MAZMUR 135:5 - Allah Wene Fano Wene Hupla Inane

⁵ Eberogo nen At Tuhan andi re mondok hokho agun werek a'nogo an nelu o, At ebe lego agun were'ma dewa afuni nen fogeratarek mene andoma re sebelek hak werek.

MAZMUR 135:5 ပူးပေါင်းရင်းမြစ်များ

MAZMUR 147:5

Nit nineisena Tuhan andi re Mondok Hokho agun logolik elalin hilingiterek mene werek, At endawi wenggelek mene andi re huli warogo fou re elo'lek.

MAZMUR 48:1

It inunggulenu Korah mene inawuni.

MAZMUR 89:6

Andiba re it pogoroba andogorek werek mene omanogo nen he Haren wene hokho mene hilingitigin mene andi faget foget hafarek. Nen Haren tiphogo nek hilingiti lagen mene andi faget he Hawuni watu welagaikharek andi.

MAZMUR 95:3

At Tuhan andi re, Allah mondok andungdang werek mene hilingi'mo re, At ebere it dewa omanogo sebelek werek kwelek, At he Raja mondok lego mene werek.

MAZMUR 97:9

Nineisena Tuhan, Hat he pogot kweang henggi fisogo mene welagen andi nen he, Hat hebere handungdang logolik it kembu dewa omanogo sebelek hak werek kwelek Harenek he lego mondok welagen.

YESAYA 40:22

Walhasikhe mene re kweang abuk-abuk waganek ari ambol oba hurek werego, afuni inebe At elokhoma re migindik-magendek no pulue hangge hilingik. Aren he, pogot ari re su kain hangge talogo fesikhesik, o sabu logogin oba wutarek higit wurogo fesikhe.

YESAYA 40:25

Allah Horek Mondok werek mene andi inom he, sa nen an ninom higitsek anggaluk hilingiti lagen nogo? Haren ap sa hinom At nemberek higirap esigin iluk hilingiti lagen?

DANIEL 3:29

Andi halok, afuni nen, Nineisena ebe yi aro, iluk agarek mene ekhe Allah nen it telinafe andi hangge ekhe hilingitarek mondok lek andi nen he, hit afuni hinunggulenu lombok, hineisok erokwe lombok, hinane lombok, ekhe nen he, Sadrakh, Mesakh, Abednego, ineisena Allah it fogeratarek mene andi faget weak iluk abok weak ugu halok, inebe libik-labakhogo inoasimbik, inawi wurik mondok meisa'-lambukhogo potfisogoin o, iluk an nebe nenat wene wulafi andi,” iluk yagaisasikhe.

ULANGAN 10:17

At nineisena Tuhan Allah re, afuni ekhe nen hunogoat mene faget, Nineisena ebe andi aro, iluk agarek mene mondogat inom, yi mene ti mene omame werek mene mondogat inom, elo'lek hangge werek kwelek, At enek he, Ebe Esin Lego Omame mondok Hokho welagarek. Andi nen he, At ane hologo higithogo hilingiti logogun o. At he, it ekhe inebikhit aga logolik, ekhe abit welagik, it inebikhit asuageluk onggo hinagaisogo wogetunem wanhik, ikherek mondok lego.