MAZMUR 144:2 - Allah Wene Fano Wene Hupla Inane

² At andi re an lebetniigik, nebikhit agik ikherek mene, an nagap telogore At awe a'ma kuluk welagirek, At andi re an nebe telnabuageluk he an nen At were'ma laluk welagirek. Aren he afuni inunggulenu ekhe mene-ekhe mene omanogo an na'ma sebelogo fisikherek.

MAZMUR 144:2 ပူးပေါင်းရင်းမြစ်များ

MAZMUR 110:3

Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 18:47

At Tuhan he eluk mondok welagarek mene o! An nili wo'naferek mene o, At enek fogerati logouwok! An neisena nagap telnaferek mene, Allah andi nek fogerati logouwok!

MAZMUR 59:9

Andiba re Tuhan neisena, Haren he it faget endo yaginafi lagen, it inunggulenu lombok andoma re Haren puliat fisikhi lagen.

MAZMUR 84:9

Neisena Tuhan, Allah Homame Hokho mene, Allah Yakub eisena a'nogo hayonggo fikhi lagi andi, an nane hesanggo holin o.

MAZMUR 91:2

Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.