MAZMUR 145:9 - Allah Wene Fano Wene Hupla Inane

⁹ Hat he, afuni inebe lombok endawi hundik logolik, yi mene ti mene elalogo fesikhe mene mondogat endawinggen hundik welagaregat.

MAZMUR 145:9 ပူးပေါင်းရင်းမြစ်များ

MAZMUR 100:5

Tuhan andi re mondok fano, nen Aren endawi hundik hilinginaferek mene andi re mondok-mondok logogin mene. Nen ninebe ta'larik lagu kwelek, At he ninoba lombokhogo logolik higithogo mondok hilingiterek, iluk wuni watukwa.

MAZMUR 104:27

It andoma mondogat he, mo inamburu nogoin oba higit asi agunem, ”Haren wo'nisagain,” iluk, hoba eberek welagaikharek.

MAZMUR 25:8

At Tuhan andi obabut he fano logolik higithogo nek hilingiterek mene hilingi'mo re, afuni inendawinggen nonghong ugunem, kwe logoinkwe yagaisikherek.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

YUNUS 4:11

Haren hele ari faget mene ogore, hendawimo mondok weak aga andi. Nen, An nen he, afuni o Niniwe kota hokho mene yiba inagainafuri weak hilingitu mene inom fano hilingitu mene inom penhaluk furogo hilingisu lek hak inonggot mene inebe 120.000 nen inom, inanggo hokhorogo inom, andoma nendawirinabigin lek anggegen a? Nendawirinabigin aro,” iluk yagatikhe.

NAHUM 1:7

Tuhan andi re mondok fano, At againafuri enggin inoba were'ma awe a'ma ferinarek welagarek. Afuni At oba lombokhogo werek mene re Aren halinafu mondok werek.

KISAH PARA RASUL 14:17

A'nogo meneat he, it afuni nen at ebe futfouwageluk, yi mene ti mene ekhe elalhi'lek onggot agaikhemo welagarek fuk. We, at fano nek hilingiti logolik, ninamburu ninalabut ninghogo ninggik, ninendawimo agaiyek agik, ikhi logouwageluk, aren meiso pogoroba nen pelakfei wagik, nonggorek mene andi nogoin higit asi wagunem hokhorogoat wo'nisigik, ikherek andi,” iluk komorinafikhe.

KISAH PARA RASUL 17:25

Nit afuni mondogat he, arenat ninebe nineluget ninafik, nineleage wo'nisigik, yi mene ti mene wo'nisigik, ikherek andi nen, yi mene ti mene at elagaik iluk nit afuni nen wogosugun elo'lego.