MAZMUR 136:16 - Allah Wene Fano Wene Hupla Inane

¹⁶ At againafuri omanogore Arenat woginapluk o leikwe lagaikhe, Endawi hundik hilingninaferek mene andi re mondok-mondok logogin mene.

MAZMUR 136:16 ပူးပေါင်းရင်းမြစ်များ

NEHEMIA 9:12

Hat hebe o linggene re, ohena anggele'ma mendek logolik woginarek wagagin andi. Nen, hubanggo re, endu amulok anggele'ma menla'luk kwe logoin kwe liarogo yat yarethilik woginarek wagagin andi.

NEHEMIA 9:19

A'nogo meneat he, haren it inoba hendawinggen hundigen, o leimo afuni le'ma andoma nen it herakfisigi'lek ferinarek mondok welagagin andi. Ohena e higit mendek andiba linggene ebekhalem woginarek wagik, nen, endu mendek andiba hubanggo inanggwe wesugun kwe omba'bak liarogo yararathilik woginarek wagik, kamo igi'lek mondok waga lagagin andi.

MAZMUR 77:20

Hat hebere i laut agum founalhukwe ambolebene andoma lagendek, oba nen Heisok sebelhukwe re obalik werek lek.

KELUARAN 13:18

We, kwe lagokhogo o leimo afuni le'kwe nen i enu Gelagah mogo yenggelek fikhit andoma nen lagokhogo woginarek wagaikhe. Andi sambul he, afuni Israel mene o Mesir herakfuluk weim yabuogeluk hangge inasikhe inarige lik-loukhogo wulibi wagaukwa.

KELUARAN 15:22

Hobuk at Musa nen afuni Israel mene i enu Gelagah yenggelek a'nogoba nen woginarek o leimo afuni le'ma enu Syer wagaikhe. Inenggi henagan oba waga logolik i mondok le'ma waga lagaukwa.

YESAYA 49:10

It he, inagai inom inamburu inom nelerogo logogun lek, nen o leimo andoma it faget hibi fululung hibi lagagin legat. A'nogo hilingisigin andi re An nen it inoba inelagaik isikhi lagimo re, it woginarek lagik, hondoginarek i elesi agai fano meneba fisa lagik, hilinginafi logogin o.

ULANGAN 11:5

Hit hinebe o yoma asi wagi le'ma, o leimo andoma nen hinobaget hineisena Tuhan nen hilingite aple a'nogo hirogo hinelu aro.

ULANGAN 8:15

At nineisena Tuhan hit hinebe wokhinarek, o leik hokhokwe afuni inebe le'ma, inailorekwe, kisu afuni inoaterek mene inom, elilim aik anini weak mene inom, mondok hokhorogo were'ma wokhinarek waga laga andi. i mondok le'ma kweang amusu mondok le'ma wokhinarek waga logolik, hit hinoba hambukhogo nobagaigeluk, i helep elema nen elesi wulibisogo wokhisikhe andi.

ULANGAN 8:2

At nineisena Tuhan Allah nen he, hit hinendawimo anggaluk ninggi'nogo hilingisugun. Wene an nen, yi'nogo hilingiti logoino, ti'nogo hilingiti logoino, iluk komothinafi wene andi hologo higithogo hilingiti logogun a? Lega, iluk hinobabut paligiluk, kwe yatkwe nenat o leimo afuni lekwe wokhinarek wagu kwelek, 40 tahun hilinglaga andi hinendawimo ebe'ni o.