MAZMUR 143:8 - Allah Wene Fano Wene Hupla Inane

⁸ An he Hat hoba nek nendawi eberek welagimo re, o hubet ekhe sambul-ekhe sambul andoma Haren hendawi hundik hilingnafi logolik welagen mene andi faget ebetniikhi logoino. An nen samban Hat hoba yagaheti lagi andi nen he, an kwe loageluk Haren yaganeti logoino.

MAZMUR 143:8 ပူးပေါင်းရင်းမြစ်များ

MAZMUR 119:34

Hat hawene melalek andi an nen hologo hilingiti logolik, nendawimo amu mene ekhe eberek legengge hilingiti logoigen he, Haren nendawinggen wenggelek mene hilingnobagain o.

MAZMUR 119:73

We Haren enek an nebe pugunhogo elalnafigin, Haren wene yi'nogo hilingiti logoino ti'nogo hilingiti logoino iluk werek mene andi yanggulikhi logoiyogen he, an wenggelhu mene wo'nom o.

MAZMUR 143:10

Hat hebe re an neisena Allah hilingik welagenma re, Hat hendawimo hagaiyek anggikhi lagen mene andoma nek hilingiti logouwageluk yanggulnafi logoin. Hat Hareagun fano mene andi nen an kwe lioksekwe loageluk wo'narek laga logoin.

MAZMUR 25:20

An he Hat hawea'ma fetnarek welagenma re, an nenggali asinogoluk kagalnarek logolik nagap telogo nobagakhi logoin o.

MAZMUR 27:11

Tuhan neisena, an naselei mene re inebe hokho pokhorogo werek andi nen he, Hat hendawimo nen an nen hilingi'lep anggikhi lagen mene andi re an inukniigik, kwe higithogo lagaikharek meneba halogo nobagai lagik, in o,

MAZMUR 30:5

Yago, hit At againafuri mene At oba tiphogo nek hilingiti lagep mene re, Tuhan obaget wuni fogeratu awuni nek wulak fuluk fogerati logoni, nen At Mondok Horek mene andi nek hai wati logoni.

MAZMUR 32:8

At Tuhan nen yaganeti logolik he, ”Kwe fanokwe lagaikharekwe andi re, An nenat yagahesigin o, hat hebe fetharek logolik, yi'nogo hilingiti logoino iluk, yagahetik, komothafik, ikhi logogin o.

MAZMUR 46:5

At Allah ebe awi kota esin legoma welagarek oba i ekhe elesi wulibisogo o kota Tuhan Awi mondok horek mene a'nogoba kwelabi lagunem he, o a'nogo oba fanot fikherek.

MAZMUR 5:8

Oba nen he Hat hendawi hundik mondok hokho mene hilingnafi lagen andiba re an Hat hawi wuri'mo elok kwi waga lagi. Hat Hawi Mondok Horek mene a'nogo fikhit neilenggen lourek logolik he neindep awi yagaisogo fogethafi lagi. Nen an nen nendawinggen mondok sebe uluk hapne wanhi lagi.

MAZMUR 59:16

It inebe re nunggungge herarik yi kwe ti kwe omanogo leil warik nikhi la'luk he, inoba homot lagu legen he inane kouwati logolik werek.

MAZMUR 86:4

Tuhan, an nendawinggen Hat oba lakfei wagarik welagimo re, an hamingmingengge nendawimo nagaiyek mene hilingnobagain o.

MAZMUR 90:14

Nit ninebe nineluk logolik, ninendawimo ninagayetik, wuni watik, ugu mondok logouwageluk, sumburu inalabut ninghogo nenggarek andi hak, o hundik-handik andoma ohealek hup siakhogo hokho-pokhorogo hendawit ninafi logoino o, neisena.

YESAYA 30:21

Hiren ebekwe herak fisaluk taganhogo wulibi logoin oba nen, hinambotkwe nen yagahisikhi logolik, ”Ebekwe re yi o, yiba lani,” iluk yagahisikhi logogin.

YESAYA 48:17

Allah Israel mene Horek Mondok logolik hinagap telhinaferek mene a'nogo nen yi'nogo ili'logo, ”An he hit hineisena Tuhan Allah welagi o, hit hinoba fano asigin mene faget yagahisigik, kwe lagukwe wokhinarek lagik, igirek mene welagi.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

HAKIM–HAKIM 13:12

A'nogo yagatikhemo, at Manoah nen he mel yagatikhe: ”Hobuk haren wene egen andi hagat eberogoat hilinglagu halok, yenggerek andi nen ninggi'nogo hilingiti logogin nogo? Hobuk at ebe ninggi'nogo logogin nogo?” iluk heinok wokhasikhe.