MAZMUR 144:1 - Allah Wene Fano Wene Hupla Inane

¹ Daud en isikhe mene. At Tuhan andi re an nebe awea'ma nobagaluk fetnarek werek mene hilingi'mo re Arenek fogerati logouwok! Aren he weim yafarek mene andoma an yanggulnafik, o pin talogo inoatarek mene andoma an yaganetik, ikherek,

MAZMUR 144:1 ပူးပေါင်းရင်းမြစ်များ

2 SAMUEL 22:35

An nen weim yafu aple faget he Arenat yanggulnaferek hilingi'mo re, an nen sikhe oak omame meneba nen ogore elok lithaluk pisinget higi aplerek.

2 RAJA-RAJA 13:16

A'nogo wanhikhemo, mel yagatikhe, ”Pisinget hageluk enggaba kologo fein o,” iluk yagatikhemo, tok sikhe enggaba kologo fesikhemo, at Elisa enggi Yoas enggiba loukhogo fesikhe.

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 18:3

At Tuhan andi re, leget pa'leget omamerogo waganek andi hak an nebe awea'ma fetnarek mondok werek. An neisena Allah andi re helep oumo an nebe hinaklaguba higit werek, afuni nen tok peiyengge ma'mut fagarek hak Aren an ma'mut narek werek, nen an nebe nailo lekhogo logouwageluk he Arenat kagalnarek werek.

MAZMUR 18:31

At Allah nen hilingiterek mene andoma re mondok fano mene nek hilingiterek, nen Aren wene watnisikherek mene andi re munenherek le'ma re eberogo nek anggikhi l ogogun. At ebe inalong palengge were'ma re it afuni mondogaren At a'ma kuluk logogun. Nen At ebe tok kwe palengge hak a'luk logogin.

MAZMUR 18:34

No rusa oak wuriksek welagarek hak Aren an neisok nomamet figik, Nen an nebe o tomkwe lagunem nagap telek loageluk Arenat wo'narek lagik, ikherek.

MAZMUR 18:35

An weim yabuageluk Arenat yanggulnaferek. Andiba re, an nasikhe tembaga mene wurik a'nogoba ninghogo lisuageluk aren nenggi nomamet fili'lago.

MAZMUR 60:12

Neisena Allah, Hat he nit ninom lagu aple re habit a? Hat he nit ninagoromi tentara inom seberogo lagu aple re habit ara?

MAZMUR 71:3

Nen an nebe werek oba re, Hat hebe tom eil silipnorek mene hak hilingik welagen o, an nebe telnabigiluk kagalnarek welagen menere Hat hebeat welagen o. Hat hebe andi re, tom helep mene andi higit ha'ma sebelogo fetnarek logolik kagalnarek welagen mene o.

MAZMUR 95:1

Yago, niren Tuhan obaget wuni wasuogen we'ni o, nit ninagap telninaferek mene a'nogo obaget ninagaiyek esuok!

YESAYA 26:4

Hineisena Tuhan Allah andi re At awea'ma ninobagaluk fetninarek mondok werek enggere, At oba nek hinendawinggen eberogo anggikhi logoni.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

2 KORINTUS 10:4

Nit weim yafi lago andi ebe re, afuni inasikhe inarigeba yafi lago fuk. We, Allah omame hokho welagarek mene a'nogo asikhe arigeba, o weim kat oba ninghogo wurik mene andi, elok meisalugun andiba yafi lago. It afuni ekhe inendawimo nen he, ”Allah andi ebe ninabit. It afuni ekhe at ebe inelu asugun legaro,” iluk inonggwaregen fogerakhagarek mene andi, niren sikhe sige andiba re, elok mabenetfisogoin aro. Nen, afuni inendawinggen we mene oba eberi'lagwi mene andi, niren sikhe sige andiba Kristus ane hologo hilingisuageluk awe a'ma elok fisa wesugun aro.