MAZMUR 143:7 - Allah Wene Fano Wene Hupla Inane

⁷ Tuhan neisena, an noba mondogat song ikhemo re, Haren onggo weak-weak yaganomo. An nebe ap wa'la'luk lagaikharek oba omanogo pi lagi hanogoluk, Hat hebe an noba nen hina'lasu fugo.

MAZMUR 143:7 ပူးပေါင်းရင်းမြစ်များ

MAZMUR 102:2

Tuhan neisena, an nen samban ikhi lagi mene andi hesanggo holnabin o, nane hoba ikhi lagi mene andi Hat hesanggoma asi waga logouwak.

MAZMUR 22:24

Hit afuni At oba tipsek logolik hilingiti lagep mene yi sani, At enek fogerati logoni o! Hit afuni Yakub en tagongge mene mondogaren he Arenek esinet fikhi logoni o! Hit afuni Israel en tagongge mene hinebe mondogaren he ineindep awi yagaisogo At apne wanhi logoni o!

MAZMUR 27:9

enggere, an nagaiserogo hi na'lasu fuk,” iluk ikhi lagi. An weak were'ma Harenat lebetniikhi lagagindi'mo re, yogondak an hamingmingengge yi noba ha'mage figik, habiret nobagagik ugun o. Hat neisena Allah re an nagap telnafi lagen mene welagenma re, Haren an ekhema hukniigik, hesanggema nobagagik u fugo, neisena.

MAZMUR 28:1

Tuhan neisena, we Hat hoba nek an nen nane humeti lagi o, Hat he an nebekhit agu mene welagenma re, an nane ikhi lagi mene andi hesanggo holnabin. Nen, Hat hane igi'lek hafe morogo logogin halok he, an he afuni wa'lagunem salinafarek oba omanogo higit logou hago.

MAZMUR 40:17

It hat fogethafarek mene andoma mondogaren he inendawimo hai higik, inagaiyegetik ugu mondok logouwago. Nen it telninafendek mene andi inagaiyek mene nen he, nineisena Tuhan andi re esin mondok werego iluk ugu mondok logouwago.

MAZMUR 69:17

Neisena Tuhan hobabut fano logolik, hendawit nafu welagen andi nen he, nane holimbik onggo yaganom o. An noba hendawinggen hundik mondok welagen andi nen he, helokhe hebelhogo an wo'nesime o,

MAZMUR 69:18

An noba yi mene ti mene nelagaik ikhi lagi andi nen he weak weakhogo an lebetnabime o. An hamingmingengge yi noba nen hina'lagun o

MAZMUR 69:3

An neisok peikhogo re tonggo fesi mondok lou lakse'ma ma'lima pigiri'mo re, neisok ninghogo fou oba ekhe werek lego. An i mogo mondok agum uan meneba ma'lima pigirik were'ma, i ha'labu waga logolik nebe sebelnafemo welagi o,

MAZMUR 70:5

It afuni Hat foget hafarek mene andoma re, inagaiyegen wonoget fakhikhi logouwak. Nen, it afuni inebe mondogat Haren telninabilebe, iluk inendawimo inamolo werek mene andoma nen hundik-handik ikhi logolik he, ”Ibi eberogo nen At Tuhan andi re lego mondok logouwak!” ikhi logogun.

MAZMUR 71:12

Neisena Allah, Hat hebere an welagiba nen yatma lagun o, Allah Haren weak-weak telnabime o.

MAZMUR 84:2

Neisena Allah, Homame Mondok Hokho mene! Hat hebe welagen oba andoma re nendawinggen yamukhogo werek oba welagen o.

AMSAL 13:12

Eberek welagaikharek mene a'nogo tip ugu lek halok he, inendawimo weak agaikharek. Nen inamolo anggagarek mene andi tip ugu halok he inendawimo inagaiyek agarek.

YESAYA 38:18

Ap wa'la'luk lagaikharek oba andoma nen Hat hobaget ekhe fogethafarek lek, ap warek mene nen he Haren tiphogo hilinginafi lagen mene a'nogo hilingninobagauwageluk ekhe eberek welagaikharek lek.

YESAYA 57:16

An he nagainafuri inoba mondok- mondok faget weagerinafirek mondok lego, hobuk faget inom An nen na'mage inoba fikhi lagi legaro, An nenat it ineluk logouwageluk hilingfisikhi lagimo re, iren inoba lebelek a'luk hilingiti logoinogo.

YESAYA 8:17

Tuhan ebe At againafuri Yakub en tagomangge mene inoba nen hina'lagaba nen he an nen hobuk fano asigin iluk At oba nendawinggen himbirik logolik mondok welagi o.

LUKAS 21:26

Nen, pogoroba inomame hokho mene inabologet hikhi logoumo, afuni o yi awi ti awi welagaikharek mene nen he: Yi'nogo hilinglagik, ti'nogo hilinglagik, igin a'nogo arat hilinglasigin higi, iluk inailo nen inendawinggen mondok legasigin o.