MAZMUR 145:1 - Allah Wene Fano Wene Hupla Inane

¹ Daud en wuniba Allah fogeratikhe mene. Allah neisena, Hat he Raja an neisena welagenma re an nen legeisogo hobagakhi logogin, Nen Hat hobaget mondok-mondok andoma fogethafu logogin.

MAZMUR 145:1 ပူးပေါင်းရင်းမြစ်များ

1 TAWARIKH 29:13

Yogondak he, Nineisena Allah, niren Hat hai wathafik, Hat henu mondok lego mene andi fogethafik, ikhi lago, neisena.

MAZMUR 100:1

Yi mene ti mene Allah wogosuogeluk hai warogo apne wanhi logolik wuni watukwa wene. Hit afuni o kweangma yi awi ti awi welagep mene hineisena Tuhan hinane a'mit suphogo, hai watik, fogeratik, ikhi logoni o.

MAZMUR 118:28

Hat he an neisena Allah welagen, andi nen he, an nen hai wathafi lagi. Neisena Allah legeisogo hobagakhi lagi.

MAZMUR 145:21

An he neisena Tuhan fogeratu mondok logogin. Yi mene ti mene eluk werek mene andoma mondogaren he Tuhan enu horek mene andi nek fogeratu mondok logouwak, iluk wuni watikhe.

MAZMUR 146:2

An nebe neluk logolik oba re Tuhan enek fogerati logogin, nen an nebe logolik oba re neisena Allah faget wuni wati logogin.

MAZMUR 149:2

Yago, hit Israel mene yi, hinebe elalhinafikhe mene andi faget hinagaiyege'ni, Nen hit afuni o Sion welagep mene yi re, hit hinoe raja andi faget hinanggilukhogo fogera'ni o!

MAZMUR 30:1

Allah Awi wurik horogo kwe huti logolik wuni watu mene.

MAZMUR 30:12

An fong wati lagi mene a'nogo Haren agamhogo re nagaiyegen hunikhe wanuageluk hilingnobagain, nen Haren he an nelokhe heiselogo welagi mene a'nogo hebekhogo wanhendik he, an noba nagaiyek hokho mene kwelaknobagegen.

MAZMUR 30:2

Tuhan neisena, it afuni an naselei mene nen puliarogo pelaknabuageluk heraknobagagi'lek, Haren an nagap telogo nobagegenma re, an nen Hat fogethafi lagi o, neisena.

MAZMUR 34:1

At Daud eranen ap Abimelekh eilhanem ebe kembu mene hangge hilingiti lagaikhemo, mugusogo ale'ma laga logolik wuni watikhe mene.

MAZMUR 44:4

It hagainafuri o Haren wogisasigin oba andi sebeli kuageluk he it inonggwarek inomameba sebeli kwisukwa lek, posie karok ambisangma legat, oba nen he, Hat homame hokho welagen a'nogoba inom, Hat hebe haselek oba waga lagen a'nogoba inom, it Hat hagainafuri faget hendawirinapluk leberisikhi lagagin.

MAZMUR 45:1

Wuni it inunggulenu Korah mene nen inendawi hundik hilingiti logolik watu mene faget felalhukwa mene. Afuni nen wuni wulak fuluk inane seberogo ugunem yanggulinafu mene faget, unggut seberogo agarek wuni enu Bunga Bakung iluk ikhi lagaukwa.

MAZMUR 45:6

Hat handok enggat werelek kabuk mene andi nen he, it haselei mene omanogo inendawinggen kagaukhogo inoati lagen, nen inunggulenu lombok omanogo re hat heisok eroma nek warogo taik ili'lagwi.

MAZMUR 5:2

Tuhan neisena, an nen nane ikhi lagi mene yi holnafik, nendawi ouen ugu mondok welagi mene yi futnobagagik in o, neisena.

MAZMUR 5:3

Hat he, an noe Raja logolik neisena Allah re Hat welagenma re, an nen nane hoba ikhi lagi mene ari fano anggambik lebetnabin o.

