MAZMUR 140:12 - Allah Wene Fano Wene Hupla Inane

¹² Afuni inobabut aferogo nek hilingitarek mene andoma enggin-fenggin mene nek inoba asi waga logouwak, it ap inabok weak palharek mene andoma kweangma yoma logouwageluk herakfisogoin hanogo.

MAZMUR 140:12 ပူးပေါင်းရင်းမြစ်များ

1RAJA-RAJA 8:45

Hat hebe pogoroba logolik, inane hesanggo holfuluk he, inomame asuagaluk homame wogisikhi logoino o, neisena.

1RAJA-RAJA 8:49

Hat hebe pogoroba welagen oba andoma nen kino yagahesugun mene andi Haren inane hesanggo holfuluk he, hendawirinafi logoino o, neisena.

MAZMUR 12:3

It inebe mondogen he inagaila'lak inom lal-lal agik, inane pugun obare inagaila'lak ineranen wene lalinafik, hilingiri'lagwi o.

MAZMUR 12:4

Tuhan nineisena, iren ap inendawi wanuogeluk inawene tindel fano agarek mene andi inom, nen inambele hokho a'luk agarek inap andi inom Haren inambele to'mot fisan o, neisena.

MAZMUR 22:24

Hit afuni At oba tipsek logolik hilingiti lagep mene yi sani, At enek fogerati logoni o! Hit afuni Yakub en tagongge mene mondogaren he Arenek esinet fikhi logoni o! Hit afuni Israel en tagongge mene hinebe mondogaren he ineindep awi yagaisogo At apne wanhi logoni o!

MAZMUR 35:10

An nendawinggen nebe mondok abirenggeba nen nane ikhi logolik he, ”Tuhan Hat hinom higirabesu mene re ekhe werek lek!” Harenat, it inomame lek mene re, it inomame werek mene inenggimo nen telogo fisikhi lagen, Nen it inangge lek mene inom, inelagaikhogo werek mene inom he, sebelinarek werek mene omanogo inenggimo nen fikhalogo fisikhi lagen.

MAZMUR 72:4

At raja nen he afuni inenggi lek mene inangge faget ili wanhi logouwak, nen aren it afuni inelagaik mene inom athe afuni sebelogo fisagarek mene omanogo mondogat leget fisigik, ikhi logouwak.

MAZMUR 9:4

Hat helokhoma nen he, an naselei mene omanogo sugulogo inambotkwe heise lagunem, ineisok tunghogo waraluk inebe wa'lari'lagwi.

AMSAL 22:22

Ap enggi lek mene at omame le'ma iluk weagerinabu fuk, nen wene higithogo tegetuba andoma nen ap inenggi lek mene andi inangge nit sebelogoin iluk hilingisu fuk.

YESAYA 11:4

Ap inenggi lek mene re inawene heirogo palinafik, afuni inamu nen hilingisu elo'lek mene inebikhit a'luk leberisigik, ikhi logogin. Ap weak hilingitu mene re At ane miming oba unggum wogisigik, Nen ap inobaharoba nek hilingitarek mene re inebe inoatik, ikhi logogin.

MATIUS 11:5

Ineilenggen mum mene fenggenogo fano agik, inawe wut warek mene kwe lagik, inoba henanggo hangge inailo mene were'ma higirinafunem fano agik, inesanggo tagum mene inesanggo huakhogo holhik, warek mene inelugerinafik, it ekhe inagarek lek mene fano wene yagaisigik, ugunem hineilenggen neegep a'nogo furogo yagasi lan o.