MAZMUR 143:12 - Allah Wene Fano Wene Hupla Inane

¹² Hat hendawi hundigen hilingnafi lagen mene andiba it naselei mene andoma mondok warogo lakfisan o, an he Hat hamingmingengge hilingik welagimo re it an sebelogo nobagali'lagwi mene andoma mondok legetfisano.

MAZMUR 143:12 ပူးပေါင်းရင်းမြစ်များ

MAZMUR 116:16

An yi neisena Tuhan hamingmingengge mene o. Nagaisa nen Hat faget hilingiti lagaikhe hak, an ogo Hat fagerat hilingitirego. Nebe hele warek were'ma, Haren hele fikhalnafigin.

MAZMUR 119:94

An nebe re Hat honggwarek hangge mene logolik, an nen Hat hawene tekhogo menfegen mene a'nogo mondogat hologo nek hilingiti'mo re, an nagap telnabin o.

MAZMUR 52:5

Hiren fano hilingitarek mene omanogo herakfuluk he weak hilingitarek mene omanogo nek hinendawi hundik hilingitu welagep. Eberogo wene ugu mene omanogo faget he seramet fisaluk hineranhogo wene agarek mene omanogo faget enek he esinet fuluk hinamurururogo hilingitu welagep.

MAZMUR 54:5

It ap pok mene andoma nen an noasuogeluk hilingiri'lagwi, nen afuni foget fakhagarek mene andoma nen an neiloak leget nobagauwogeluk hilingiri'lagwiat, nen iren he Allah hoba ebetarek werek mondok lek,

MAZMUR 54:7

At he an noba tiphogo nek hilingnaferek andi nen he, Arenat it an naselei mene andoma inonggwarek inaweak oba wene inoba fuluk inebe mondok leget fisagain o.

MAZMUR 55:23

Afuni higithogo hilingitarek mene re mondok-mondok faget mabenet fisoageluk herak fisikherek lek andi nen he, hiren yi mene ti mene faget menenei uan horok ebeti lagep mene andi re hineisena Tuhan oba nek wogeti logogun halok he, Aren enggiba agorogo fethinarek logogin o.

1 SAMUEL 25:29

Nen, ap ekhe nen neisena hebe hoasugun iluk mukhiugu halok he, neisena hat hebe At Tuhan Allah nen afuni nen inangge onggo hokho mene foukhogo fetaluk welagaikharek a'nogo hak hili waganogo fetharek logogin o. Oba nen he neisena haselei mene re At Tuhan nen yatma huk-hak isigik, it yei epayuk oba inoatarek mene nen yatma hugisigik ikhi logouwago.

1 SAMUEL 26:10

Neisena Tuhan eluk werek mene enuba hilingi'mo re at ebe wa'lasigin oba horok asigin halok ogo, nen weim yafunemen weim ambisangma asigin halok ogo nineisena Tuhan onggwaregen enek Saul ebe wasigin andi re an nelu o.