MAZMUR 140:9 - Allah Wene Fano Wene Hupla Inane

⁹ Tuhan neisena, it ap inanini weak mene nen anggagarek mene andoma faget Haren inane holu fugo, iren wene hilingisugun iluk inane mari'lagwi mene andoma re ebe asuageluk u fuk.

MAZMUR 140:9 ပူးပေါင်းရင်းမြစ်များ

ESTER 5:14

A'nogo isikhemo holhukwasik he at agwe inom at agaila'lak omanogo inomen he wene yi'nogo yagatukwa, ”Aben e liagaisogo ap inebe eba porogo fisugu mene uanhogo re 25 meter en hilingisuageluk yagaisan. A'nogo hilingfembik he e andiba at Mordekhai andi paku warogo eba fouwageluk at raja ba kino yaga'no. A'nogo hilingiten halok enek he hat hebe seni andiba hendawinggen hambukhogo nagain.” iluk yagatukwa. A'nogo yagatukwama re, at Haman nen he wene noba aga mene andi re fano anggasikhesik, aren he e ap paku warogo fisagarek mene a'nogo weak-weak hilingisuageluk yagaisasikhe.

ESTER 7:10

Andi yagaisasikhemo re, iren hun Haman a'nogo e hilingik hun Mordekhai warogo fuguba iluk fougetikhe mene a'nogoba paku warogo fei lagaukwa. A'nogo hilingitukwama nek he raja a'mage lagasikhe mene a'nogo lombuk isikhe.

MAZMUR 64:8

Oba nen he At Allah nen andok it inoba pisinget isugunem he, it afuni omanogo ferekhogo nek inagap palherek.

MAZMUR 7:16

Aren he ap amu mene faget iluk kweang habuli'lagoba nen he, at onggwarek kweang habulik a'nogoba pili'lago.

MAZMUR 94:23

Aren he ap weak hilingiterek mene re it inaweak hilingitarek mene higithogo unggum wogisikherek. Nen it inaweak andiba re Aren enek it inebe weagerinaferek. Nen nineisena Tuhan Allah andi nenat it inebe leget fisagain.

AMSAL 10:11

Ap fano mene inambeba nen inane makhugunem he ineluk inagaiyekhogo welagaikharek mene faget wulafarek, oba nen ap weak mene inambelema nen wene agarek mene andoma re inendawimo wene weak mene hinago logolik agarek.

AMSAL 10:6

Ap fano mene andi angge fano mene hilingitu mene hokhorogo helikherek, oba nen ap inobabut weak hilingitarek mene andi re inaneba nen inendawimo werek mene a'nogo sebelhikhi logolik werek.

AMSAL 12:13

Ap weak mene andoma inane weak agarek oba inonggwarek yebet fakhagarek, nen ap fano hilingitarek mene re yi enggin-ti enggin oba nen lologo wulifarek.

AMSAL 18:7

Ap kembu mene ane ikherek oba onggwarek weagerogo fakhikherek, at onggwarek aneba hele yebet fakhikherek.

MATIUS 27:25

it omanogo inane ninghogoat ikhi logolik he, ”At amep andi re, nit ninagainafuri ninomat ninoba logouwago!” iluk yagatukwama re,

ULANGAN 32:27

A'nogo meneat he, Israel inaselei mene, fogerakhogoin nabit anggigi, An nen hilingitu kwelek meneat he, it inendawimo weak ebeti logolik, Allah againafuri andi, niren mabenetfisogo, iluk inendawimo angganogo, iluk Allah nenat isikhe.