MAZMUR 146:7 - Allah Wene Fano Wene Hupla Inane

⁷ Afuni sebelogo fisagarek mene re At Tuhan nenat inebikhit a'luk inili woginaferek, afuni inamburu nele were'ma Aren nunggu mene wogisikherek. It afuni hele warek were'ma Aren lologo wulak fisikherek,

MAZMUR 146:7 ပူးပေါင်းရင်းမြစ်များ

MAZMUR 10:18

It yenggerugwi suarek mene inom, afuni sebelogo fisagarek mene inom inawene re, afuni nen it inoba inailo mene hilingfisanogoluk he Harenat inebikhit aga lagen.

MAZMUR 103:6

At Tuhan nen, afuni ekhe weak hilingfisagarek mene, inebe mondogat inawene pilingisogo wene higithogo inoba figik kotik ikherek.

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 136:25

Yi mene ti mene ineluk werek mene andoma mondogat he Arenat nunggu mene wogisikherek, Endawi hundik hilingninaferek mene andi re mondok-mondok logogin mene.

MAZMUR 142:7

An noba enggin-fenggin hikhi logolik henu hombuk palhu welagi mene andi futnobagain o. It naselei mene andoma re inomame mondok hokhore'ma re, it inoba nen telogo nobagakhi logoin o.

MAZMUR 35:10

An nendawinggen nebe mondok abirenggeba nen nane ikhi logolik he, ”Tuhan Hat hinom higirabesu mene re ekhe werek lek!” Harenat, it inomame lek mene re, it inomame werek mene inenggimo nen telogo fisikhi lagen, Nen it inangge lek mene inom, inelagaikhogo werek mene inom he, sebelinarek werek mene omanogo inenggimo nen fikhalogo fisikhi lagen.

MAZMUR 68:6

It yenggerugwi suarek mene inom, nen hemi sogwe mene inom, ferinarek mene re ineisena At Allah Awi mondok hore'ma welagarek mene andi aro.

MAZMUR 68:7

It afuni inafe wonghogo hombun a'luk werek mene inoba re At Allah nen he o inebe logogun oba wogisikherek, Arenat afuni hele warogo fisagarek mene omanogo lologo wulak fisugunem it inagaiyek hagarek. Oba nen he it afuni At Tuhan ane sagalfuluk hilingitarek mene re, kweang lei mondok pirimse'ma andoma logogun.

MAZMUR 72:4

At raja nen he afuni inenggi lek mene inangge faget ili wanhi logouwak, nen aren it afuni inelagaik mene inom athe afuni sebelogo fisagarek mene omanogo mondogat leget fisigik, ikhi logouwak.

MAZMUR 9:16

Yi afuni ti afuni inunggulenu lombok Hat hebe inonggot mene re, it inonggwaregen kweang habul fakhagarek oba andoma pilagik, nen hele webet fakhagarek oba omanogo ke'nok igik, agarek.

YESAYA 61:1

Tuhan Lego Mondok welagarek mene a'nogo omame re an noba werek. Aren an wenagaisogo nobagaikhesik la'nobagai waga andi re afuni inelagaik mene inoba wene fano wene yagaisigik, afuni inendawimo warugu welagaikharek mene andi fanorinafik, afuni hele warek welagaikharek mene inoba re weak-weagat hele fikhalogo telhinabigin o, iluk yagaisigik, nen afuni ekhe o hele warek fisagare'ma andoma welagaikharek mene inoba re, hobuk fikhalogo hinobagagin o, iluk yagaisigik, uagaluk laknobagai waga o.

YESAYA 9:4

Sepatu ap tentara nen igisogo lagunem abolok folongum-folongum ikherek andi inom, it inasu mep labulik mene inom he endou nen mondok alkan kurogo nagain.

YEREMIA 31:14

It imam he An nen sik-pikhogo hilingfisugu meneba inoba homot fisikhi logogin, nen it An nagainafuri re An nen fanorogo halinafuba inomamerogo logogun. Iluk An Tuhan nen igi o,” ikhe.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

LUKAS 1:53

afuni inendawimo nele welagaikharek mene fano mene oba loukhogo wogisikhi logolik he, it inenggi werek mene andi, ekhe wogisigi'lek weat lakfisigik isikhe.

LUKAS 4:18

”It afuni inagarek mondok lek inelagaik mene andi fano wene yi yagaisikhi logouwageluk mennobagaikhemo a'luk he, neisena Enupogot Areagun pelakfei wagama an noba louksek werego. Nen, nayonggo fikhi logolik mel yaganetikhe: It afuni inenggi hele homago mene hele fikhalinabigin wene inom, ineilenggen mum mene fano asuageluk hilinginabigin wene inom, yagaisigik, it afuni inawe a'ma hak sebelogo hebisili'lagwi mene telogo sele'ma fisigik,

LUKAS 9:17

Arat sumburisasukwama, inebe mondogat inalabut ninghogo nasukwama re, tindu isikhe mene mul ugu 12 nen kwalogo fesukwa.

KISAH PARA RASUL 16:26

A'nogo ugunem, misigamat lugul hokho mene langethugunem he, o hokho wuri'mo welagaukwaba andi o tik warek mene erak-kwerak hikhi logolik, kwe yagarek mene mondogat houwak lambuk igik, afuni mondogat inenggi hele warek welagaukwa mene omanogo fikhalagik, isikhe.

KISAH PARA RASUL 5:19

Kwelakfisasukwasik were'ma re, malaikat ninoe Tuhan yonggo pelakfisa wagarek mene omanogo ekhe hubanggo pi wagaikhesik he, o afuni inenggi hele warek fisagarek oba, kwe yagarek mene a'nogo meisak lambukhogo hilingitikhesik inebe woginarek wulibi wagaikhe.