MAZMUR 135:21 - Allah Wene Fano Wene Hupla Inane

²¹ At Tuhan Awi Yerusalem oba logolik andom Sion oba werek mene a'nogo nek fogerati logoni o! Tuhan enek fogerati logoni!

MAZMUR 135:21 ပူးပေါင်းရင်းမြစ်များ

1 TAWARIKH 23:25

At Daud en ikhi logolik he, ”It afuni Israel mene ineisena Tuhan Allah a'nogo nen At againafuri inoba inailo legengge logouwageluk hilingfikhesik, At ebe ogo mondok-mondok o Yerusalem logogin.

EZRA 7:16

Nen, ekhe re, hun haren emas inom, perak inom, afuni o Babel mene were'ma yoma nen andorasigin mene andoma inom, it afuni inunggulenu Israel mene nen inom, it imam-imam en inom, it ineisena Tuhan Allah Awi o Yerusalem a'nogo faget andogota mene andoma inom, mondogat helaluk lan o.

MAZMUR 128:5

O Sion oba nen Tuhan nen hat hebe fanot hobagakhi logouwak. Hat heluk logogin huli andoma, haren Yerusalem oba yi mene ti mene mondogat were'ma nek heilenggen hikhi logogin logouwak!

MAZMUR 134:3

At Tuhan pogot kweang elalhikhe mene andi nen, O Sion oba andoma hit hinebe fanot hinobagakhi logouwak!

MAZMUR 48:1

It inunggulenu Korah mene inawuni.

MAZMUR 48:2

Nit nineisena Allah Awi kota horek mene andiba re, Ibi eberogo nen At Tuhan ebe lego mondok were'ma, esinet fagarek mene werek.

MAZMUR 48:3

Allah andom Sion oba andi re, eil mondok fanore'ma re wolonghogo liabek. O kota Raja Lego mondok welagarek mene awi andi re, yi afuni ti afuni o kweangma welagaikharek mene nen inagaiyegetarek awi wurik.

MAZMUR 48:9

Nit ninesanggo holhi lagagu mene a'nogo higithogo re, yogondak niren nineilenggen hikhi lago, At Tuhan Omame Mondok Hokho mene Awi Kota re andi o. Kota andi ebe re nit nineisena Allah awi, Aren ninhup-nanhup o andi faget kagalek mondok werek.

MAZMUR 76:2

At Allah re it afuni Yehuda mene were'ma andoma mondogaren he inelu nek, nen it afuni Israel mene were'ma andoma re At enu nek sagarek werek.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

BILANGAN 23:21

At Yakub en weak ekhe hilingitemo ikhi logogun lego. At Israel eisena Tuhan Allah nen fetninarek werek kwelek, aren yi mene ti mene ekhe weak hilinglaga logogin legaro. Iren he, Raja re At amuat werego, iluk inagaiyegen inane a'mit suphogo fogerari'lagwi andi.