MAZMUR 139:2 - Allah Wene Fano Wene Hupla Inane

² An nobabut hilingitirek mene mondogat he Hat helu welagen, Hat hebe yatma nen he, an nen ebetirek mene futnobagakhi lagen.

MAZMUR 139:2 ပူးပေါင်းရင်းမြစ်များ

KEJADIAN 16:13

A'nogo yagatikhemo, at he Hagar endawimo nen he, ”Allah fetnarek welagarek mene neilenggen eberogoat higi o” iluk anggasikhesik mel isikhe: ”Neisena Tuhan Allah nen eberogoat fetnarek logolik yaganeti lagama o,” iluk isikhe.

2 RAJA-RAJA 19:27

A'nogo hilinginafi lagen meneat he, hat hebe o yi awi ti awi laga logolik hilingiti lagen mene inom, kwe nikhi lagen mene inom, mondogat he An nelu o.

2 RAJA-RAJA 6:12

Heinok a'nogo wogisasikhemo, at agoromi perwira omanogo mene ekhe nen he, mel yagatikhe: ”Noe, ap ekhe nen yonggo lagi'lego. We, ap Elisa Allah ane yagaisikherek mene a'nogo nenat wene andi hat hebe koma logolik, ale'ma nen he a? Nogo egendek oba nen he a, ugunem at elu a'luk afuni Israel mene inoe raja a'nogoba yonggo lakfisili'lago o, noe,” iluk yagatikhe.

MAZMUR 44:22

At Allah re, nit ninendawimo nen hinagaisogo ebeti lago mene ogore mondogat weinam enek nisili'lagoma re, At Allah nen fut ninobagau hagaro.

MAZMUR 56:8

Neisena Allah, iren weak mene nek hilingiri'lagwi andiba it inebe telinabu hak mene ekhe werek nogo? Hat ha'mageba nek it inebe legetfisan o!

MAZMUR 94:11

Nit afuni nen wenggelhi lago mene andi re At Tuhan nen nisikherek enek hilingi'mo re, andoma mondogat he we alomarogo hagenek hilingik.

AMSAL 15:3

At Tuhan he o yi awi ti awi mondogat eilenggen kogolhi logolik werek. A'nogo logolik he, afuni inobabut fano hilingitarek mene inom weak hilingitarek mene inom mondogat eil woginaferek.

YESAYA 37:28

Oba nen he hit hinoba yi'nogo ti'nogo hilinglasigin mene andoma mondogat he An nelu aro. Nen, hat laga lagen kwe inom, hilingiti lagen mene inom, andoma re An nelu nego. Nen, haren hanini An noba fikhi lagen mene ogo An mondogat nelu welagi.

YEHEZKIEL 11:5

Andi nen Tuhan Areagun an noba asi wagama, Tuhan nen againafuri Israel mene omanogo inoba wene yagaisa loageluk an mimingnafi logolik, ”Yago hinunggulenu Israel mene yi re, hiren isigip mene inom melalogo fesigip mene inom andoma re An he mondogat nelu welagi o.

YEHEZKIEL 38:17

Hat hobaget An nen namingmingengge nabi Israel mene inebene nen nane isigi lek nogo? Iren wene hobuk hilinglasigin mene faget ikhi logolik, An nen he ap misik ekheba Israel mene huginabi loageluk mimingisigin o, iluk iren yagahisikhi lagaukwaat anggigi. Iluk An Tuhan Lego Mondok welagirek mene a'nogo nen nane mondogat igi,” ikhe.

MATIUS 9:4

A'nogo anggasukwama, at Yesus nen inobabut enegat palhikhesik he, mel isikhe: ”Hit hinendawimo nen wene weak mene ebeti lagep andi nenahalok?

LUKAS 9:47

Inane a'nogo sagalhukwa mene, Yesus nen inendawimo anggasukwa mene enegat futfisasikhesik, yenggerek mage mene ekhe waganogo era'lu fei wagaikhesik he,

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

ULANGAN 31:21

A'nogo hilingisumo, an nen yi mene ti mene inailo mene hokhorogo inoba fagain o. A'nogo meneat he, wuni yi nek he, afuni nen unggum inoba fugunem pilingiti logolik, it ekhe inelu mene nen, eberogoat yi'nogo hilingita, iluk agarek andi hak, iren he, eberogoat yi'nogo hilingitugu, iluk eberek logolik wuni andi wat logouwago. An nen o it wene warisasigiba andoma oan woginarek kwigi'lek welagi meneat he, it inendawimo eberi'lagwi mene andi An nelu o,” iluk yagatikhe.