MAZMUR 143:10 - Allah Wene Fano Wene Hupla Inane

¹⁰ Hat hebe re an neisena Allah hilingik welagenma re, Hat hendawimo hagaiyek anggikhi lagen mene andoma nek hilingiti logouwageluk yanggulnafi logoin. Hat Hareagun fano mene andi nen an kwe lioksekwe loageluk wo'narek laga logoin.

MAZMUR 143:10 ပူးပေါင်းရင်းမြစ်များ

NEHEMIA 9:20

Hat Hareagun fano meneba it komorinafi lagagin andi. Haren it inamburu manna mene kamo igi'lek wogisugunem ninggik, inagai nele were'ma wogisugunem elokhogo ninggik, ikhi lagaukwa andi.

MAZMUR 118:28

Hat he an neisena Allah welagen, andi nen he, an nen hai wathafi lagi. Neisena Allah legeisogo hobagakhi lagi.

MAZMUR 119:12

Tuhan neisena an nen Hat fogethafi lagi, Hat hawene melalek menfegen mene andomaba yaganeti logoino.

MAZMUR 119:35

Haren yi'nogo hilingiti logoino ti'nogo hilingiti logoino iluk yaganisikhi lagen mene andi re, an he mondok namolongge hilingi'mo re, an nen ninghogo fisogo logou hago.

MAZMUR 139:24

An noba weak mene ekhe werek halok, Haren heilenggen nealuk he, ineluk mondok welagaikharek oba louwogoluk lagaikharekwe wo'narek laga logoino, iluk wuni watikhe.

MAZMUR 140:6

It ap foget fakhagarek mene andoma nen he linglong an nobaget hele webet nobagali'lagwi, nen su unggut wurilogo an sennabugun iluk hilingiri'lagwi. Nen ebekhe kwe an lagainkwe mondogat he an nebe sebelnabuageluk sapna webhogo nobagali'lagwi.

MAZMUR 22:1

Afuni nen wuni wulagaisogo inebe seberogo ugu kwelek yagaisugu mene faget, wuni rusa o wei igiluk ugu kwelek agarek awuni a'nogo higithogo: At Daud awuni.

MAZMUR 23:3

At awene melalek ikhe mene higithogo re, Aren an ekhe inomat nomamet figik, kwe eberogo meneba wo'narek lagik, ikherek.

MAZMUR 25:12

Tuhan nen he it afuni At Awene melalek futfuluk hilingitarek mene nek, it logoinkwe yagaisikherek.

MAZMUR 27:11

Tuhan neisena, an naselei mene re inebe hokho pokhorogo werek andi nen he, Hat hendawimo nen an nen hilingi'lep anggikhi lagen mene andi re an inukniigik, kwe higithogo lagaikharek meneba halogo nobagai lagik, in o,

MAZMUR 31:14

Ekhe kwe-ekhe kwe mondogat namel-melhogo nek hilingi'mo re, it naselei mene nen inane nguluk habuk ugu mene andoma nesanggo holhi lagi. Nen, iren inane misik seberogo makfuluk he an noasugun iluk nanggomo pali'lagwi.

MAZMUR 63:1

Daud ebe o Yehuda leimo logolik wuni watikhe mene.

YESAYA 29:10

Tuhan nen he hit nogo nineilhogo kunalhikhi logolik nogo homokhogo uwageluk hilinghinabigin. Aren he ap nabi ineilenggen mumet fisigik, ineilenggen fano yethagarek mene inelokhe salfisigik, igin.

YESAYA 63:14

Afuni nen wam sapi engga noagaluk o leimo waluk lagaikharek hak, At Tuhan enu seralhi logouwageluk, it againafuri omanogo o set walogoin oba woginarek wagaikhe andi.

MIKHA 4:2

A'nogo we'luk iren ikhi logolik, ”Nit he, afuni Israel mene ineisena Tuhan Allah aiba lagauwogen we'ni o. Lagaumo re, At ebe o Sion kota Yerusalem oba logolik, ane At againafuri yagaisigik, komorinafik, hilingiti logogin andiba re, Aren nit wene hilingiti logogun mene yaganisugunem, higithogo hilingiti logogun nen he, lagauwogen we'ni o,” iluk ikhi logogun.

BILANGAN 9:22

At ohena a'nogo Tuhan Awi Sabu mene wuri'mo andoma o inenggi pire hea, tugi misigat oba hea, tahun misigat oba hea, ekhe inom hea, o andoma werek halok, irogo re, o andomaat welagaukwa. Were'ma nen ohena a'nogo lagugu halok enek he, inambotkwe waga lagaukwa.

ROMA 15:13

”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.

ROMA 15:30

Nerugwi nagaila'lak. Ninoe Enupogot Yesus Kristus andiat iluk, nit-nit nendawi-hendawirogo logouwageluk Allah Areagun en hilingninaferek a'nogoba, an faget he, ninom samban Allah ayonggo ninghogo fikhi logouwogeluk yagahisigi o.

ROMA 5:5

Fano asigin iluk ninendawimo ninagaiyek hikhi lago andiba, Allah nen Areagun wo'nisasikhemo ninendawimo logolik, i hinatarek hak, Allah nen endawitninaferek mene andi ninendawimo peterogo ninobagaikherek andiba ninailo lekhogo welago.

ROMA 8:2

An attak he, weak hilingitaresik wurep oba inebe mondok wa'lagaikharek andi mene nen hele warogo hak fetnarek welagaikhe. A'nogo were'ma, hobuk Allah Areagun en Kristus Yesus ninom hunogo ninobagakhi logolik nineluget ninaferek mene a'nogo nen, hele fikhalogo nobagaikhemo welagi.

ROMA 8:26

A'nogo nenangorogo logolik he, nit ninebe lebelek were'ma re, Allah Areagun en lebetnisili'logo. Nit samban oba Allah yagasuogeluk ninane ninggi'nogo u heat ninonggorat were'ma, Allah Areagun en afuni inaneba u elo'lek meneat he endawi aneba Allah yagari'logo.

EFESUS 4:30

Allah nen hobuk hinebe fanothinabigeluk attagat Areagun wokhisasikhemo hinendawimo werek andi nen endawimo weagetfugubo.

EFESUS 5:9

E ero fano mene nen enggen fano meneat iterek andi hak, afuni o selek oba logolik yi mene ti mene fanorogo higithogo inendawinggen oba nen eberogoat hilingitarek andi.

2 TIMOTIUS 1:7

Allah nen ninobabut wo'nisikherek andi re, ninailorogo logouwageluk wo'nisikherek fuk. We, ninomamerogo welagik, afuni ekhe ninendawirogo welagik, ninendawinggen sebelek welagik, ikhi logouwageluk wo'nisikherek andi.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

1 YOHANES 2:27

At Kristus nen Allah Areagun wokhisasikhemo hinendawimo logolik, yi mene ti mene faget, eranen yagahisigi'lek, eberogoat enek yagahisili'logo andi nen he, afuni ekhe nen wene hit yagahisogoin elo'lego. Wene at Allah nen yagahisili'logo mene andi higithogoat hilingiti logolik, Kristus hinom hundik mondogat logoino o.