MAZMUR 140:6 - Allah Wene Fano Wene Hupla Inane

⁶ It ap foget fakhagarek mene andoma nen he linglong an nobaget hele webet nobagali'lagwi, nen su unggut wurilogo an sennabugun iluk hilingiri'lagwi. Nen ebekhe kwe an lagainkwe mondogat he an nebe sebelnabuageluk sapna webhogo nobagali'lagwi.

MAZMUR 140:6 ပူးပေါင်းရင်းမြစ်များ

MAZMUR 116:1

An nen neisena Tuhan oba telnabuageluk ayonggo fugunem, an nane esanggo holherek andi nen he, At oba nendawi hundik welagirego.

MAZMUR 119:57

Tuhan neisena we Hat obaget enek an nendawi mene hilingik welagi, Haren yaganeti lagen mene andoma an nen hilingiti logogin iluk wene watheti.

MAZMUR 130:2

Tuhan neisena, an nane hesanggo hol nabimbik he an nen kino yagaheti mene andi futnobagain o.

MAZMUR 142:4

An noba lebelek agu sambul he an nen hilingisigin mene Hat mondogat helu welagen. Ebekwe an lagain iluk hilingiti lagikwe omanogo it naselei mene nen linglong an nobaget hele yebet fili'lagwi.

MAZMUR 142:5

An nera'lukwe neilenggen furogo kumuthugunem he, an lebetnea mene ekhe werek le'ma hikhi lagi. An nebe telogo nobagagu mene ekhe werek legat, athe an nebe hilingik welagi mene faget kwelakniugu mene ekhe werek legat.

MAZMUR 143:1

Daud awuni. Tuhan neisena, an nen samban ikhi lagi mene andi hesanggo holnabin o, an nen kino yagaheti lagi mene andi faget futnobagain o. Haren mondok tiphogo nek hilingiti lagen mene a'nogoba onggo yaganom, Haren katokhogo nek hilingiti lagen mene a'nogoba samban ikhi lagi mene tip ikhi logouwak.

MAZMUR 16:2

An nen ikhi logolik he, ”An nendawimo nagaiyek mondok hikhi lagi mene andi re, we neisena Tuhan Hat enek welagen, nen Hat welagen mene andi hambolkwe taganhogo werek mene ekhe werek lek, neisena,” iluk ikhi lagi.

MAZMUR 31:14

Ekhe kwe-ekhe kwe mondogat namel-melhogo nek hilingi'mo re, it naselei mene nen inane nguluk habuk ugu mene andoma nesanggo holhi lagi. Nen, iren inane misik seberogo makfuluk he an noasugun iluk nanggomo pali'lagwi.

MAZMUR 57:7

It an naselei mene nen he an nebe weaget nobagauwogeluk hele watnafi logolik he an nagaiyek welagi mene a'nogo lebeleget nobagali'lagwi o, Iren he an nanggwe lagain kwe omanogo pogole habul fili'lagwi meneba nen he, it inonggwaregat kweang habuli'mo omanogo pili'lagwi andi.

MAZMUR 64:1

Afuni nen wuni wulak fuluk inebe seberogo ugunem melalinafarek mene faget, at Daud awuni.

MAZMUR 91:2

Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.

YEREMIA 18:22

Ap inanini mene esa logalogo ferekhogo it inawi lokwe wagunem it inailo asuakhogo miming inabin o. An pule puageluk iren pogole habulhik, ele'ma ke'nok uageluk hele webet nobagagik ili'lagi andi.

RATAPAN 3:24

Tuhan andi re an nonggwarek nangge we misik masik enek engge hilingi'mo re At oba nek nendawimo eberek welagi.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.