a'nogo nen ikhi logolik, ”An nen afuni amu mene woginarek wesimbik, it mondogat andogorek werek mene ninom seberogo kabogeti logogun nen fisa wesigin o,” iluk ikhe.

YESAYA 62:7

Aren o Yerusalem ambotkwe wuti'lek werek kwelek, nen o kweangma mondogat At enu saga igi'lek werek kwelek he, iren At yamukhogo logouwageluk herak fikhi logogun lek.

YEREMIA 31:10

Tuhan nen ikhi logolik, ”Yago, hit yi afuni ti afuni hinunggulenu lombok andoma nen holini o! I laut fena fikhit andoma An nane ikhi lagi mene andi yagaisa lani. An nagainafuri An nen telfol isasigi mene omanogo re, An nen andogorogo fisa wesimbik afuni nen domba halharek hak, An nen halinafi logogin.

YEREMIA 31:4

Hit hinunggulenu mene re attak hilingik welagagip hakhogo An nen enu lego logouwageluk hilingisogo fagain o. Hiren he nekhengge pinggong rebana waluk he hinagaiyek oba wuni wati logogun.

YEREMIA 32:37

It inunggulenu yi re An nen it inoba na'mage lagaluk nanini inoba fikhi lagi mene andi re, it inebe telfol isasigikwe andoma nen andogorogo inambotkwe fisa wesigin. An nen o kweang yiba woginarek wesimbik he it inendawinggen yamukhogo logouwageluk hilingisogo fisagain.

YEHEZKIEL 38:8

Tahun miren mene hakhogo An nen at oba melalfikhi logolik, o kweang ekhe yi afuni ti afuni inanggelekwe nen nekhengge kaboget fisambik o kweang andiba inabolok legengge were'ma nen pin talogo inoasi kwin iluk yagasigin. Gog he it Israel mene inandom o attak a'lima nenat ap mondogat inareng tereng isukwama o meisalek enek kabok lagali'lago menere yogondak he, afuni inailo legengge inendawinggen serogo were'ma andoma sebelimbik logogin.

DANIEL 9:25

Wene yagahesigin yi, helu asuageluk fanorogo futfeino o. O Yerusalem meisalek mene andi hobuk ambotkwe wusuageluk wene ero wulafikhe andi huli nen, ap enupogot misik ekhe Allah nen wenagaisogo menfagain mene andi wesigin huli, inenggi 7 kali 7 tahun logogun o. A'nogo logombik, hobuk inenggi 62 kali 7 tahun logolik, o kota andi hobuk ambotkwe wutik, o sili hilingitik, leget kat wanhik, ugun meneat he, andem oba re enggin-fenggin inoba hugu mondok logoligat wusugun.

MIKHA 4:6

Tuhan nen ikhi logolik, ”Afuni An nen wene inoba fisasigimo hele warinarek lagaukwama yi enggin ti enggin hugu welagaikharek mene andoma hobuk An nen andogorogo fisa wesigin sambul werego.

ZAKHARIA 8:7

An nen he, nagainafuri o ekhema-ekhema it felelenghogo woginarek lagaukwakwe omanogo nen inagap telinabimbik,

MATIUS 16:18

Nen, ekhe inom yagahesik. Hat henu helep u hak Petrus o. Nen, helep isa yiba himbirogo re, an nagoromi andogorogo fisaluk o hak wurogo inobagagi halok he, at kweang a'ma eisewerek a'nogo nen ninghogo ferinarek logogin lego.

ULANGAN 30:3

nineisena Tuhan Allah nen endawithinabigin o. A'nogo endawithinabimbik, o hinebe pugulogo afuni inunggulenu hunogoat mene inanggele'ma lakhinobagagin oba andoma nen hinambotkwe hinobagai wesimbik he, attagat fano logogun andi hak logouwagaluk hilinghinabigin o.