MAZMUR 141:1 - Allah Wene Fano Wene Hupla Inane

¹ Daud awuni. Tuhan neisena, an nen Hat henu hombuk palhi lagi andi nen he, weak weakhogo lebetnabime! An nen Hat hoba wolhafu halok he nane hesanggo holnabino.

MAZMUR 141:1 ပူးပေါင်းရင်းမြစ်များ

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

MAZMUR 143:1

Daud awuni. Tuhan neisena, an nen samban ikhi lagi mene andi hesanggo holnabin o, an nen kino yagaheti lagi mene andi faget futnobagain o. Haren mondok tiphogo nek hilingiti lagen mene a'nogoba onggo yaganom, Haren katokhogo nek hilingiti lagen mene a'nogoba samban ikhi lagi mene tip ikhi logouwak.

MAZMUR 143:7

Tuhan neisena, an noba mondogat song ikhemo re, Haren onggo weak-weak yaganomo. An nebe ap wa'la'luk lagaikharek oba omanogo pi lagi hanogoluk, Hat hebe an noba nen hina'lasu fugo.

MAZMUR 22:19

Iren he an nasu omanogo sumburogo heligik, Nasu pisarek endakwe labeti lagi mene omanogo re, sumburogo helouwogoluk oagengge lakfigik wakfigik aga o.

MAZMUR 28:2

An lebetnean iluk Hoba kinosi waga logolik nane kwetu halok ogo, nen Hat Hawi Mondok fano horek mene a'nogo wurik fikhit andoma nenggi liakfuluk werek halok ogo, Haren nane hesanggo holnabin o.

MAZMUR 40:13

An weaget nabugun mene re nenggi wenasu mondok elo'lego, nabel fena-fena walingisi we'luk werek. Nen an nen weak hilingitirek mene andi re, nesi nungguloa'ma andoma endebat hangge meneat he, naweak mondok hokhorogo werego, a'nogo were'ma mu'narek nikho andi. Andi nen he an nen neilenggen ha re elo'lego. An nebe nobakheindok palagarik he, an nen hilingisu re, elo'lek ari'lago andi.

MAZMUR 70:2

Neisena Allah, Haren an nagap telogo nobagain o, Tuhan, an weak weakhogo lebetnabime o!

MAZMUR 70:5

It afuni Hat foget hafarek mene andoma re, inagaiyegen wonoget fakhikhi logouwak. Nen, it afuni inebe mondogat Haren telninabilebe, iluk inendawimo inamolo werek mene andoma nen hundik-handik ikhi logolik he, ”Ibi eberogo nen At Tuhan andi re lego mondok logouwak!” ikhi logogun.

MAZMUR 71:12

Neisena Allah, Hat hebere an welagiba nen yatma lagun o, Allah Haren weak-weak telnabime o.