MAZMUR 14:3 - Allah Wene Fano Wene Hupla Inane

³ Meneat he, afuni mondogat inobabut fano hilingitarek mene herakfuluk kwanirogo wilipluk he, weak mondok hilingitarek. Fano hilingiterek mene ekhe werek mondok lek.

MAZMUR 14:3 ပူးပေါင်းရင်းမြစ်များ

KEJADIAN 6:12

Afuni mondogat inobabut weak hilingiti lagaukwa andi nen, Allah nen afuni kweangma mene eilenggen isugunem he, mondok weak enek were'ma isikhi lagaikhe.

AYUB 14:4

Afuni weak hilingitarek mene nen fano katokhogo ekhe hilingitarek nogo? Mondok elo'lego.

AYUB 15:16

Nen, nit afuni weak mondok nonghonghogo, hilingiti lago mene yi, weak andi mondok i hak hilingik logolik hundik-handik hilingiti lagoma re ebenagaik fanoaphogo ninobagau re mondok elo'lek.

MAZMUR 119:176

An he domba longgo ikherek hak longgo igirik logolik, Hat hawene melalek a'nogo taganet figi'lek welagi andi nen he, Hat hebe we'luk an hamingmingengge yi herak nabime o.

MAZMUR 14:1

Afuni inobabut kembu mene inendawimo nen he, ”At Allah ebe re werek lek,” iluk anggikhi logolik he, inobabut weak mene nek hilingitik, ina'meilo mene nek hilingitik, hilingitu logolik he. Fano mene ekhe hilingiterek mondok lek.

MAZMUR 143:2

Nit afuni re Hat helokhoma weak hilingiti'lek mene ekhe logou lek hak hilingi'mo re, An hamingmingengge yi re wene noba mene ero pilingnabu fugo,

MAZMUR 38:5

I fu nen sebelinaferek hakhogo an naweak anggele'ma ubukhogo kwigirik welagi, naweak enggin he leget ha mondok elo'lek.

MAZMUR 58:3

Mondok lego, o yomaba hiren wene weak mene nek melalogo figik, nen hinagaila'lak inangge hinenggi abisak teligik, hilingiti lagep andi.

KELUARAN 12:30

A'nogo inoati logolik, o misik meneba omalik misik iluk ekhe ineluk fisigi'lek inoatikhe andi nen he, le mondok hokhorogo agunem, inane inesanggo holhukwasik, at raja inom, at agoromi inom, afuni Mesir mene mondogat inom, hokhorogoat ineluk agaukwa.

KELUARAN 8:31

Yagatikhemo, At Tuhan nen Musa ane esanggo holhikhesik he, sobon omanogo at raja inom, agoromi inom, afuni mondogat inom, herakfisaluk tarogo loageluk hilingitikhemo re, ekhe kamo igi'lek felelenghogo mondok lagaukwa.

PENGKHOTBAH 7:20

Kweangma yoma re ap obabut mondok fano mene ekhe werek lek, fano mene nek hilingiti logolik weak mene ekhe hilingiti'lek welagaikharek mene werek legat.

PENGKHOTBAH 7:29

We yi nek an nelu agi: Allah nen he nit afuni we serogo welagaikharek mene hilingisogo ninobagaikhe, oba nen he, nit ninonggwaregen set kwil-kwalhogo hilingfakhikhi lago.

YESAYA 53:6

Nit ninebe mondogat he wam domba longgo ikherek andi hak nonghong isugusik welagagu, kwe inanggwe lombok lagaikharek andi hak ninobabut lombogen weak hilingiti logagu. Nit ninebe mondogaren weak hilingiti lagagu mene a'nogo Tuhan nen waganogo at oba fakhasikhe.

YESAYA 64:6

Nit afuni ninebe mondogat he emerek mene nek hilinglagosik welago andiba re, niren fano mene hilingiti lago meneba nen ogore mondok weak hilingi'mo elokhe mondok weagat andi. Engga puk agunem sogoien furogo waluk lagarek andi hak, nit ninobabut weak mene nek hilingitorek andiba ninebe mondok lek asugun andi.

YEREMIA 2:13

An nagainafuri nen he weak ebe pire mene yi'nogo hilingita: An nebe inelugerinafirek mene it inagai elesi a'nogo re inambotma heraknobagagasik, i mogo habulik mene forogo lagunem i yenggelu elo'lek welagarek andi higit hilingfakhaga o,” iluk ikhe.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

ROMA 3:23

Nit afuni mondogat attagaren weak hilingitorek andiba, Allah ebe fogeratu mondok welagaikharek mene andi herakfisaluk ninale'ma yatma asi lagagusik welago.

1 KORINTUS 6:5

Hinenggali wati lagi o. Hit hinerugwi hinagaila'lak hinom, hat ekhe nen at ekhe wene oba fegen halok he, ap Allah amlogo endawimo mondok kagalek logolik wene pilingisogo legetfagain mene misigagun ekhe lek nogo? Werek anggigi.

2 KORINTUS 7:1

Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

EFESUS 2:3

Attagat nit mondogat it hilingiri'lagwi hagat hilingiti lagagu. Ninobabut afuni inobabut inetogat logolik hilingitarek hak hilingiti logolik, ninoba aigage lagagunem weak hilingitik, ninendawimo anggaluk weak hilingitik, ikhi lagagu. Andem sambul he, afuni inobabut inetogat logolik hilingitarek ninom higirat were'ma, Allah a'mage lagaluk he, weagetninabigeluk welagaikhe.

ULANGAN 1:35

o kweang mondok muli fanoma it afuni yi inombawi inoba wokhisagain iluk abok yagaisasigiba andi re, it afuni mondok inanini weak mene yi re, ap we misik iluk ogo ekhe kwi logoin mondok lego.