MAZMUR 142:2 - Allah Wene Fano Wene Hupla Inane

² An nen nane mondok omamerogo Tuhan oba kweti lagi o, nane hafeba Aren lebetnabuageluk yagati lagi.

MAZMUR 142:2 ပူးပေါင်းရင်းမြစ်များ

MAZMUR 28:1

Tuhan neisena, we Hat hoba nek an nen nane humeti lagi o, Hat he an nebekhit agu mene welagenma re, an nane ikhi lagi mene andi hesanggo holnabin. Nen, Hat hane igi'lek hafe morogo logogin halok he, an he afuni wa'lagunem salinafarek oba omanogo higit logou hago.

MAZMUR 42:4

Lingge hundik, hup hundik le mondok aga logolik, sumburu nenggarek andi hak, le filirogo aga lagi o. Hundik-hundik it naselei mene omanogo nen yaganeti logolik he, ”Heisena Allah ebe koma werek,” iluk yaganeri'lagwi.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

YESAYA 26:16

Haren nit unggum wo'nisasiginmo nit ninoba enggin-fenggin hilingik logolik, niren Hat nineisena Tuhan hoba samban ikhi lago.

ROMA 8:26

A'nogo nenangorogo logolik he, nit ninebe lebelek were'ma re, Allah Areagun en lebetnisili'logo. Nit samban oba Allah yagasuogeluk ninane ninggi'nogo u heat ninonggorat were'ma, Allah Areagun en afuni inaneba u elo'lek meneat he endawi aneba Allah yagari'logo.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.