MAZMUR 140:5 - Allah Wene Fano Wene Hupla Inane

⁵ Tuhan neisena, it afuni inobaharo weak logolik, inomameba nek hilingitarek mene andoma inoba nen hawea'ma nobagaluk fetnarek logoin o, it ap inaniniba an weaget nobagaluk sebelogo nobagagun iluk hilingiri'lagwi mene andoma inoba nen kagalnarek logoin o.

MAZMUR 140:5 ပူးပေါင်းရင်းမြစ်များ

AYUB 18:9

eisok unggut yetfet ugunem he at ebe elema ke'nok ikhi logogin.

MAZMUR 119:110

It ap inobabut weak mene nen an nobaget hele wephogo nobagali'lagwi, oba nen an he Haren wene tekhogo menfesigin mene omanogoba nen taganhogo wilifi lagi lego.

MAZMUR 119:69

Ap wonoget fakhagarek mene nen he an nenu weagerogo fili'lagwi, meneat he an he Haren wene tekhogo fesigin mene a'nogo nendawimo mondogaren holfuluk higithogo nek hilingitu welagi.

MAZMUR 119:85

It afuni Hat hawene melalek oba hologo hilingiri'lagwi lek mene omanogo nen, an neisok taganhogo puageluk kweang habuli'lagwi.

MAZMUR 142:3

At elokhoma nen he neneik yabati lagi, an nen enggin-fenggin hikhi lagi mene omanogo mondogat At oba yagati lagi.

MAZMUR 31:4

Eberogo nenat Hat he an nobaget tom helep eil silipnorek mene hak hilingik welagen, nen ero mondok ningsek mene higit welagen! Haren wene watnetigin mene higithogo re, nawene palnobagaluk wo'narek laga logoin.

MAZMUR 35:7

Iren an hele watnabugun mene iluk nobaget hele webetik, kweang pogole habulhik, hilingiri'lagwi andoma re we elalinat hilingiri'lagwi.

MAZMUR 36:11

It afuni Hat hebe inelu mene halok he Haren hendawi hundik mondok logoino, nen it inendawimo higithogo nek hilingiri'lagwi mene andoma re fanorogo nek hilingfisikhi logoino.

MAZMUR 43:1

It inobabut weak mene nen, ”At weak hilingitemo,” iluk wene noba fugunem he, neisena Allah Haren he, ”At weak hilingiti'lek,” iluk wene noba korogo wokhano o. It afuni inobabut weak hilingitarek mene nen he, an nebe lalnabuogoluk weagetnafik, ineranen wene yaganetik, ugu halok he, Hat hebe an werekwe asimbik telnabino o.

MAZMUR 57:6

Neisena Allah Hat handungdang mondok welagen mene andi re pogoroba mondogat weinamet figik, Nen Hat hanggiluk welagen mene andi re o kweangma yi awi ti awi mondogat weinamet figik in o.

AMSAL 24:15

Ap weak mene nen ap higithogo hilingiterek mene inangge teligik nen inailokwe hinasi kuogeluk inane misik matarek mene andi hinom kam wasu fuk.

AMSAL 29:5

Ap ekhe nen agaila'lak ekhe legeisogo fisagain iluk agaugwerasigin, oba nen he, at onggwaregen yebet fakhagain.

YEREMIA 18:18

Afuni nen ikhi logolik, ”Nit he ninebe seberogo nenat Yeremia pelabuogen he awene paluogen we'ni o. Allah ane andi re at amu nen yagaisoageluk werek fuk. Lego, At ane yaganisugu mene re it ap imam werek hilingi'mo re iren yanggulninafik, it ap inendawinggen wenggelek mene nen komo wene yaganisigik, ikhi logogun o, nen it ap nabi nen he Allah ane ugu mene omanogo yaganisikhi logogun aro. Andi nen he niren at ane ugunem holhi logogun lek enggere, wene katokhogo palharek oba omanogo hele warogo waluk louwogo,” iluk isukwa.

YEREMIA 18:20

An nen fano mene hilingfisugu kwelek iren inanini an noba fouwogeluk hilingiri'lagwi andi re hilingisuba hilingiri'lagwi a? Andiba nen an kweang pogole habuli'mo puageluk habulfili'lagwi andi. Neisena, An nen he it inoba Haren hanini fegen hanogo iluk Hat helokhoma nen inebikhit aga lagi mene a'nogo ebetnean o.

YEREMIA 18:22

Ap inanini mene esa logalogo ferekhogo it inawi lokwe wagunem it inailo asuakhogo miming inabin o. An pule puageluk iren pogole habulhik, ele'ma ke'nok uageluk hele webet nobagagik ili'lagi andi.