MAZMUR 146:4 - Allah Wene Fano Wene Hupla Inane

⁴ It ariginik mene andoma inebe wa'lasugun halok he inambotkwe kweang asugun, Nen iren yi'nogo ti'nogo hilingisugun iluk wene ebetarek mene omanogo re a'nogo sambulat legasigin.

MAZMUR 146:4 ပူးပေါင်းရင်းမြစ်များ

KEJADIAN 2:7

Tuhan Allah nen kweang endebat mene ekhe enggim wanhikhesik, ap misigat ekhe pugunhogo hilingitikhesik he, set inebe inelugerinaferek mene eleage ambisang elekwe furogo kwelakfesikhe. A'nogo kwelakfesikhemo, ap a'nogo arat eluk agaikhe.

KEJADIAN 3:19

Nen, hat hebe kweang mene fanorogo hilingisogo elalhafi andi nen, kweangma yi mene ti mene awi fulelhi logouwageluk yabu likhak yugulogo, set kwil-kwalhogo hilingiti logombik, hebe wa'lasimbik hambotkwe kweang asigin o,” iluk yagatikhe.

KEJADIAN 6:17

A'nogo wutfugunem, afuni inom, yi mene ti mene kweangma welagarek mene mondogat inom, inoasuageluk, An nen i fu hokho mene ekhe lakfei wesigin o. A'nogo lakfei wesumo, yi mene ti mene kweangma eluk welagarek mene mondogat wa'lasigin o.

AYUB 14:10

A'nogo meneat he, afuni inebe wa'lagunem he, mondok-mondok lek agaikharesik he, koma lagaikha heat longgogarek andi.

AYUB 14:21

Lakfisugunem werek kwelek, it inagainafuri omanogo re wene ero mel inonggot kwelek, it inebe kaindek logouwagaluk menfisigik egendek, Nen it inoba inabok palogo weaget fisugunem he, it ekhe nen iluk ogo yagaisagarek mondok lek.

AYUB 17:1

Nebe legasigin oba mondogat horok agunem, set lebek u hak hilingnabi'lago, we an nobaget he afuni warek salinabuba omanogo nek werek.

AYUB 17:11

Linggene an welagi mene aremnogo re mondogat legasi lagama re, an nen hilingisigin iluk mene aremnogo legat agik, wene abok werek mene omanogo re mondogat sugi agik ikhe andi.

AYUB 27:3

an nen hombuk palhi lagi andi: At Allah nen set wo'netu were'ma inom, nen an nebe neluk logolik oba andem inom he,

MAZMUR 104:29

It Haren elalinafigin mene andi, Hat helokhe kwani ugunem he, inailo mondok agarek. Nen Haren set it mene andi wanhunem he, inebe mondok wa'lagaikharek. Inebe kweang aling mene nogo nen he, inambotkwe kweang alingat agaikharek.

MAZMUR 33:10

Afuni inunggulenu lombogen, ”Yi'nogo hilingisugun,” iluk ayo palogo fagarek mene omanogo re, Tuhan nen legetfisaluk sebelogo fikherek.

MAZMUR 90:3

Haren he, afuni attak mene a'nogo ebe kweang abu'nengge mene elalhiginmo re, afuni inambotkwe kweang abu'nengge asuageluk hilingfisikhi lagen.

PENGKHOTBAH 12:7

Nen ninagap he ambotkwe kweang al agik. Nen set ninelugeraterek mene a'nogo re sugulogo Allah were'ma lagik, igin. Andi re we At endawi fano nen weat wo'nisikhe mene hilingi'mo re a'nogo hilinglasigin.

PENGKHOTBAH 9:6

Endawi hundik mene inom, a'mage lagaikherek mene inom, endawinggen ninggerek mene inom, andoma mondogat he at ebe inom mondok-mondok wa'lasigin. O kweangma yoma hilinglari'lago mene oma aren hilingisu mene ekhe logogin lek.

YESAYA 2:22

Enggere, afuni inebe lek asugun mene andoma re iren yi'nogo ti'nogo ekhe hilingisu elo'lek hilingi'mo re it inoba hinendawinggen tibetfuluk logou fuk.

RATAPAN 4:20

Iren ap raja Tuhan nen wenago mene a'nogo seneta, ap iren anggikhi logolik nineluk wo'nisa mene, nen nit ninaselei mene inoba nen aren telninabu mene. iluk anggikhi lago mene a'nogo re iren seneta.

DANIEL 5:23

Haren he, At Tuhan pogoroba mene eilhanem he, leget fakhikhi lagen andi. A'nogo leget fakhikhi logolik, hailo legengge iwak o Tuhan Awi wuri'mo inenggi abisak wanhukwa mene omanogo wani loagaluk yagaisegenma waluk wagaikhama re, hat hebe inom, hagoromi kaindek inom, hagagwi ebe mene inom, hagagwi hamingmingengge mene woginafigin mene inom, hinom iwak andomaba i keralhigik nenggep andi. A'nogo ninggi logolik, hat hebe heluk inom, yi mene ti mene mondogat inom at Allah enggiba werek kwelegat he, At agaukhogo fogerati'lek, tugwi kembu perak mene inom, emas mene inom, tembaga mene inom, posiemanggen mene inom, e mene inom, helep mene inom, agauwak hilingisogo pugunetarek mene ineilenggen isa re elo'lek meneat, inesanggo holu elo'lek meneat, wene futfou elo'legat mene andoma oba fogerati lagen andi o, noe.

1 KORINTUS 2:6

It afuni inendawinggen wurik mene halogat, wene wurik mene andi inendawimo kagalogo yagaisogorego. A'nogo yagaisogorek andi re, it afuni kweangma mene yoma, inawene mene lek. Inogogwi kaindek inebe hobuk legasugun mene o yogondak werek yoma, inawene kagalek wene legaro.