MAZMUR 52:9

”Afuni At Allah awea'ma ferinarek logouwageluk hilingiti'legengge welagik, inenggi werek logolik oba heilarogo welagaikharek mene a'nogoba nek tibet fuluk welagik, afuni inangge hinenggi abisak telugu mene omanogo faget enek inailo'lekhogo logouwageluk hilingitik, agarek mene re a'nogo hilingitarek andi o,” iluk ikhi logogun.

MAZMUR 68:4

Oba nen he afuni wene melalek fanorogo futfuluk hilingitarek mene re inagaiyegen inanggiluk kwelafi logogun, iren At Allah eilhanem andoma nen he inagaiyegetik, inabunuk oba fogerakhigik ikhi logogun.

MAZMUR 75:9

Tuhan anini re piala hangge At enggimo werek, nen piala andiba re anggur amusu arik weak mene hinago werek. At Allah nen he amusu a'nogo kweisal hugunem he, afuni inobaharo weak mene o kweangma yoma werek mene omanogo mondogaren ekhe herak figi'lek i a'nogo mondogat nogoin.

MAZMUR 95:3

At Tuhan andi re, Allah mondok andungdang werek mene hilingi'mo re, At ebere it dewa omanogo sebelek werek kwelek, At he Raja mondok lego mene werek.

MAZMUR 96:2

At Tuhan obaget wuni wulagaisogo wati logolik he At enek fogerati logoni. Aren nit ninagap telninafe iluk linggene hundik-hundik wene inagaiyek mene andi wialhi logoni.

YESAYA 33:22

It inangge kapal andi elonggolokwe werek mene andoma mondogat he hilingisu elo' lek enek asigin, su kapal oba sogoi faget wurilogo kwe palfikhi logogun lek! Nit ninaselei mene inangge andoma re niren telamo re mondok hokho pokhorogo hilingik logogin, andiba re, ap ineisok holurek mene ogore it mene elok helikhi logogunat. Tuhan ebeat nit ninobaget Raja logogin. Aren he melalninafik, wene melalek werek mene omamet figik, nit ninebe selei meneba nen telninafik, hilingisigin.

YESAYA 38:20

Tuhan neisena, Harenat an fano hilingisogo nobagegen andiba re, niren nineluk logogun huli andomaba pinggong kecapi kong eti logolik, Hat Hawi wuri'mo andoma nen fogethafarek awuniba Harenek fogethafi logogin o,” iluk wuni felalogo watikhe.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

MALEAKHI 1:14

An Hineisena re, Raja Lego Mondok welagimo re, yi afuni ti afuni inunggulenu lombok o kweangma welagaikharek mene An nenu agaukhogo fogetnafarek andi nen he, ap sa nen anggo ai mene agambut palek lek mene An nobagaikhe mene werek kwelek meneat he, munenogo herakfikhi logolik weak mene nobagaikhe halok, eranenat lalnafe andi nen he, homan ugu logouwago,” iluk ikhe.

MATIUS 25:34

A'nogo tegelogo fisambik he, an nebe kain nenupogorat andi nen he, it nenggi ebekwe fisagain mene andi, wene mel yagaisagain: An neisena nen fanothinafemo welagep mene andi we'ni o. An sumburu nele were'ma hiren mela'netik, i nele were'ma hiren wo'netik, an ap pogat were'ma hiren wo'nafik, nasu laberek lek were'ma hiren labetnobagagik, ou warek were'ma hiren nea wagik, nenggi hele warek were'ma nea wagik, isigip andi nen he, an neisena nen pogot kweang oan elalhi'lek logolik, hit kain hinenu werek logobagaigeluk wenagaisogo hinobagasikhe mene yi hela we'ni o, iluk yagaisugunem,

WAHYU 19:16

Nen, at enu salek ekhe yi'nogo: ”Ap kaindek inenupogot mondogat inom, inogogwi kaindek mondogat inom, inoe kain Nenupogot he, an aro,” iluk asu uan mene a'nogoba inom, agoba inom, lisu palek were'ma higi o.