MAZMUR 140:7 - Allah Wene Fano Wene Hupla Inane

⁷ Tuhan neisena, an nen ikhi logolik he an neisena Allah re Hat welagen, andi nen he an nen yagaheti lagi mene andoma fut nobagakhi logoin.

MAZMUR 140:7 ပူးပေါင်းရင်းမြစ်များ

2 SAMUEL 8:14

Aren he agoromi at a'ma werek mene sikhe fisogo inap omanogo faget he inawi sili o Edom kwe andoma mondogat halogo fisilik lagaikhe. Nen, it afuni Edom mene andi re mondogat at a'ma nek agaukwa. At Daud en yikwe tikwe weim yabi lagunem Tuhan nen omamet fugunem he mabenet fisikhi lagaikhe.

2 SAMUEL 8:6

A'nogo inoatikhesik at Daud en he agoromi sikhe fisogo mene at a'ma mene faget o sabu it afuni andoma inawi wilayah ba wurogo fisilik lagaikhe. A'nogo wutikhemo re iren at a'ma sebeluk logolik he onggo at oba fei laga lagaukwa. Tuhan nen at Daud ekhema-ekhema weim yabi lagunem he at aselei mene mabenet fisikhi lagaikhe.

MAZMUR 144:10

Harenat it raja-raja omanogo inoba inalonget fisegendek, nen Hat hamingmingengge Daud ogo fikhalogo wulak fikhi lagenat.

MAZMUR 18:35

An weim yabuageluk Arenat yanggulnaferek. Andiba re, an nasikhe tembaga mene wurik a'nogoba ninghogo lisuageluk aren nenggi nomamet fili'lago.

MAZMUR 27:1

At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

MAZMUR 31:15

Oba nen he Tuhan neisena, Hat hebere an neisena Allah welagenma re, an he Hat hoba nek eberek mondok welagi.

MAZMUR 59:17

Oba nen an enek he, Hat homame welagen mene a'nogo hobaget hawuni watu welagirek. O wei ugunem hubet he Haren hendawi hundik hilingnafi lagen mene a'nogo faget inom, nen tiphogo nek hilingnafi lagen mene a'nogo faget inom, an nen nane fanoba hundik-hundik hawuni watu mondok welagi o. Hat he an noba enggin-fenggin agu sambul hawea'ma nobagaluk fetnarek welagen mene hilingi'mo re, An nebe o kuluk la hak he Hat hoba nek waga lagi o.

MAZMUR 62:2

An nebe Allah ninom hundik were'ma hambukhogo welagirek. At oba nenat an nagap telek welagirek.

MAZMUR 62:7

At ebe helep tom hakhogo fetnarek welagik, nagap telogo nobagagik, hilingiterek. Nen At ebe o kota leget ninghogo waganogo kwelabek andi higit fetnarek were'ma re, an naloak nalo-halo u re lek hago.

MAZMUR 89:26

Aren ferinarek logogin oba o kerajaan andi re An nen hokhot fikhi logogin. I laut yenggelegen pikhit i Efrat huli andomaba ferinarek logouwagaluk hilingfagain.

MAZMUR 95:1

Yago, niren Tuhan obaget wuni wasuogen we'ni o, nit ninagap telninaferek mene a'nogo obaget ninagaiyek esuok!

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”