MAZMUR 143:1 - Allah Wene Fano Wene Hupla Inane

¹ Daud awuni. Tuhan neisena, an nen samban ikhi lagi mene andi hesanggo holnabin o, an nen kino yagaheti lagi mene andi faget futnobagain o. Haren mondok tiphogo nek hilingiti lagen mene a'nogoba onggo yaganom, Haren katokhogo nek hilingiti lagen mene a'nogoba samban ikhi lagi mene tip ikhi logouwak.

MAZMUR 143:1 ပူးပေါင်းရင်းမြစ်များ

2 SAMUEL 7:25

Andi nen he, Allah Henupogot mene neisena. An nebe faget inom, an nen tagongge mene faget inom, yi'nogo hilinghinafi logogin, iluk wene wa'neten andi ninghogo fisogo logoino o, neisena. Haren he, yi'nogo hilinghinabigin, iluk wene wa'neten andi eberogoat tiphogo hilingninafi logoino aro, neisena.

MAZMUR 140:6

It ap foget fakhagarek mene andoma nen he linglong an nobaget hele webet nobagali'lagwi, nen su unggut wurilogo an sennabugun iluk hilingiri'lagwi. Nen ebekhe kwe an lagainkwe mondogat he an nebe sebelnabuageluk sapna webhogo nobagali'lagwi.

MAZMUR 17:1

Wene eberogo mene nek hilingnobagain, iluk henu hombuk palhi lagi mene andi hesanggo holnafi logoin o, Neisena Tuhan, an nendawinggen mondok pikhithogo hilingik logolik samban hoba kino yagaheti lagi mene andi re futnobagakhi logoin o.

MAZMUR 31:1

Wuni wulak fuluk ambine ugunem melalinafu mene faget, Daud awuni.

MAZMUR 71:2

Hat he katokhogo nek hilingiti lagenma re an fikhalogo nobagain o, an nane hesanggo holfuluk nagap telnabin o.

DANIEL 9:16

Neisena. Haren attagat hendawirogo telninafi lagagin andi hak, yogondak ha'mage lagaluk, o kota Yerusalem inom, honggwarek handom oba inom, weaget fesigin andi hendawimo fano a'no o, neisena. Nit ninebe nen inom, ninombalagen inom, ninobabut weak hilingitik, kwanirogo hilingitik, ogorek andiba, afuni ninera'lukwe welagaikharek mene nen he, nit hagainafuri inendawimo seramet ninobagagik, nen, o kota Yerusalem inendawimo seramet figik, ili'lagwi o, neisena.

1 YOHANES 1:9

Mene re, nit weak hilingito mene fakhogo fogoin halok, at obabut higit mondok logolik, wene wa'nisikherek hagat hilingiterek andi nen he, nit weak hilingitorek mene sebelogo legetfisaluk, weak hilingisuogeluk ninendawimo ebetorek mene sobalninaferek.